Nesfréttir - 01.04.2022, Blaðsíða 3

Samfylking og óháðir vilja byggja upp betri bæ fyrir
börn með því að:
• Tryggja gott húsnæði og skólalóðir á öllum skólastigum
sem styður við fagstarf, skólaþróun og vellíðan barna og
starfsfólks. Ráðast í uppbyggingu á nýjum leikskóla og
stórbæta skólalóð Grunnskóla Seltjarnarness.
• Taka markviss skref strax við að innleiða farsældarfrumvarpið
í þjónustu við börn á Seltjarnarnesi. Því fylgir aukin áhersla
á snemmtækan stuðning við börn, markviss úrræði og betri
yfirsýn sem tryggir að ekkert barn falli á milli kerfa og öll börn
fái tækifæri til að blómstra.
• Skapa framúrskarandi umhverfi fyrir börn til að stunda
íþróttir og fjölbreytt tómstundastarf með því að hækka
tómstundastyrk upp í 75.000 krónur á hvert barn 5 ára og
eldri og snúa við niðurskurði í félagsmiðstöðinni Selinu og
forvarnarmálum.
Samfylking og óháðir vilja byggja upp öflugan og
lifandi miðbæ með því að:
• Endurskipuleggja Eiðistorg með svipuðum hætti og gert var
á Garðatorgi. Þar var bílastæðið rammað betur inn með nýjum
húsum þar sem verslun er á jarðhæð og íbúðir á efri hæðum.
Bílastæði eru færð neðanjarðar að hluta, íbúum fjölgar og
ný og spennandi verslunarrými verða til sem snúa beint út á
götu.
• Íbúðirnar sem rísa á miðbæjarsvæðinu eiga að vera
fjölbreytt blanda af húsnæði sem hentar fyrstu kaupendum,
fjölskyldufólki sem og eldri borgurum sem vilja minnka við sig.
Samfylking og óháðir vilja byggja upp betri bæ fyrir
eldri borgara með því að:
• Efla þjónustu við eldri borgara í nærumhverfinu og vinna
stefnumótun utan um þjónustu við eldri borgara sem unnin
verður í samráði við íbúa, öldungaráð og félag eldri borgara á
Seltjarnarnesi.
• Styðja við og efla íþrótta- og tómstundastarf eldri borgara
með það að markmiði að gefa eldri borgurum á Seltjarnarnesi
tækifæri til að rækta líkama og sál í öflugri aðstöðu og góðum
félagsskap.
Betri bær fyrir okkur öll
Guðmundur Ari Sigurjónsson Sigurþóra Bergsdóttir Bjarni Torfi Álfþórsson Karen María Jónsdóttir
2. 3. 4.1.