Nesfréttir - 01.04.2022, Side 19

Nesfrétt ir 19
„Breytingar eru lög lífsins. Og þau sem horfa eingöngu til fortíðar munu
örugglega missa af framtíðinni“ sagði John F. Kennedy árið 1963. Hafi breytingar
verið örar þá – hvað þá nú?
Mjög hefur hægst á þróun þjónustu á Seltjarnarnesi. Íbúarnir finna þetta
í skólunum, í umhirðu bæjarins og tjá skoðun sína árlega í viðhorfskönnun
sem Gallup framkvæmir fyrir sveitarfélögin á höfuðborgarsvæðinu. Á meðan
ánægja mælist stöðug og vaxandi í Garðabæ, Kópavogi, Hafnarfirði og
Mosfellsbæ – þá dvín hún á Seltjarnarnesi.
Hvers vegna situr Seltjarnarnes eftir?
Á kjörtímabilinu sem er að líða hef ég ítrekað bent á hversu glæfralegt
það er af meirihluta Sjálfstæðisflokksins að ríghalda í eldgamla hugmynd
um Seltjarnarnes sem einhverskonar skattaparadís. Hugmyndin hefur reynst
okkur dýr, en, er líka svarið við spurningunni hér að ofan. Bærinn tapar
peningum, þjónustan versnar og íbúarnir eru minna ánægðir. Haldi þessi
þróun áfram getur hún valdið bænum og bæjarbúum gífurlegum skaða.
Skoðum svart á hvítu hvað þessi hugmynd hefur kostað bæinn. Frá 2015
nemur hallarekstur bæjarins 1.540 milljónum. Þessi fjárhæð nemur fjórðungi
skulda bæjarins (25%) , sem voru 6 milljarðar um síðustu áramót. Skuldirnar
námu um 1,5 milljarði árið 2015.
Hvernig liti myndin út ef bæjarstjórn hefði haft kjark til að hækka útsvarið
í upphafi þessa tímabils í samræmi við t.d. Kópavog? Svarið við því er einfalt.
Hallarekstur næmi 360 milljónum í stað 1.540 milljónum króna. Svigrúmið til
að bæta þjónustuna og byggja til framtíðar hefði því verið talsvert, ef horfið
hefði verið frá skattaparadísarhugmynd Sjálfstæðisflokksins.
Á þetta hef ég ítrekað bent á yfirstandandi kjörtímabili. Raunar gerðust
þau undur og stórmerki að einn bæjarfulltrúi Sjálfstæðisflokksins sá ljósið
við gerð síðustu fjárhagsáætlunar og samþykkti hækkun útsvar um 0,39%
um síðustu áramót. Ég hef ekki orðið var við fjöldamótmæli bæjarbúa vegna
þessa. Enda er þessi hækkun ekki stórfelld eignaupptaka, eins og hörðustu
frjálshyggjumennirnir kunna að halda fram.
Hversu margar krónur eru 0,39% hækkun útsvars?
0,39% af meðallaunum Íslendings eru 715 krónur á viku. Það dugir fyrir
stórum ís í brauðformi á Huppu (án dýfu) eða einum latté á Örnu. Ekki há
upphæð fyrir flesta. En yrir fjárhag bæjarins skiptir þessi
hækkun hinsvegar miklu, því þegar allur ísinn kemur
saman eru þetta yfir 100 milljónir á þessu ári. Með þessu
skapast svigrúm til að bæta þjónustu skóla, leikskóla og
malbika Nesveginn, svo eitthvað sé nefnt.
Framtíðin er hópur fólks sem hefur um skeið rætt
saman um framfaramál fyrir Seltjarnarnes. Velvilji
gagnvart samfélaginu á Seltjarnarnesi er það sem
sameinar hópinn, frekar en trú á stjórnmálastefnu í eina
átt eða aðra. Við teljum að rjúfa verði þá stöðnun sem
einkennt hefur bæinn undanfarinn áratug. Það verður
ekki gert með því að stóla á lausnir fortíðar. Framtíðin verður að vera betri
og þjónusta bæjarins við íbúa sína framsæknari.
Á komandi vikum mun Framtíðin kynna stefnumál sín og kynnast íbúum á
skemmtilegum viðburðum sem standa fyrir dyrum.
Framtíðarhópurinn er sammála um að rjúfa verði þá stöðnun sem legið
hefur yfir þjónustu Seltjarnarnesbæjar við íbúana. Við stólum á Seltirninga
að veita okkur umboð til breytinga. Því að breytingar eru lögmál lífsins og
fortíðin geymir engin gild svör.
Karl Pétur Jónsson
oddviti á lista Framtíðarinnar á Seltjarnarnesi.
Tími fyrir breytingar
STUÐ
STUÐ
0
STUÐ
1
» Þarf stærri heimtaug?
» Hvaða lausn hentar best?
» Er kerfið búið álagasstýringu?
» Sjálfvirkt greiðslu- og innheimtukerfi?
Er hleðsla rafbíla
hausverkur
í húsfélaginu?
Við aðstoðum við að leysa málið með
hagsmuni húsfélagsins að leiðarljósi
Hlutlaus úttekt og ráðgjöf fyrir húsfélög um fyrirkomulag
rafbílahleðslu og framkvæmdaáætlun.
Útvegum og berum saman tilboð og aðstoðum við styrkjaumsóknir.
thjonusta@eignaumsjon.is | eignaumsjon.is
Karl Pétur
Jónsson.
www.borgarblod.is