Feykir - 27.01.2021, Blaðsíða 4

Hrafnhildur Guðnadóttir, eða Rabbý eins og
hún er ævinlega kölluð, hefur reynt ýmislegt á
knattspyrnuvellinum. Barnsskónum sleit hún á
Siglufirði og sparkaði fótbolta í gríð og erg fyrir
KS í yngri flokkum en aðeins 16 ára gömul var
hún farin að leika í efstu deild með sameiginlegu
liði Þórs Ak., KA og KS áður en hún kom á Krók-
inn og lék með Stólum nokkur tímabil þar til hún
munstraði sig árið 2009 í Pepsi-deildarlið KR.
Þar lék hún sjö leiki og skoraði eitt mark.
Ferilinn endaði hún svo í liði Tindastóls árið
2011, þá búinn að leika 96 leiki með þessum
þremur liðum. Það er því ekkert undarlegt að hún
hafi fengið þá spurningu í síðasta þætti hvort hún
ætli að taka þátt í Pepsi Max ævintýri Tindastóls
þetta tímabilið. Rabbý býr á Sauðárkróki og
starfar sem hársnyrtir.
Hvert er uppáhalds liðið þitt í enska boltanum?
-Liverpool. Þegar ég byrjaði að fylgjast með fót-
bolta var Robbie Fowler alveg frábær og þess
vegna varð Liverpool fyrir valinu.
Hvernig spáir þú gengi liðsins á tímabilinu?
-Liverpool tekur titilinn annað árið í röð!
Ertu sátt við stöðu liðsins í dag? -Já já, ágætlega
sátt, það eru reyndar búin að vera alltof mörg
jafntefli í leikjum sem þeir eiga að vinna. Svo er
nú búið að vera ansi mikið um meiðsli í liðinu en
vonandi fer þetta að lagast og þeir klára seinni
hluta tímabilsins með stæl!
Hefur þú einhvern tímann lent í deilum vegna
aðdáunar þinnar á umræddu liði? -Nei nei, það
halda nú flestir í kringum mig með réttu liði,
nema það að ég hef stundum þurft að ræða mjög
alvarlega við son minn.
Hver er uppáhaldsleikmaðurinn fyrr og síðar?
-Verð auðvitað að nefna Robbie Fowler (enda
áhrifavaldur í mínu lífi:) en svo er það líka Messi.
Hefur þú farið á leik með liðinu þínu? -Nei
ekki ennþá. Ég fór til Barcelona 2015 að sjá hitt
uppáhaldsliðið mitt spila og það var geggjað en ég
stefni klárlega á að fara á Anfield næst.
Áttu einhvern hlut sem tengist liðinu? -Bara
eitthvað smádót, trefil og könnu.
Hvernig gengur að ala aðra fjölskyldumeðlimi
upp í stuðningi við liðið? -Sem betur fer hélt Helgi
Rafn með Liverpool þegar við kynntumst svo
uppeldið á börnunum átti að verða mjög auðvelt.
En það hefur nú ekki alveg verið þannig því sá
elsti er búinn að vera með vesen og þykist halda
með einhverju öðru liði, miðjan okkar er Poolari
og sá yngsti lofar góðu.
Hefur þú einhvern tímann skipt um uppáhalds
félag? -Nei, Liverpool verður alltaf liðið mitt. En
mér finnst reyndar gaman að fylgjast með Wolves
spila og held alltaf pínu með þeim.
Uppáhalds málsháttur? -Sér grefur gröf þótt grafi.
Einhver góð saga úr boltanum? -Þegar ég var 16
ára bjó ég á Sigló en var að spila með m.fl. Þórs á
Akureyri og þurfti að mæta á æfingar þar þrisvar
í viku og svo auðvitað leikir í hverri viku líka. Til
að láta þetta ganga upp þá fékk ég mér vinnu í
Rækjunni og tók bara næturvaktir allt sumarið.
Við vorum fjórar stelpur frá Sigló sem spiluðum
með Þór og fengum Yaris til að ferðast á saman.
Þetta sumar er mjög eftirminnilegt og eitt af því
skemmtilegasta.
En svo verð ég að nefna að öll keppnisferðalögin
sem maður hefur farið í með liðsfélögum voru jafn
mikilvæg og skemmtileg eins og fótboltinn sjálfur.
Einhver góður hrekkur sem þú hefur framkvæmt
eða orðið fyrir? -Nei nei, ekkert sem mér dettur í
hug til að segja frá.
Spurning frá Konna Sigga Donna: -Ætlar þú að
taka fram takkaskóna núna? Vera með í Pepsi
Max ævintýrinu? -Það væri reyndar geggjað! ...
en ég held að takkaskórnir mínir séu orðnir of
gamlir og rykugir fyrir Pepsi Max.
Hvern myndir þú vilja sjá svara þessum
spurningum? -Halldór Halldórsson
Hvaða spurningu viltu lauma að viðkomandi? -Er
stefnan að horfa á næsta HM í fótbolta í Drangey?
( LIÐIÐ MITT ) palli@feykir.is
Takkaskórnir of gamlir
og rykugir fyrir Pepsi Max
Hrafnhildur Guðnadóttir heldur með Liverpool
Mikil íþróttafjölskylda, Rabbý, ein af bestu leikmönnum Stólanna í fótbolta, og kapteinninn í körfuboltaliði, Tindastóls Helgi Rafn Viggósson.
Afleggjararnir, Rannveig Kara, Guðni Bent og Hlynur Orri, eiga eflaust eftir að gera góða hluti hjá Stólunum í framtíðinni. MYND AÐSEND
AÐSENT | Steinn Kárason skrifar
Eitt hundrað og tuttugu ár
eru nú frá fæðingu Eyþórs
Stefánssonar – tónskáldsins
í Fögruhlíð. Eyþór Stefáns-
son fæddist á Sauðárkróki
23. janúar 1901 og lést á
Sjúkrahúsi Sauðárkróks 3.
nóvember 1999, 98 ára að
aldri. Eiginkona hans var
Sigríður Anna Stefánsdóttir
sem fæddist 29. september
1905 og lést 20. júní 1992.
Um Sigríði eiginkonu
sína sagði Eyþór á áttræðis-
afmæli sínu að honum hefði
hlotnast það happ að hafa
eiginkonu við hlið sér öll þau
ár sem mest á reið: „Konan
mín stóð mér aldrei að baki,“
sagði hann, „hún stóð ætíð
við hlið mér í öllum mínum
störfum og studdi mig með
ráðum og dáðum alla tíð.“
Faðir Eyþórs hét Stefán
Sigurðsson og móðir hans
hét Guðrún Jónasdóttir, þau
voru systkinabörn, af svo-
kallaðri Borgarætt. Eyþór
var í barnaskóla og unglinga-
skóla á Krókum og lærði að
synda í sundpollinum í
Sauðárgili.
Sökum fátæktar og ann-
arra aðstæðna átti Eyþór
engan kost á að afla sér
frekari menntunar, fyrr en
veturinn 1928, að hann nam
tónlist og leiklist í Reykjavík.
Árið 1934 lá leið Eyþórs til
Þýskalands til að læra tónlist,
leiklist og „myndlist“.
Eyþór Stefánsson hóf að
semja tónlist rúmlega tvítug-
ur. Hann hefur samið um 70
sönglög og aðra tónlist af
ýmsu tagi. Hjá Ríkisútvarp-
inu eru skráðar yfir 200
upptökur að lögum hans.
Eyþór var frímúrari og
einn af stofnendum Frí-
múrara – fræðslustúkunnar
Mælifells á Sauðárkróki.
Hann starfaði innan vé-
banda St. Jóh. St. Rúnar á
Akureyri og samdi stúkulag
Rúnar.
Árið 1941 tókst Eyþóri og
félögum að stofna nýtt leik-
félag á Króknum, sem þó má
segja að sé endurvakning
Leikfélags Sauðárkróks, sem
var stofnað 13. apríl 1888.
Eyþór var afburða upples-
ari og hafði hljómfagra rödd.
Hann lék og leikstýrði fjölda
verka til ársins 1976 er hann
steig síðast á svið en þá hafði
hann leikið 118 hlutverk
fyrir Leikfélag Sauðárkróks.
Eyþór var á langri ævi
einn helsti menningarfröm-
uður Sauðkrækinga og
Skagfirðinga allra og var
sýndur margháttaður sómi
um ævina. Hann var
heiðursborgari Sauðárkróks
og var heiðursfélagi í mörg-
um félögum á Sauðárkróki
og í Tónskáldafélaginu.
Hann var sæmdur gullmerki
frá Félagi íslenskra leikara
og stórriddarakrossi hinnar
íslensku fálkaorðu fyrir störf
sín að menningarmálum á
Sauðárkróki
Steinn Kárason
Eyþór Stefánsson –
tónskáldið í Fögruhlíð
Samtök sveitarfélaga á Norðurlandi vestra og KPMG bjóða til
gagnvirks fræðslufundar um COVID úrræði stjórnvalda næst-
komandi föstudag, 29. janúar.
Flutt verður stutt framsaga um helstu úrræðin sem eru í boði auk
þess sem þátttakendum gefst færi á að spyrja sérfræðinga KPMG út í
einstök atriði. Hugmyndin er að takmarka fjölda þátttakenda við 30
manns í von um gagnvirkt samtal þátttakenda og sérfræðinga KPMG.
Sjá nánar á ssnv.is þar sem skráning fer fram. /FE
SSNV
Fróðleiksfundur um
COVID úrræði stjórnvalda
4 04/2021