Feykir - 22.09.2021, Qupperneq 9

Eyjólfur Ármannsson
Oddviti í Norðvesturkjördæmi
Hleypum lífi í
sjávarbyggðirnar!
Leyfum frjálsar handfæraveiðar.
Þær setja fiskastofna aldrei í hættu.
Stórátak í samgöngum.
Bættar samgöngur efla
atvinnulíf og auka hagvöxt.
Útrýmum fátækt.
Afnemum tekjuskerðingar
á elli- og örorkulífeyri.
Krefjumst réttlætis
fyrir alla í ríku landi.
Guðni Þór og Óskar Smári í spjalli
„Umgjörð liðsins
verið til fyrirmyndar“
Þjálfarar kvennaliðs Tindastóls, Guðni Þór og Óskar Smári, eftir síðasta leikinn í Pepsi
Max deildinni. Fall staðreynd en menn stoltir af liðinu engu að síður. MYND: ÓAB
Í síðustu viku varð ljóst að
hvorugur þjálfara kvennaliðs
Tindastóls yrði áfram með liðið.
Guðni Þór Einarsson er fluttur
suður en síðan tók stjórn
knattspyrnudeildar þá
ákvörðun að endurnýja ekki
samning við Óskar Smára
Haraldsson.

Feykir ræddi við þá báða og
birti ítarleg viðtöl við þá á
netinu. Guðni var m.a. spurður
um hvað væri eftirminnilegast
frá þeim fjórum árum sem hann
kom að þjálfun liðsins og það
stóð ekki á svari. „Þegar við
tryggðum okkur sæti í efstu
deild í fyrsta sinn í sögu félagsins
og okkar tími í efstu deild verður
lengi í minnum hafður. Eftir
sumarið stendur ómetanleg
reynsla fyrir alla sem koma að
liðinu. Það höfðu ekki margir
trú á okkur fyrir tímabilið og
okkur spáð miklum hrakförum
en þrátt fyrir þá spádóma þá
höfðum við mikla trú á að við
gætum haldið sæti okkar í
deildinni. Við teljum okkur hafa
sannað að liðið eigi heima í efstu
deild og það var frábært að sjá
okkar uppöldu heimastelpur
sanna sig sem góðir efstu-
deildarleikmenn. Fyrir félagið í
heild ætti þetta að vera góð
hvatning til að halda áfram
þessari góðri uppbyggingu sem
átt hefur sér stað síðustu ár.
Það er góður efniviður í yngri
flokkum félagsins og framtíðin
getur verið mjög björt ef haldið
er rétt á spilunum.“
Hver telur þú að hafi verið
mikilvægasti þátturinn í þessu
óvænta ævintýri Stólastúlkna,
hvers vegna náðist þessi
árangur? „Það þarf samspil
margra þátta til að svona
ævintýri verði að veruleika og
undirbúningurinn tók mörg ár
að þróast með góðu yngri flokka
starfi í gengum árin. Ákveðin
hugarfarsbreyting átti sér stað
og unnið var markvisst að því að
skapa gott umhverfi til að halda
áfram uppbyggingu liðsins.“
Guðni segir að uppbygging
leikmannahópsins hafi verið
annar mikilvægur þáttur. „Í
bland við unga efnilega leik-
menn eru reynsluboltar sem
hafa spilað saman í mörg ár og
svo fengum við frábæra styrk-
ingu í erlendum leikmönn-
unum sem hafa fylgt okkur
síðustu ár sem hafa gefið mikið
af sér til allra leikmanna liðsins.
Svo hefur umgjörð liðsins verið
til fyrirmyndar og hefur öflugt
kvennráð starfað í kringum
liðið undir forystu Helgu Eyjólfs
sem hefur unnið ómetanlegt
starf fyrir félagið.“
Ofboðslega gaman!
Eins og kunnugt er féll lið
Stólastúlkna úr efstu deild í
haust. Óskar Smári var spurður
að því hvort það hafi verið
eitthvað sem þjálfurunum
fannst að þeir hefðu getað gert
betur. „Já, alveg klárlega. Við
tókum okkur reglulega í
naflaskoðun, fórum yfir hvað
við hefðum getað gert betur og
reyndum að lagfæra það. Við
vissum fyrir sumarið að þetta
yrði erfitt tímabil, það yrðu
erfiðir leikir en okkur fannst
stelpurnar standa sig feikilega
vel og eiga allt það hrós skilið
sem þær hafa fengið.“
Hvernig fannst þér sumarið
með Stólastúlkum, var þetta
spennandi og skemmtilegt eða
erfitt og stressandi? „Mér
fannst þetta ofboðslega gaman.
Vissulega mikill tilfiningarússi-
bani oft á tíðum, við fórum hátt
upp eftir sigra, langt niður eftir
töp en þegar öllu er á botninn
hvolft þá bara var þetta tímabil
ofboðslega skemmtilegt með
þessum frábæra hópi,“ segir
Óskar Smári.
Báðir vilja þeir Guðni og
Óskar Smári koma á framfæri
þökkum til allra sem komu að
meistaraflokki kvenna í sumar;
þjálfarateyminu, leikmönnum,
sjúkraþjálfurum, kvennaráðinu
og stuðningsmönnum. Ekki er
að efa að Tindastólsfólk á eftir
að sakna þessara góðu drengja
og Feykir vill nota tækifærið og
þakka þeim frábært samstarf.
/ÓAB
Norðurland vestra | Matvælasjóður
Fjölmörg verkefni hlutu styrki
Í síðustu viku veitti Kristján Þór Júlíusson,
sjávarútvegs- og landbúnaðar-ráðherra, 566,6
milljónum úr Matvælasjóði en sjóðurinn styrkti
64 verkefni að þessu sinni. Alls bárust 273
umsóknir í fjóra styrkjaflokka Matvælasjóðsins
og var sótt um tæplega 3,7 milljarða króna. Í
umfjöllun á vef Stjórnarráðsins kemur fram að
93% umsókna hafi talist styrkhæfar. 14% þess
fjármagns sem veitt var að þessu sinni rann til
verkefna á Norðurlandi vestra.
Meðal verkefna sem hlutu styrki á Norður-
landi vestra má nefna þróun og markaðssetningu
gæsaafurða (Birgir Þórðarson), aðlögun fram-
leiðsluferlis jurtamjólkur að markaðsþörfum
(Steindór Runiberg Haraldsson), vöruþróun og
tilraunir með innmat úr lömbum (Brjálaða
gimbrin), tilraunir og vöruþróun á ætum rósum
(Starrastaðir) og vöruþróun og markaðssetning
á handverksostum úr geita- og sauðamjólk
(Stefanía Hjördís Leifsdóttir). Allir þessir styrkir
voru þrjár milljónir eða eitthvað lægri.
BioPol á Skagaströnd hlaut styrk upp á tæpar
11 milljónir vegna verkefnisins SOUL: Sustain-
able Omega-3 oil from Underutilized Lumpfish.
Fleiri verkefni á svæðinu hlutu styrki en þá í
samstarfi við fleiri aðila víða að af landinu.
Vefur SSNV greinir frá því að í samstarfi við
Samtök smáframleiðenda matvæla hafi lands-
hlutasamtökin og atvinnuþróunarfélög á öllu
landinu lagt inn umsókn í Matvælasjóðinn og
hlaut hún brautargengi og ríflega 5,3 milljón
króna styrk. Verkefnið, sem kallast Matsjá –
stuðningur við matarfrumkvöðla, snýr að því að
veita smáframleiðendum stuðning með því að
sníða aðferðarfræði úr verkefninu Ratsjá að
matarfrumkvöðlum. /ÓAB
36/2021 9