Morgunblaðið - Sunnudagur - 29.05.2022, Side 4

FRÉTTIR VIKUNNAR
4 MORGUNBLAÐIÐ SUNNUDAGUR 29.5. 2022
V
ikan hófst líkt og sú næsta á
undan í algerri óvissu um
stjórn borgarinnar eftir
óreiðukennd úrslit borgarstjórnar-
kosninga um fyrri helgi. Bærinn iðaði
í sögusögnum að símtölum og þreif-
ingum þvers og kruss, en það þótti til
marks um eitthvað að Dagur B. Egg-
ertsson, tilvonandi fráfarandi borg-
arstjóri, hefði orðið sér úti um app til
dulkóðaðra símtala.
Einar Þorsteinsson oddviti Fram-
sóknar boðaði af því tilefni bakland
Framsóknar til fundar við sig og
gríðarlega fjölmennum fundi Fram-
sóknarfélaganna í Reykjavík á mánu-
dagskvöld ítrekuðu allir 18 fund-
armenn samningsumboð oddvitans
og kröfðust þess að hann yrði borg-
arstjóri allt kjörtímabilið.
Þrátt fyrir óveðursský yfir Ráðhúsi
Reykjavíkur var mikil veðurblíða
annars staðar, ísbíltúrar ollu umferð-
aröngþveiti og ótta um matvæla-
öryggi, en baðstrandir höfuðborgar-
svæðisins fylltust af misvel dúðuðu
fólki.
Þrátt fyrir að víða hrikti í fjármála-
mörkuðum var gleðin meiri hér á
landi. Ölgerðin Egill Skallagrímsson
kynnti hlutafjárútboð og skráningu á
markað, sem tekið var með skálum
og söng, en í sama mund var kynnt að
bjórframleiðandinn Einstök ætlaði
að sækja 140 m.kr. fjármögnun á net-
inu.
. . .
Eftir að Einar Þorsteinsson, oddviti
Framsóknar, heyrði í gervöllu bak-
landi sínu lagðist hann í símann og
undir feld. Afraksturinn var sá að
fjölmiðlar voru boðaðir á fund í
Grósku við Háskóla Íslands, en þar
greindi hann frá því að hann hefði
boðið Samfylkingu, Pírötum og Við-
reisn til formlegra meirihluta-
viðræðna.
Efasemdir komu þó upp um hver
hefði boðið hverjum, þegar fram-
kvæmdastjóra Grósku bar að garði
og spurði hver hefði eiginlega gefið
leyfi fyrir þessum fundi, sem sér
hefði verið ókunnugt um. Dagur B.
Eggertsson gekkst þá við því að hafa
hringt í framkvæmdastjóra Vísinda-
garða og beðið hann.
Burtséð frá því hvort það var Dagur
eða Einar, sem í raun réð ferðinni, þá
var athyglisvert að borgarstjóri hefði
hringt í framkvæmdastjóra Vís-
indagarða. Hann er Hrólfur Jónsson,
fyrrverandi skrifstofustjóri í Ráðhús-
inu, sem gekk plankann fyrir Dag í
Braggamálinu, sællar minningar, en
fékk Vísindagarða í sárabætur.
Hælisleitendur komu mikið við sögu
í vikunni vegna fyrirætlana um að
senda úr landi nokkurn fjölda þeirra,
sem varð innlyksa hér í heimsfaraldr-
inum vegna þess að þeir vildu hvorki
fara í PCR-próf né bólusetningu og
því meinað að koma aftur til annarra
ríkja í Evrópu.
Sérstaklega var gagnrýnt að senda
ætti fólk til Grikklands, þar sem að-
búnaður hælisleitenda væri afleitur.
Vandræðum olli í þessari umræðu að
tölur virtust mjög á reiki, bæði um
heildarfjölda og samsetningu fólks-
ins. Víða var sagt að það væri 300
talsins, en reyndist vera þriðjungi
færra.
NASA, geimferðastofnun Bandaríkj-
anna, er komin til Apavatns til þess
að kynna sér hvernig er umhorfs á
reikistjörnunni Mars. Nærsveit-
ungar eru þegar farnir að kalla fólk í
Grímsnesinu Marsbúa.
Hafist var handa við að leggja nýjan
sæstreng milli Íslands og Írlands, frá
Þorlákshöfn til Galway, nánar til-
tekið.
Krakkar leika tölvuleiki fram eftir
unglingsárum, en strákar þó miklu
frekar en telpur. Þær drógu úr spila-
mennskunni eftir 7. bekk.
Draga tók úr fréttastreymi eftir
kosningar og eftir því sem líklegra
þótti að sumarið kæmi í ár. Af því til-
efni voru sagðar fréttir af drifhvítum
hrossagauk fyrir norðan.
Í öðrum fréttum var sagt frá að sjald-
gæfur og fallegur trjábukkur hefði
fundist í frumskógum Austurlands.
Það er bjalla, sem að sjálfsögðu er í
Caterpillar-litunum.
Enn kom þó ein og ein kosningafrétt
eins og frá Tálknafirði, þar sem at-
kvæði voru talin aftur, en á kosninga-
nótt hafði verið dregið um 5. sætið í
hreppsnefndinni, þar sem atkvæði
um það féllu jöfn.
Rannsókn Eurostat bendir til þess að
brottfall Íslendinga úr námi og
starfsþjálfun á aldrinum 18-24 ára sé
næstmest í Evrópu. Aðeins Rúmenía
skákar Íslandi á því sviði.
. . .
Viðræður fjögurra borgarstjórnar-
flokka hófust og um leið hættu
stjórnmálamenn að svara fjölmiðlum.
Fundir fóru fram í veipmettuðum
bakherbergjum til þess að ræða um
málefnaágreining þrátt fyrir að odd-
vitarnir hefðu sagt að hann væri nán-
ast enginn.
Hins vegar ætluðu þeir að geyma sér
að ræða um hver skyldi skipa borg-
arstjórastólinn og önnur embætti,
ráð og nefndir. Út kvisaðist að Dagur
B. Eggertsson vildi vera borgarstjóri
fyrri hluta kjörtímabils, en að Einari
Þorsteinssyni þætti það ekki jafn-
skynsamlegt.
Spurður um ganginn í viðræðum var
ljóst að mönnum liggur ekkert á og
sagði Dagur B. Eggertsson að þetta
ætti að klárast á næstu vikum.
Síðasti fundur fráfarandi borgar-
stjórnar var haldinn í Ráðhúsinu og
var að sögn tilfinningaþrútinn. Svo
var boðað til samkvæmis í boði út-
svarsgreiðenda og menn þrútnuðu
enn frekar.
Örlætið í borgarstjórn var annars
mikið þessa daga, en samþykkt var
að hækka kaupið í Vinnuskóla borg-
arinnar um 7%. Þar eru um 2.300
nemendur skráðir i sumar.
Hins vegar var starfsfólk í Ráðhúsinu
ekki jafnörlátt á tíma sinn, þegar
spurst var fyrir um hvers vegna
starfsmenn yfirkjörstjórnar hefðu
virt að vettugi lög, reglugerðir og
hefðir, þegar einn þeirra birti sund-
urgreiningu á því hvernig atkvæði
hefðu fallið á kjörfundi annars vegar
og utan kjörfundar hins vegar.
Málefni hælisleitenda kraumuðu
áfram í umræðunni, en gusu upp með
óvæntum hætti þegar síra Davíð Þór
Jónsson, sóknarprestur í Laugarnes-
kirkju, sagði fasistastjórn við völd í
landinu, sagði forsætisráðherra og
Vinstri græn hafa selt sálu sína, vera
farísea, sek eins og syndin og kvað
þau eiga vísa helvítisvist fyrir hönd-
um.
Þrátt fyrir mikla áherslu á náttúru-
vernd og ferðamannafjöldann allan
hefur komið í ljós að sáralitlar tekjur
eru af nýtingu þjóðlendna. Þær
námu samtals 20 m.kr. í fyrra en
Vatnajökulsþjóðgarður, sá stærsti í
Evrópu, hafði heilar 25 þúsund krón-
ur upp úr krapanum.
Lögreglan veltir fyrir sér að gera
kröfu á tryggingafélag undirheima-
foringja, en töluverðar skemmdir
urðu á fjölda lögreglubíla, sem veittu
honum eftirför þegar hann neitaði að
virða fyrirmæli um að stöðva bíl sinn.
. . .
Blessuðum biskupnum þótti síra
Davíð Þór Jónsson vera full-
dómharður í orðum og veitti prelát-
anum tiltal fyrir brot á siðareglum
presta, sem hann lét sem vind um
eyru þjóta og hélt áfram að láta eldi
og brennisteini rigna yfir ráðherra og
þingmenn.
Ekki fer miklum sögum af kristin-
dómi Vinstri grænna, svo efamál er
að sálarheill þeirra sé í húfi vegna
köpuryrða klerksins knáa. Þau kvört-
uðu hins vegar sum yfir haturs-
orðræðu hans í sinn garð, sem hann
gaf hins vegar lítið fyrir.
Mikil uppsöfnuð þörf er eftir
skemmtun meðal landsmanna og
voru sagðar af því fréttir að gríðar-
legt álag væri á trúbadorum.
. . .
Ásdís Kristjánssdóttir er nýr bæjar-
stjóri í Kópavogi, en samningar tók-
ust með sjálfstæðismönnum og fram-
sóknarmönnum um áframhaldandi
meirihlutasamstarf í bænum.
Þrátt fyrir tryllingslegar hækkanir á
fasteignamarkaði að undanförnu hef-
ur leiguverð ekki hækkað undan-
farin tvö á að raunvirði.
Jarðfræðingar segja verulega hættu
á eldgosi á Reykjanesskaga, það sé
fremur spurning um hvar og hvenær
en hvort.
Þrjú mál hafa komið upp þar sem
starfsmenn Fiskistofu hafa kvartað
undan áreiti eða óviðeigandi fram-
komu í sinn garð við eftirlit um borð í
fiskiskipum.
Gamlir meirihlutar
& nýir belgir
Gleðin skein úr hverju andliti á fyrsta meirihlutaviðræðufundi Samfylkingar, Framsóknar, Pírata og Viðreisnar á miðvikudag.
Eða úr öllum andlitum nema einu á þessari mynd. Að sögn var þar flest rætt nema skipting á embættum og öðru góssi.
Morgunblaðið/Kristinn Magnússon
22.5.-27.5.
Andrés Magnússon
andres@mbl.is
Til sölu er fasteignin Hólagata 20 í Reykjanesbæ,
ásamt lóðarréttindum og rekstri, (Biðskýlið Njarðvík).
Þar hefur í áratugi verið rekin veitingasala og sjoppa. Fasteignin stendur
við eina af aðal umferðargötum Reykjanesbæjar.
Eigninni fylgir samningur við olíufélag, sem greiðir fyrir aðstöðu á lóð og í
hluta hússins.
Óskað er eftir tilboðum.
Nánari upplýsingar veitir Ásgeir Jónsson, lögmaður, sími 669 7907,
netfang: asgeir@loggardur.is.
Til sölu