Austurglugginn - 19.08.2021, Blaðsíða 2
2 Fimmtudagur 19. ágúst AUSTUR · GLUGGINN
Reitur helgaður sögu Valþjófsstaðar
í Fljótsdal og kirkjunnar þar var
opnaður formlega með athöfn
í á sunnudag. Það er Hjörleifur
Guttormsson, fyrrum þingmaður,
sem haft hefur frumkvæði að
sögusvæðinu en hann sagði að
honum hefði oft þótt saga staðarins
verða útundan. Hann hóf athuganir
að útlínum gamla kirkjugarðsins
fyrir þremur árum og fékk síðan
Fljótsdalshrepp og Kirkjugarðasjóð í
lið með sér til að koma upp reitnum,
þar sem finna má upplýsingaskilti á
ensku og íslensku.
Það var Guðmundur Rafn
Sigurðsson, framkvæmdastjóri
Kirkjugarðaráðs, sem hannaði
svæðið. Hann sagði reitinn geta orðið
fordæmi að fleiri slíkum því margir
aðrir kirkjustaðir hérlendis ættu sér
merka sögu sem ekki væri sýnileg.
Hann kvaðst ekki hafa gert sér grein
fyrir hve rík saga Valþjófsstaðar væri
fyrr en Hjörleifur hefði sýnt honum
drög að textanum.
GG
Þ.S. Verktakar og Héraðsverk hafa að
undanförnu skipst á að bjóða lægst
í verk á vegum Vegagerðarinnar á
Austurlandi. Alls hafa verið opnuð
tilboð í fimm verk síðustu þremur
vikum.
Þ.S. Verktakar áttu eina tilboðið
í enduruppbyggingu vegarins um
Ásklif í Fellum sem opnað var fyrir
viku. Fyrirtækið bauð 210 milljónir
sem er nokkuð yfir kostnaðaráætlun
sem var tæpar 170 milljónir. Til
stendur að byggja veginn upp og
malbika á um 3,7 km kafla. Þar með
yrði allur vegurinn upp Fell klæddur.
Verkinu átti að vera lokið 31. ágúst
á næsta ári.
Þ.S. Verktakar áttu einnig lægsta
boðið í gerð sjóvarna á Fáskrúðsfirði
og Stöðvarfirði. Boð þeirra var upp á
14,6 milljónir en Héraðsverks upp á
19,6. Áætlunin var 12,25 milljónir.
Til stóð að því verki væri lokið um
miðjan desember.
Héraðsverk átti á móti lægsta
tilboðið í gerð nýs vegar frá Gilsá
á Jökuldal inn fyrir Arnórsstaði,
alls tæplega 4 km kafla. Héraðsverk
bauð 198,5 milljónir í verkið eða
89,4% af kostnaðaráætlun sem var
222,1 milljón. Þ.S. bauð tæpar 237
milljónir. Sá vegur á að vera tilbúinn
20. september á næsta ári.
Áður hafði Héraðsverk átt eina
boðið í enduruppbyggingu 15
km kafla frá Eiðum að Laufási
í Hjaltastaðaþinghá. Boðið var
upp á 666,4 milljónir eða 93,4%
af kostnaðaráætlun sem var 713,4
milljónir. Því verki á að vera lokið
30. september 2022.
Ekkert tilboð barst hins vegar í
nýja brú yfir Gilsá á Völlum sem
átti að vera tilbúin 15. ágúst 2022.
GG
Ásókn í lóðir í
Fjarðabyggð
Áfram er mikil ásókn í lóðir í
Fjarðabyggð. Á fundi eigna-,
skipulags- og umhverfisnefndar
í síðustu viku voru samþykktar
tvær umsóknir um parhús við
götuna Búðarmel á Reyðarfirði.
Þá lágu einnig fyrir umsóknir
um þrjár lóðir við Litlugerði
á Reyðarfirði undir 6-8 íbúða
raðhús og lóðir við Miðdal og
Ystadal á Eskifirði undir níu
íbúða raðhús. Þörf er á óverulegri
breytingu á deiliskipulagi til
að sameina lóðir sem þarf
í grenndarkynningu. Var
afgreiðslu þeirra umsókna því
frestað.
Þá samþykkti nefndin
umsókn um leyfi til byggingu
parhúss við Litlugerði og
að bygging einbýlishúss við
Blómsturvelli í Neskaupstað
færi í grenndarkynningu.
Styrkja Cittaslow-bæ
eftir hamfarir
Sveitarfélagið Múlaþings
hefur ákveðið að veita 1.000
evrur, um 150.000 krónur,
í styrk til belgíska bæjarins
Chaudfontaine. Bærinn, sem er
í nágrenni Liege, er meðal þeirra
sem urðu illa úti í flóðum þar
um miðjan júlí og létust nokkrir
bæjarbúar í hamförunum
auk þess sem sögufræ
súkkulaðiverksmiðja skemmdist
illa. Chaudfontaine tilheyrir
Cittaslow-samtökunum, líkt
og Djúpivogur, en aðalskrifstofa
samtakanna sendi út ákall til
annarra aðildarsveitarfélaga um
aðstoð.
Vilja aðkomu að
skipulagi
Umhverfis- og framkvæmdaráð
Múlaþings bendir á að
sveitarfélög á Austurlandi geti átt
ríkra hagsmuna að gæta við gerð
svæðisskipulags Suðurhálendis,
sem nú stendur yfir. Því sé þörf á
að góðu samráði. Í bókun ráðsins
er sérstaklega bent á að áform
um uppbyggingu flutningskerfis
raforku og vega á hálendinu
skipti Austfirðinga miklu máli.
Umhverfisstofnun hefur samþykkt
ósk Laxa fiskeldis að fresta því að
ná fóðurprammanum Muninn upp
af hafsbotni í Reyðarfirði fram á
haustið 2022. Fóðurpramminn sökk
í óveðri í byrjun janúar á þessu ári
við eldissvæðið Gripalda út með
firðinum sunnanverðum.
Í erindi sem Laxar sendu
stofnuninni nýverið segir að mikil
áhætta sé af því að lyfta prammanum
nú þar sem hætta sé á að hann geti
lent á ankerislínu eldisstöðvar með
ófyrirsjáanlegum afleiðingum, fari
eitthvað úrskeiðis þegar honum
verði lyft. Þá þurfi að dæla fóðri úr
prammanum til að létta hann, sem
Laxar telja ekki ásættanlegt meðan
eldisfiskur er í kvíunum.
Af þessum sökum telur fyrirtækið
ekki æskilegt að lyfta prammanum
af hafsbotni fyrr en búið verði að
slátra þeim fiskum sem verið er að
ala á svæðinu haustið 2022. Á þetta
fellst Umhverfisstofnun en setti það
skilyrði að eldi hefjist ekki aftur fyrr
en pramminn hefur verið fjarlægður.
Búið er að dæla allri olíu úr
prammanum en hafnarstjórn
Fjarðabyggðar hefur lagt á það
áherslu að vel sé fylgst með
ástandi hans af umhverfis- og
öryggissjónarmiðum.
BÞB
MOLAR
ÞS og Héraðsverk skiptast á lægstu boðum
Sögureitur vígður á Valþjófsstað
Muninn á hafsbotni ár í viðbót
Frá aðgerðum við prammann í janúar. Mynd: GG
Frá opnun sögureitarins. Mynd: GG