Morgunblaðið - 20.09.2022, Page 2

M
unurinn á verði rafbíla
og bensínbíla fer
minnkandi ár frá ári og
hafa margir spáð því að
með aukinni stærðarhagkvæmni og
tækniframförum verði það bráðum
reglan að rafbílar verði ódýrari en
sambærilegir bensínbílar, ef miðað
er við söluverð framleiðenda og ekki
tekið tillit til ívilnana og styrkja eða
eldsneytiskostnaðar.
Bílavefurinn Motor 1 segir að það
geti þó átt við a.m.k. suma stærð-
arflokka bifreiða að það þurfi meiri-
háttar tæknibreytingu til að jafna
verð sprengihreyfilsbifreiða.
Hefur Motor 1 eftir einum af
æðstu stjórnendum japanska bíla-
risans Honda að litín-jónarafhlöður,
sem eru notaðar í flestum rafbílum í
dag, séu einfaldlega ekki nægilega
hagkvæm lausn og að greinin bíði
eftir að fastefnisrafhlöður (e. solid
state battery) umbylti rafbílafram-
leiðslu.
Segir stjórnandinn hjá Honda að
með slíkri tækni verði verð raf-
magns- og bensínbíla sambærilegt,
og rafmagnsbílarnir væntanlega
ódýrari.
Fastefnisrafhlöður geyma meiri
orku en lítín-jónarafhlöður og geta
fyrir vikið verið minni og léttari án
þess að fórna drægni og krafti. Þá
eiga fastefnisrafhlöður líka að hlað-
ast hraðar, endast lengur og vera
öruggari í notkun.
Er þróun fastefnisrafhlaðna þó
komin tiltölulega skammt á veg og
telja greinendur að þess sé langt að
bíða að framleiðsla þessarar nýju
kynslóðar rafhlaðna nái því umfangi
og þeirri stærðarhagkvæmni sem
þarf til að tæknin eigi erindi við raf-
bílamarkaðinn.
Fyrsti fjöldaframleiddi rafbíll
japanska fyrirtækisins, Honda e,
hefur vakið mikla athygli fyrir
skemmtilega hönnun en sölu-
tölurnar ekki verið í samræmi við
væntingar. Seldust 3.752 eintök af
bifreiðinni í Evrópu á síðasta ári en
stefnan hafði verið sett á 10.000 ein-
tök.
Er Honda ekki af baki dottið og
er rafmagnsjepplingurinn Prologue
handan við hornið. Þá hyggst
Honda verja 310 milljörðum dala í
þróun fastenfisrafhlaðna á komandi
árum.
ai@mbl.is
Verða rafbílar alltaf dýrari ?
Fastefnisrafhlöður
munu á endanum um-
bylta markaðinum
Morgunblaðið/Kristinn Magnússon
Honda E þótti heppnast vel en hefur ekki selst eins vel í Evrópu og vonir
stóðu til. Honda hyggst setja aukinn kraft í þróun fastefnisrafhlaðna.
2 | MORGUNBLAÐIÐ
Þóroddur Bjarnason
tobj@mbl.is
F
yrsti 100% rafdrifni vöru-
bíllinn fyrir sorphirðu er
væntanlegur á göturnar
á vormánuðum 2023.
Eigandi bílsins er Íslenska
gámafélagið sem kaupir hann af
Kletti – sölu og þjónustu ehf.
Jafnframt er um að ræða fyrsta
samning sem gerður er hér á
landi um kaup á rafmagns-
vörubíl í fullri stærð eða yfir 16
tonna flokki.
Bifreiðin er af gerðinni Scania
L25 og er með rafknúinn sorp-
kassa frá JOAB. Heildarþyngd
bílsins er 26 tonn.
Jón Þórir Frantzson, forstjóri
Íslenska gámafélagsins, segir að
bíllinn verði notaður miðsvæðis í
Reykjavík. „Það er bráðsniðugt
að nota rafbíla í miðbænum. Þeir
menga minna og eru hljóðlátari
en hefðbundir sorpbílar,“ segir
Jón.
Hann segir að kaupin séu enn
eitt skrefið í orkuskiptum félags-
ins en nú þegar hefur félagið
fest kaup á rafdrifnum skot-
bómulyftara og tveimur raf-
magnssendibílum. Þá er félagið
með í skoðun kaup á fyrsta svo-
kölluðum krókabílnum, þ.e. bíl
sem tekur stærri gáma en hefð-
bundnir ruslabílar.
Kostar tvöfalt meira
Íslenska gámafélagið á og rek-
ur fjörutíu ruslabíla og er með
tuttugu og fjögur sveitarfélög í
viðskiptum. Viðskiptavinir eru
fimm þúsund.
Jón segir að rafmagns-
ruslabílar séu enn sem komið er
mjög dýrir. „Hefðbundinn rusla-
bíll kostar um þrjátíu milljónir en
rafmagnsútgáfan er tvöfalt dýr-
ari.“ Jón segir að rafhlaða bílsins
ætti að endast út vinnudaginn.
„Þar sem bíllinn verður notaður í
miðbæ Reykjavíkur er hann
kannski lengi í gangi en ekur fyrir
vikið færri kílómetra.“
Bílinn verður sambærilegur í
útliti og núverandi bifreiðar ÍG.
„Við þurfum að eiga mjög öfl-
uga hleðlustöð fyrir bílinn og Ís-
orka er að hjálpa okkur við upp-
setningu hennar.“ Bíllinn verður
með tvö hólf að aftan og getur
safnað bæði papparusli og al-
mennu sorpi í sömu ferðinni.
„Hann skilar svo af sér ruslinu í
höfuðstöðvar okkar í Kalksléttu.
Pappírinn fer í endurvinnslu en
hitt fer til orkuvinnslu erlendis.“
Er 26 tonn en mengar ekki
og læðist um göturnar
Rafdrifinn sorphirðu-
bíll verður fyrst not-
aður í miðborginni
Íbúar í miðborginni munu eflaust gleðjast yfir hljóðlátari sorphirðu.
Rafmagnaði ruslabíllinn er með tvöfalt sorphólf.
Með Snjallákvörðun Creditinfo getur þú framkvæmt mat
á þínum viðskiptavinum á augabragði.
Stórar ákvarðanir með lítilli fyrirhöfn
Snjallákvörðun