Vesturland - 01.12.2007, Side 4

Jólablað gefið út í desember 2007, 83. árg.
LJtgefandi: Fulltrúaráð sjálfstæðisfélaganna í Isafjarðarbæ.
Abyrgðarmaður: Ingólfur H. Þorleifsson.
Ritnefnd: Birna Lárusdóttir, Guðfinna M. Hreiðarsdóttir,
Hildur Halldórsdóttir og Teitur Björn Einarsson.
Forsíðumynd: Halldór Halldórsson.
Prentun: H-prent, fsafirði.
UM HVAÐ SNÚASTJÓLIN?
Jólahátíðin er á næsta leyti. Fólk og fyrirtæki setja upp skreytingar og ljós og
umhverfið verður jólalegra með hverjum deginum. Börnin geta varla beðið eftir
að aðfangadagur renni upp. Fólk keppist við að kaupa allt það sem til þaif til að
hægt sé að haldajólin. Kaupmenn gleðjast manna mest yfir því kaupæði sem grípur
um sig og segja má að jólin séu nánast orðin eins og ein löng innkaupahelgi. Inn
um lúguna flæða bæklingar með alls kyns gylliboðum um raðgreiðslur og vaxtalaus
lán sem ekki þarf að byrja að borga af fyrr en eftir dúk og disk. A hverju ári er sett
nýtt met í kreditkortaveltu og sumir eru fram á sumar að borga jólareikninginn. En
hvaða máli skiptir það? Island er jú besta land í heimi hvað lífsgæði varðar og fólk
getur bara fengið hærri yfirdrátt hjá bankanum. En það kemur að sjálfsögðu að því
að það þarf að borga hann. Er það þetta sem jólin snúast orðið um? Heldur fólk á
Islandi í dag að jólin komi ekki nema það versli fyrst frá sér allt vit?
En á Islandi fyrirfmnst líka fólk sem getur ekki tekið þátt í svona neyslukapphlaupi.
Margir kvíðajólunum vegna þess að þeir hafa ekki efni á að taka þátt í því æði sem
jólin virðast vera orðin. Þegar sagðar eru fréttir af fólki sem kvíðir jólunum þá
verður maður sorgmæddur og hugsar til þeirra sem hafa orðið undir í lífinu og geta
ekki geta notið jólahátíðarinnar af ýmsum ástæðum. Og þá hugsar maður einnig
um hversu lánsöm við flest erum að geta haldið gleðileg jól. Jólin er hátíð ljóss og
friðar þar sem fólk fagnar fæðingu frelsarans. Jólin eiga að snúast um samveru
fjölskyldunnar en ekki leikfangaverslanir og kreditkortareikninga. Fólk ætti ekki
að þurfa að kvíða jólunum á íslandi í dag. Er ekki kominn tími til að íslendingar
skoði hvort ekki sé ástæða til að taka upp nýjar áherslur í jólaundirbúningnum?
Megi þið eiga gleðilega jólahátíð og gæfuríkt ár.
Ingólfur H. Þorleifsson,
formaður stjórnar fulltrúarráðs Sjálfstœðisfélaganna í Isafjarðarbœ
Hvíldarklettur
íbúa og gestaþjónusta
Aðalgötu 14, 430 Suðureyri • Sími 456 6666
líiiífuin 'bofuif't/ijjii/// ofj oöriin!
^jjfirÖhiguii! oajlu újfir um
. .--'S'Jt’/'t’Ur,

BAKKAVIK hf.
Hafnargötu 80 - 96 • 415 Bolungarvík • Sími 450 7500
Ungir sjálfstœðismenn á Sólbakka t' Önundarfirði í júní 2007.
NOKKUR ORÐ FRÁ FYLKI
FÉLAGI UNGRA SJÁLFSTÆÐISMANNA
í mörg hom hefur verið að líta hjá félags-
mönnum Fylkis, á árinu sem nú er að líða. I
þessari litlu grein er ætlunin að fara vítt og
breitt yfir starfsemi félagsins og varpa
þannig ljósi á fjölbreytt og skemmtilegt starf
ungra sjálfstæðismanna í Isafjarðarbæ.
Stærsta verkefni félagsins á síðastliðnu
ári var þátttaka í kosningabaráttu Sjálf-
stæðisflokkinn fyrir alþingiskosningarnar
sem haldnar voru í maí síðastliðnum. Há-
punktur kosningabaráttu ungra sjálfstæðis-
manna var skemmtikvöld sem Fylkir stóð
fyrir, skemmtunin var ágætlega sótt og var
mikil ánægja með hana. Ohætt er að segja
að félagsmenn hafi lagt sig alla fram við þá
miklu vinnu sem unnin var fyrir kosn-
ingarnar, þó svo að alltaf megi gera betur.
Úrslit þessara kosninga sýna, svo ekki
verður um villst, þá gríðarsterku stöðu sem
flokkurinn hefur á landsvísu.
í júní kom fyrirspum frá stjórn Sambands
ungra sjálfstæðismanna þess efnis að
haldinn yrði á ísafirði svokallaður SUS
dagur. SUS dagur er tækifæri fyrir stjóm SUS
og aðildarfélög að hrista sig saman, ræða
málin, skemmta sér og ferðast um landið.
Dagurinn var hinn skemmtilegasti. Farið var
á kajak, snæddur plokkfískur í Neðstakaup-
stað og bæði Háskólasetrið og 3x technology
heimsótt. Á öllum stöðum var tekið alveg
einstaklega vel á móti ungum sjálfstæðis-
mönnum og kunnum við gestgjöfunum bestu
þakkir fyrir. Dagurinn endaði svo með alls-
herjar veislu f Faktorshúsinu og var mikil
ánægja með daginn bæði hjá okkur og
gestum okkar.
Nú á haustdögum var á Seyðisfirði haldið
þing Sambands ungra sjálfstæðismanna og
mættu fjórir fulltrúar frá Fylki. Skemmtilegt
er frá því að segja að varaformaður Fylkis,
Helga Margrét Marzellíusardóttir, var kjörin
í varastjórn Sambandsins. I alla staði var
þetta góð og gagnleg ferð og kom þar greini-
lega í Ijós að bæði mörg og misjöfn sjónar-
mið mætast í SUS. Mikilvægt er fyrir félag
eins og Fylki að taka þátt í starfi Sambands
ungra sjálfstæðismanna á landsvísu. Ungir
sjálfstæðismenn takast á um ýmis málefni
og skoðanir oft á tíðum æði skiptar. En
mestu skiptir að samstaða er um stefnu SUS
og hvernig sjálfstæðisstefnunni skal unnið
fylgi um land allt meðal ungs fólks.
Aðalfundur Fylkis var svo haldinn þann
22. nóvember síðastliðinn. Þar var kosin ný
stjórn félagsins en hana skipa: Hlynur
Kristjánsson formaður, Helga Margrét
Marzellíusardóttir varaformaður, Hafdís
Gunnarsdóttir ritari, María Rut Kristins-
dóttir gjaldkeri og Teitur Björn Einarsson
meðstjórnandi.
I kjölfar aðalfundar sendi Fylkir frá sér
stjórnmálaályktun en í henni lýsti félagið
yfir miklum vonbrigðum með 30% niður-
skurð á aflaheimildum í þorski og telur
fiskveiðráðgjöf Hafrannsóknarstofnunar
ekki virka. Því var skorað á stjórnvöld að
aflétta ríkiseinokun Hafrannsóknarstofn-
unar á fiskveiðirannsóknum og -ráðgjöf.
Fylkir fagnaði stefnuyfirlýsingu meirihluta
bæjarstjómar um að leitast yrði við að lækka
gjaldskrár í boðuðum aðgerðum meirihlut-
ans vegna niðurskurðar á aflaheimildum. í
því samhengi sætti þó furðu að lagt hefði
verið til að almenn gjaldskrá sveitarfélagsins
hækkaði um 4,5% og að útsvarið héldist
óbreytt. Þá var þeim tilmælum beint til
bæjaryfirvalda að gæta meira aðhalds í
rekstri og fjárfestingum á vegum bæjarins.
Otækt væri að sveitarfélagið yki við heildar-
skuldir sínar frá ári til árs. í því ljósi verður
að hafa í huga að skuldasöfnun nú verður
greidd af ungi fólki og komandi kynslóðum
í framtíðinni. Þessu til viðbótar var skorað
á stjórnvöld að flýta fyrir því að ísafjarðar-
flugvöllur verði skilgreindur sem alþjóða-
flugvöllur, og millilandaflug með farþega
og vörur verði heimilað. Góðar samgöngur
til og frá Vestfjörðum em ein af forsendum
þess að hér fái þrifist blómlegt og fjöl-
skrúðugt mannlíf. Því eiga stjómvöld allra
síst að standa í vegi fyrir því að ný tækifæri
verði nýtt til að treysta stoðir atvinnulífs á
svæðinu. Ber þeim að afgreiða svona ein-
föld mál án frekari tafa.
Að lokum viljum við, stjórnarmenn í
Fylki, taka fram að þrátt fyrir að á Vestfjörð-
um hafi á undanfömum áratugum harðnað
á dalnum er það eindregin skoðun ungra
sjálfstæðismanna að fjölmörg tækifæri séu
til staðar til að snúa vörn í sókn. Vestfirðir
hafa upp á að bjóða einstök lífsgæði sem
ættu að vera ungu fólki, sérlega fjölskyldu-
fólki, eftirsóknarverð. I Vestfirðingum býr
athafnarkraftur og eljusemi sem gefur fyrir-
heit um að hægt er að nýta tækifærin. Miklu
skiptir að í þeirri vinnu allri sameinist ungt
fólk og taki við keflinu af þeirri kynslóð
sem nú stendur í eldlínunni. Ungir sjálf-
stæðismenn munu ekki láta sitt eftir liggja
og munu á nýju ári og komandi árum halda
áfram að vinna með öðmm að framgangi
góðra mála sem málsvarar ungs fólks á
Vestfjörðum.
Fylkir, félag ungra sjálfstæðismanna
sendir öllum Vestfirðingum, nær og fjær,
hugheilar jólakveðjur og ósk um farsælt
komandi ár.
4