Nesfréttir - 01.03.2022, Qupperneq 11
Nesfrétt ir 11
Hafa búið lengi á Nesinu
En eru þau búin að búa lengi
á Nesinu. Þrjú þeirra hafa búið á
Seltjarnarnesi í áratugi. Frá því að
hafa verið þar í yfir 40 ár. Arnþrúður
hefur búið þar skemur eða í tólf og
hálft ár á Nesinu. „Við eru orðin
eða að verða Seltirningar,“ segir
Þorsteinn. „Er ekki talað um að það
taki 25 ár að komast inn í þann hóp.
Að verða innfæddur.“ Margrét rifjar
upp að þegar hún var að koma á
Nesið hafi lóðir verið til sölu. Á þeim
tíma hafi ekki verið auðvelt að fá
lóðir í Reykjavík. „Maður bara stökk
á þetta.“
Mikið af hæfileikaríku
fólki
Þau snúa sér að félagsstarfinu.
Nefna skemmtilegar ferðir sem hafa
verið farnar með heldri borgurum.
Meðal annara í Kríunes. Þau segja að
oft myndist kunningsskapur á milli
fólks sem hafi ef til vill ekki þekkst
áður. Arnþrúður minnist þess að
hafa hitt konu frá öðrum landshluta
í ferðinni í Kríunes. Þótt þær væru af
sömu slóðum, af norðausturhorninu,
hafi hún ekki vitað að hún væri
til. Margrét var húsvörður á
Skólabrautinni um tíma og segir að
það sé svo skemmtilegt fólk að sig
hafi langað að halda áfram að vera í
þessu húsi. Þau eru öll þátttakendur í
fjölbreyttu félags- og tómstundastarfi
sem er í boði. Segja að kóvitið hafi
aðeins stoppað félagsstarfið þegar
fólki hafi verið ráðlagt að hafa sem
minnst samskipti vegna smithættu.
Arnþrúður segir að á Skólabrautinni
sé mikið af hæfileikaríku fólki sem
stundi handavinnu. Margrét nefnir
leirinn hjá Rögnu Ingimundardóttir.
Hún annast kennslu í að móta úr leir
auk þess að sjá um handavinnuna.
„Ragna er mikill listamaður og ég held
að fólk geti fundið allt við sitt hæfi.“
segir Margrét.
Biljard en enginn bjór
Þorsteinn nefnir biljard hópinn
„Það verður að koma fram að þetta
snúist ekki allt um handavinnu. Það
er billiard karla hópur sem hittist
tvisvar í viku,“ segir Þorsteinn.
Enginn bjór er þó á billanum hjá
þeim enda hittast þeir fyrir hádegi.
Bridgehópur var starfandi um tíma
en hann lagðist af í kóvid og hefur ekki
verið endurreistur enn sem komið
er, hvað sem verður. Þorsteinn
víkur að því sem hann kallar Janusar
dæmið. „Maður er allt í einu farin að
kynnast fólki upp á nýtt og jafnvel
nýju fólki. Líka Seltirningum sem
maður hefur vitað af en hefur ekki
séð í mörg ár.“ Arnþrúður segir það
flott hjá bæjarfélaginu að styrkja
þetta verkefni. Þorsteinn bætir
við að þol- og styrktaræfingarnar
í World Class hafi orðið til þess að
maður hafi orðið virkari. Fari til
dæmis meira út að ganga. „Maður
er hvattur til að fara út að ganga
hina dagana þegar þjálfari er ekki til
staðar. Maður undirbýr sig líka fyrir
þetta til dæmis með því að kaupa
skó með broddum og huga betur að
næringunni. Þetta hefur breytt mjög
miklu,“ segir Þorsteinn.
Heldur fólki saman
Ingvi segir að félagslegi þátturinn
skipti miklu máli. „Ég hef fundið
það í þessu starfi.“ Og þau taka
undir. Segjast hafa verið að hitta
allskonar fólk. Oft fólk sem búi
ekki á Seltjarnarnesi. Þetta tengi
marga saman. Þorsteinn segist
hafa hitt skólasystkini barnanna
sinna. Fólk sem hann hafi ekki séð
í mörg ár. Aðstaðan á Nesinu sé líka
frábær. Sundlaugin í næsta húsi við
líkamsræktarstöðina. Auðvelt að
skreppa í sund eftir heilsueflinguna
og svo að fara í pottana. Þar hittist
fólk líka oft og spjalli saman. „Þetta
starf bindur fólk mikið saman.
Þetta er allt annað en að vera
kannski heima í rúmi eða að horfa
á sjónvarpið,“ segir Þorsteinn. Ingvi
bætir við að þetta sé hugsunin að
baki þessu verkefni. Það snúast ekki
aðeins um að hreyfa sig heldur líka
að sýna sig og sjá aðra og blanda
geði við aðra þátttakendur.
Íbúaþing um skólamál
Seltjarnarnesbæjar
seltjarnarnes.is
Seltjarnarnesbær býður til íbúaþings um endurskoðun menntastefnu bæjarins
í Valhúsaskóla laugardaginn 2. apríl kl. 10:00 - 12:00.
Íbúaþing um skólamál Seltjarnarnesbæjar er vettvangur fyrir bæjarbúa til að taka virkan þátt í endurmótun
menntastefnu bæjarins fyrir skóla- og frístundastarf. Allir hagaðilar í skólasamfélaginu; nemendur, foreldrar,
kennarar, starfsfólk skóla og frístundamiðstöðvar og bæjarbúar sem eru áhugasamir um skólamál eru velkomnir
til þátttöku. Markmiðið með þinginu er að gefa bæjarbúum tækifæri til að tjá hug sinn og hafa áhrif á skólamál
og menntastefnu sveitarfélagsins.
Dagskrá
• Setningarávarp
• Vinnuhópar: Áherslur og markmið í skóla- og frístundastarfi
• Kaffihlé
• Vinnuhópar: Áherslur og markmið í skóla- og frístundastarfi
• Samantekt
• Þingslit
Taktu þátt í umræðunni um skóla- og frístundamál á Seltjarnarnesi!
Vinsamlegast skráið þátttöku á netfangið postur@seltjarnarnes.is
Skránig fer fram til og með 1. apríl.
Menntun til farsældar