Árbók Reykjavíkurborgar - 01.10.1980, Page 62

44
Mikilvægi þessa líkans fyrir rannsóknir á búferlaflutningum liggur í líkindum
á því, að húsnæðisþarfir fjölskyldunnar breytist mjög við ákveðna atburði eða
skeið í lífshlaupi fjölskyldunnar og verði til þess að fjölskyldan flytji sig
um set. Þannig munu margir flytja við eftirfarandi atvik; er þeir yfirgefa
foreldra, ganga í hjónaband, þegar fjölskyldan stækkar, þegar börn fara að
heiman og er maki deyr. Helstu niðurstöður rannsóknarinnar eru þær, að fram-
settar tilgátur um reykvískan fjölskyldu- og húsnæðishring verða að teljast
réttar í öllum aðalatriðum.
Reykvíski húsnæðishringurinn um 1975 reyndist vera:
leiguíbúð - lítil blokkaríbúð - stærri blokkaríbúð
sérbýli - minni íbúð.
Nokkrar helstu niðurstöður þessarar rannsóknar eru raktar hér að neðan. Nátt-
úruleg fækkun (fleiri deyja en fæðast) í elstu hverfum borgarinnar leiðir í
ljós, að tími er kominn til að fara að huga alvarlega að aðgerðum til að auð-
velda ungu barnafólki að eignast húsnæði í þessum hverfum, og gera eldri íbúum
kleift að eignast minna og oftast hentugra húsnæði, er hæfir betur sérþörfum
þeirra. Flest G-lán ^fara til kaupa á nýlegum íbúðum í Breiðholti og Árbæ.
Upplýsingar um fjölda heimilisfólks og fjölda einhleyps fólks eru mjög mikil-
vægar fyrir áætlanir um tegund íbúðarhúsa og stærðir íbúða í framtíðinni. Sam-
kvæmt mannfjöldaspá (viðauki I, "Heildarstraumar") er ólíklegt að íbúum fjölgi
svo nokkru nemi í Reykjavík fram til aldamóta. Þá vaknar sú spurning hvort
eðlilegt sé að stór svæði (Glfarsfellssvæðið) byggist nær eingöngu vegna út-
þynningar í grónum hverfum borgarinnar. I Samræmi við mannfjöldaspár sýna nýjar
húsnæðisspár minni þörf á nýbyggingum á höfuðborgarsvæðinu en fyrri spár (sjá
viðauka III, "Félagshópar") Há flutningatíðni 1 mörgum grónum hverfum Reykja-
víkur, sérstaklega Laugavegs-Skuggahverfissvæðinu, bendir til þess, að þar sé
tiltölulega mikið af lélegu leiguhúsnæði og því vaknar sú spurning, hvort þar
þurfi ekki að fara að huga að endurnýjun og endurbótum á íbúðarhúsnæði.
Staða Reykjavíkur innan höfuðborgarsvæðisins er umhugsunarverð. Til Reykjavíkur
hefur flust mikill fjöldi einhleyps fólks og barnlauss sambýlisfólks, einkum í
gróin hverfi sem roskið fólk setti þegar svip sinn á. Barnafjölskyldur flytja
stöðugt út í nýju hverfin, en einhleypt, ógift og áður gift fólk, til eldri
hverfa. Árið 1978 voru aðeins 6Cft reykvíkinga 20 ára og eldri í hjónabandi
móti 74% í grannsveitarfélögum. Tíðni búferlaflutninga eykst hröðum skrefum
í Breiðholti. Barnafjölskyldur flytja úr blokkunum í sérbýlishúsnæði í Selja-
hverfi eða í grannbyggðunum en í blokkirnar flyst nú tiltölulega mikið af ein-
hleypu fólki og tekjulægri fjölskyldum en þar bjuggu,upphaflega.
1) Lán til kaupa á notuðu húsnæði.