Árbók Reykjavíkurborgar - 01.10.1980, Page 66
48
BYGGINGARSTARFSEMI
Húsnæðismál og landnotkun í borginni eru meginviðfangsefnið í þessum kafla
sem fyrr. Gögn um íbúðarhúsnæði skipa mest rúm, en nokkru fyllri upplýsingar
eru birtar um atvinnuhúsnæði en áður. Birtar eru upplýsingar um nýtingu
borgarlandsins og ná þær nú til allra hverfa í borginni.
I inngangi að kaflanum um byggingarstarfsemi í Árbókinni 1979 var gerð nokkur
grein fyrir athugun á þéttingu byggðar í borginni, sem unnið var að á vegum
Þróunarstofnunar Reykjavíkurborgar, sem nú heitir Borgarskipulag Reykjavíkur.
Árangur af þeirri vinnu er sá að unnið er að gerð deiliskipulags fyrir þrjú
svæði, og etv. gæti svo farið að lóðum yrði úthlutað þar snemma á árinu 1981.
Umrædd þrjú svæði eru: Svaeði vestan Eyrarlands í Fossvogi (ca. 150 xbúðir),
milli Hafnarfjarðarvegar og BÚstaðavegar (ca. 100 íbúðir) og við Vesturbrún
(ca. 37 íbúðir), alls 287 íbúðir. Stefnt er að fremur þéttri og lágri byggð
á þessum svæðum. Sé miðað við 3.5 íbúa/íbúð má gera ráð fyrir 1000 íbúum á
fyrgreindum svæðum.
Á vegum Borgarskipulags Reykjavíkur er nú unnið að athugun á hugsanlegri
nýtingu svæðis vestan Glæsibæjar og austan MÚlavegar. Þá mun fyrirhuguð
samkeppni um nýtingu svæðis við Suðurlandsbraut - Skeiðarvog.
Auk þess sem fyrr er getið verður lóðum úthlutað á þrem svæðum vestan Elliðaáa
á næstu tveim árum, í Nýja miðbænum við Kringlumýrarbraut, á Eiðsgranda og í
Breiðholti III. Þá er hugsanlegt að nokkrar lóðir verði til úthlutunar á stöku
stað utan þeirra svæða, sem hér eru nefnd.
Þess mun ekki langt að bíða að ákvörðun verði tekin um frekari landnotkun
austan Elliðaáa. Þau svæði sem helst þykja koma til greina undir íbúðabyggð
eru: 1 Selási (austan hesthúsa), Ártúnsbrekka (milli Arbæjar og Vesturlands-
vegar), Keldnaholt, Korpúlfsstaðaland, Hamrahlíðarlönd, Reynisvatnsland (vestan
Reynisvatns) og umhverfis Rauðavatn,