Árbók Reykjavíkurborgar - 01.10.1984, Qupperneq 15

1
MANNF3ÖLDINN
Inngangur
Umtalsverð fólksfjölgun varð í Reykjavík 1983, þriðja árið í röð.
Hinn 1. desember 1983 voru Reykvíkingar 87.106, en 83.449 á sama tíma
1980. Borgarbúum hefur þannig fjölgað um 3.637 á þremur árum.
Fólksfjöldinn breyttist ekki ýkja mikið á tímabilinu 1972-1980. Það
var breyting frá áratugunum þar á undan, er borgarbúum fjölgaði frá
ári til árs.
Breytingar á íbúatölunni eiga rætur að rekja til fæðinga, dauðsfalla
og fólksflutninga. Á árunum 1981-1983 fluttu fleiri til borgarinnar
en úr henni. Þessu var gagnstætt farið mörg undangengin ár. Þannig
voru brottfluttir 3.396 fleiri en aðfluttir á árunum 1976-1978, eða um
1.200 að jafnaði á ári. Hins vegar voru aðfluttir 1 .619 fleiri en
brottfluttir 1981-1983, eða um 540 að jafnaði hvert áranna.
Flest bendir nú til þess, að fremur sé að vænta fjölgunar en fækkunar
í Reykjavík og á höfuðborgarsvæðinu fram til ársins 1985.
Tölur yfir mannfjöldann eru að venju fengnar úr Þjóðskrá Hagstofu
íslands. íbúaskrár Þjóðskrárinnar eru endurnýjaðar árlega miðað við
1. desember.
Svokallaðar bráðabirgðatölur yfir mannfjöldann liggja fyrir í byrjun
janúar ár hvert. Upplýsingar, sem hér eru birtar um samsetningu
mannfjöldans, eru unnar úr bráðabirgðatölunum.
Endanlegar tölur um mannfjöldann eru síðan birtar í júní. Þær eru
frábrugðnar bráðabirgðatölunum að því leyti, að sveitarstjórnir hafa í
millitíðinni sent til Hagstofunnar upplýsingar um vantalið og oftalið
fólk í sveitarfélögunum. Þá hafa þeir, sem voru óstaðsettir í
upphaflegu skránni, verið skráðir í tilgreindu sveitarfélagi. Börn,
fædd í nóvember eru ekki talin með í bráðbirgðatölunum hinn
1. desember, en hafa bæst í hópinn, er endanlegar tölur eru birtar í
júní.