Árbók Reykjavíkurborgar - 01.10.1984, Page 158
"Fyrst um sinn skal aðeins heimila þá hækkun á vörum og þjónustu, sem
nauðsynleg er til að standa undir óhjákvæmilegum kostnaðarhækkunum. Síðan
verði dregið úr opinberum afskiptum þannig, að neytendur og atvinnulífið
njóti hagkvæmni frjálsrar verðmyndunar þar sem samkeppni er næg.
Sveitarfélög ákveði sjálf gjaldskrár þjónustufyrirtækja sinna".
Verður nú vikið stuttlega að einstökum fyrirtækjum og stofnunum
borgarinnar.
Vatnsveita:
Vatnsveita Reykjavíkur hefur nokkra sérstöðu meðal veitustofnana í
gjaldskrármálum, þar sem gjaldskrá hennar miðast ekki við vatnsnotkun nema
að litlu leyti. í kaflanum um Vatnsveituna hér á eftir eru ákvæðum
gjaldskrár hennar gerð nokkur skil.
Hitaveita:
Samkvæmt 8. grein gildandi gjaldskrár Hitaveitu Reykjavíkur er heimilt að
hækka eða lækka hitaveitugjöld í sama hlutfalli og vísitala byggingar-
kostnaðar breytist. Þó skal heildarkostnaður við hitun húsa með hitaveitu
að meðaltali ekki fara fram úr 80% af kostnaði við hitun húsa með
olíukyndingu. Hitaveitan hafði að því leyti sérstöðu meðal borgarfyrir-
tækja, að hún fékk framkvæmdalán hjá Alþjóðabankanum, en bankinn setti
meðal annars þau skilyrði, að gjaldskrá Hitaveitu yrði miðuð við a.m.k. 7%
rekstrararð af endurmetnum fasteignum fyrirtækisins.
Reykjavíkurhöfn:
Gjaldskrá Reykjavíkurhafnar er í meginatriðum byggð á skipagjöldum,
skipaþjónustugjöldum og vörugjöldum, auk þess sem gjöld eru greidd fyrir
ýmiss konar þjónustu, sem veitt er á vegum hafnarinnar. Gjaldskráin er
birt með hafnarreglugerð fyrir Reykjavíkurhöfn, sem staðfest er af
samgönguráðherra.
Strætisvagnar Reykjavíkur:
Samkvæmt samþykkt borgarstjórnar Reykjavíkur, sem gerð var í árslok 1968,
er heimilt að breyta gjaldskrá S.V.R. til samræmis við verðbreytingar í
þeim hlutföllum er fram koma í síðasta ársreikningi. Rétt er þó að taka
fram, að gjaldskrá S.V.R. skal miða við það, að allur fjármagnskostnaður
fyrirtækisins greiðist úr borgarsjóði. Mörg undanfarin ár hefur
borgarsjóður þó orðið að leggja fram fé til reksturs, þar sem
fargjaldatekjur S.V.R. hafa ekki hrokkið fyrir rekstrarútgjöldum.