Árbók Reykjavíkurborgar - 01.10.1984, Page 167
REGLUGERÐ
um gatnagerðargjöld í Reykjavík
(Nr. 206/1984)
1. gr.
Af öllum nýbyggingum, svo og stækkunum eldri húsa hvort sem er á
eignar eða leigulóð í Reykjavík, skal greiða gatnagerðargjald til
borgarsjóðs skv. gjaldskrá þessari.
2. gr.
Af hverjum rúmmetra húss greiðist ákveðinn hundraðshluti byggingar-
kostnaðar pr. rúmmetra, eins og hann er hverju sinni á vísitöluhúsinu
skv. útreikningi Hagstofu Islands, að frádregnum kostnaði við gatna-
gerð pr. rúmmetra svo sem hér segir:
Einbýlishús með eða án tvíbýlisaðstöðu ......... 14%
Raðhús, tvíbýlishús, keðjuhús ................... 9%
Fjölbýlishús .................................... 4%
Iðnaðarhús .................................... 5%
Verslunar- og skrifstofuhús ..................... 5%
Annað húsnæði ................................... 5%
Rúmmál húss skal reikna frá neðstu grunnplötu. Næsta nýtanleg hæð
undir þaki skal teljast að rúmmáli flatarmál hennar margfaldað með
3.30 m. Bílgeymslur og önnur útihús skal telja með við útreikning
á rúmmáli húsa. Af kjallararými íbúðarhúsa, sem myndast þegar hag-
kvæmara er að grafa út grunn en fylla hann upp skal greiða 25% af
venjulegu rúmmetragjaldi, enda sé aðeins gengt í húsrýmið innan frá.
Af sameiginlegum bílgeymslum, sem byggðar eru skv. skipulagsskilmálum
og koma í stað bifreiðastæða, skal greiða 25% af rúmmetragjaldi þeirra
húsa, er þær skulu þjóna. Af iðnaðarhúsnæði, sem vegna starfsemi
sinnar þarf meira en 5.5 m lofthæð, skal hámarkslofthæð að jafnaði
reiknast 5.5 m við útreikning rúmmetragjalds.
3. gr.
Ef lóðarhafi rífur gamalt hús eða flytur af lóð og byggir stærra hús
á sömu lóð skal gjald skv. 2. gr. vera rúmmetragjald nýja hússins að
frádregnum rúmmetrum þess húss, sem fjarlægt er. Sama gildir ef hús
brennur og byggt er að nýju á sömu lóð.
4. gr.
Gjald skal áætla, þegar lóðarúthlutun fer fram. Gjald þetta skal vera
lágmarksgjald og miðist við nýtingarmöguleika samkvæmt skipulagi og
endurgreiðist ekki, þótt minna sé byggt á lóð. Innan mánaðar frá út-
hlutun skal greiða ákveðinn hluta gatnagerðargjalds, svk. ákvörðun