Árbók Reykjavíkurborgar - 01.10.1984, Page 169
155
8. gr.
óski lóðarhafi að skila lóð á hann rétt á endurgreiðslu á greiddu
gatnagerðargjaldi ásamt hæstu lögleyfðu skuldabréfavöxtum af inneign
hans hj4 borgarsjóði. Heimilt er að fresta endurgreiðslu, uns lóðin
hefur verið veitt að nýju, þó ekki lengur en 6 mánuði frá því að lóð-
inni var skilað. Sama gildir ef lóð er tekin af lóðarhafa vegna van-
efnda hans á skilmálum.
9. gr.
Gatnagerðargjaldi fylgir lögveð í fasteign þeirri, sem það er lagt á,
og gengur það ásamt vöxtum og kostnaði fyrir öllum veðkröfum, sem á
eigninni hvíla, og tekur einnig til vátryggingarfjár hennar.
ÁKVÆÐI TIL BRAÐABIRGÐA
Til 1. janúar 1986 skulu eftirfarandi ákvæði gilda:
Eigendur eignarlóða, aðrir en þeir, sem borgarstjórn hefur gert sér-
stakan samning við, handhafar leigulóða og lóðarhafar lóða, sem borgar-
stjórn hefur úthlutað fyrir gildistöku reglugerðar þessarar, en hafa
enn ekki fengið leigulóðarsamning, geta sótt um nýbyggingar, stækkanir og
breytingar húsa til byggingarnefndar samkvasmt nýtingarhlutfalli samþykkts
aðal- eða deiliskipulags. Gatnagerðargjald greiðist þennan tíma hvorki
af eignarlóðum né leigulóðum, sem borgarstjórn hefur úthlutað fyrir 1.
janúar 1959. Af öðrum lóðum sem borgarstjórn hefur úthlutað, skal greiða
gatnagerðargjald samkvæmt því rúmmetragjaldi, er gilti, þegar úthlutun
fór fram.
Felli byggingarnefnd úr gildi byggingarleyfi húss, byggingaráfanga eða
stækkunar, samkvæmt ákvæðum byggingarreglugerðar gr. 3.4.6. 1. mgr. eftir
1. janúar 1986 skulu gilda ákvæði 5 gr. reglugerðar þessarar.
Reglugerð þessi sem samin er og samþykkt af borgarstjórn Reykjavíkur
staðfestist hér með samkvæmt lögum nr. 51/1974 um gatnagerðargjöld til
þess að öðlast gildi þegar í stað.