Árbók Reykjavíkurborgar - 01.10.1984, Side 175
161
STJÓRNKERFl REYK3AVíKURBORGAR
Borqarstjórn
Borgarstjórn Reykjavíkur er nú skipuð 21 borgarfulltrúa.
Borgarfulltrúar eru kjörnir beinni hlutbundinni kosningu til fjögurra
ára í senn, en borgarstjórn hefur þegar samþykkt að borgarfulltrúar
verði fimmtán að loknum næstu borgarstjórnarkosningum árið 1986.
Meginverkefni borgarstjórnar eru þessi:
1. Yfirstjórn á fjárreiðum borgarinnar.
2. Yfirstjórn verklegra framkvæmda borgarinnar.
3. Kjör borgarráðs, borgarstjóra og nefnda borgarinnar.
4. Setning reglna um stjórn borgarmálefna, meðferð tiltekinna málefna
borgarinnar, gjaldskrár borgarfyrirtækja o.s.frv.
Sveitarstjórnarkosningar voru síðast haldnar í maí 1982.
Borgarráð
Borgarstjórn kýs fimm borgarfulltrúa í borgarráð og jafnmarga
borgarfulltrúa til vara. Borgarstjóri á sæti í borgarráði, en hefur
ekki atkvæðisrétt þar, nema hann sé kjörinn í ráðið.
Borgarráð getur leyft, að flokkur, sem á fulltúa í borgarstjórn, en
ekki fulltrúa í borgarráði, megi tilnefna borgarfulltrúa til að sitja
fuiidi borgarráðs með málfrelsi og tillögurétti. Borgarráð fer ásamt
borgarstjóra með framkvæmdastjórn málefna Reykjavíkurborgar að því
leyti, sem hún er ekki öðrum fengin samkvæmt lögum, reglugerðum eða
sérstökum samþykktum borgarstjórnar. Borgarráð tekur, samkvæmt
heimild í sveitarstjórnarlögum frá 1961, fullnaðarákvörðun um þau mál,
sem' tii þess koma, nema um veruleg fjárhagsatriði sé að ræða, eða
málefni, þar sem ákvörðun borgarstjórnar er sérstaklega áskilin að
lögum, enda sé eigi ágreiningur í borgarráði, né við borgarstjóra, um
slíkar ákvarðanir.
Borgarstjóri
Borgarstjóri hefur á hendi framkvæmd ákvarðana þeirra, sem
borgarstjórn tekur, (eða borgarráð í umboði hennar), og framkvæmd á
málefnum borgarinnar yfirleitt, að því leyti, sem borgarstjórn hefur
ekki ákveðið annað um tiltekin mál.
Borgarstjóri situr fundi borgarstjórnar og borgarráðs með óbundnu
málfrelsi og tillögurétti, en án atkvæðisréttar, nema hann sé
jafnframt borgarfulltrúi (borgarráðsmaður).
Borgarritari er staðgengill borgarstjóra og hefur með höndum daglega
stjóin á fjármálum borgarinnar og umsjón með skrifstofum hennar.
Borgarverkfræðingur hefur, í umboði borgarstjóra, með höndum
yfirstjórn verklegra framkvæmda borgarinnar og annarra tæknilegra
málefna, nema meðferð þessarra mála (einstök mál) sé sérstaklega
f'engin öðrum.