Árbók Reykjavíkurborgar - 01.10.1984, Blaðsíða 176
162
Nefndir
Að borgarráði frátöldu er kjörgengi í nefndir, sem borgarstjórn kýs,
yfirleitt ekki bundið við borgarfulltrúa eða varaborgarfulltrúa.
Nefndarmenn eru því ýmist úr röðum borgarfulltrúa eða óbreyttra.
Formenn áhrifamestu nefndanna ber þó að kjósa úr hópi borgarfulltrúa
eða varaborgarfulltrúa.
Áhrif og afskipti nefndanna af daglegum rekstri eru misjafnlega mikil
eins og að líkum lætur. Greint er frá meðferð og afgreiðslu mála í
fundargerðum, sem ýmist fara fyrir borgarráð og fylgja þaðan
borgarráðsgögnum til afgreiðslu borgarstjórnar eins og gert er með
fundargerðir flestra áhrifamestu nefndanna.
Helstu ráð og nefndir á vegum borgarinnar eru, auk borgarráðs:
Byggingarnefnd fer með byggingarmálefni undir yfirstjórn Félags-
málaráðuneytis, sbr. 1. nr. 54/1978.
Félagsmálaráð fer með stjórn félagsmála í umboði borgarstjórnar,
skv. samþykkt borgarstjórnar frá 1. janúar 1968.
Fræðsluráð starfar eftir ákvæðum í grunnskólalögum nr. 63/1974, en þar
segir m.a. að ráðið fari með stjórn fræðslumála í umboði Menntamála-
ráðuneytis og borgarstjórnar.
Hafnarstjórn starfar eftir ákvæðum í hafnarreglugerð fyrir
Reykjavíkurhöfn nr. 107/1975, sbr. 1. nr. 45/1973, en í reglugerðinni
segir m.a. að stjórnin sjái um viðhald og umbætur á höfninni, stýri
öllum framkvæmdum, er þar að lúti, og annist fjárhald hafnarinnar
fyrir hönd borgarstjórnar.
Heilbrigðisráð fer með stjórn þeirra heilbrigðismála í umboði
borgarstjórnar, sem ekki falla undir Heilbrigðismálaráð Reykjavíkur-
héraðs, en það ráð fer með stjórn heilbrigðismála í héraði, sbr.
1. nr. 57/1978 og reglugerð nr. 225/1978 og nr. 439/1979.
íþróttaráð fer með stjórn íþróttamála í umboði borgarráðs,
sbr. samþykkt borgarráðs 13. nóvember 1973.
Launamálanefnd annast, fyrir hönd borgarinnar, gerð kjarasamninga við
stéttarfélög opinberra starfsmanna, sbr. reglugerð nr. 236/1976.
Skipulagsnefnd fer með skipulagsmál í umboði borgarstjórnar,
sbr. samþykkt borgarstjórnar 3. janúar 1980.
Stjórn veitustofnana fer með málefni Hitaveitu, Rafmagnsveitu og
Vatnsveitu Reykjavíkur í umboði borgarstjórnar, sbr. samþykkt
borgarstjórnar 19. október 1978.
Umhverfismálaráð er Náttúruverndarnefnd Reykjavíkur og er borgarstjórn
og öðrum stjórnvöldum til ráðuneytis um náttúruverndarmál og önnur
umhverfismál, fegrunarmál, stjórn Árbæjarsafns og önnur málefni, sem
um getur í samþykkt borgarstjórnar frá 18. janúar 1979.
Æskulýðsráð fer með stjórn þeirrar æskulýðsstarfsemi, sem borgin
rekur, annarrar en íþtóttastarfsemi, og hefur eftirlit með
fjárveitingum borgarinnar til æskulýðsfélaga, sbr. samþykkt borgar-
stjórnar 20. nóvember 1975.
i