Árbók Reykjavíkurborgar - 01.10.1984, Page 254
240
REGLUGERÐ
um endurgreiðslu sjúkrasamlaga til sveitarfélaga
vegna reksturs heimaþjónustu
(Nr. 131/1984)
1. gr.
Sjúkrasamlög endurgreiða sveitarfélögum kostnaðarhlutdeild ríkissjóðs í
rekstri heimaþjónustu (35%) í samræmi við reglur þær, sem hér eru settar.
2. gr.
Til heimaþjónustu í þessu sambandi teljast eftirtaldir þjónustuþættir:
heimilishjálp, heimahjúkrun, félagsráðgjöf, endurhæfing í heimahúsum og
heimsending matar.
3. gr.
Til rekstrarkostnaðar, sem sjúkrasamlög taka þátt í að greiða, teljast þó
ekki laun lækna, hjúkrunarfræðinga né annarra starfsstétta, sem ríkið
greiðir skv. lögum um heilbrigðisþjónustu.
4. gr.
Vegna heimaþjónustu undangengins árs skal sveitarfélag leggja fram í árs-
byrjun endanlega reikninga. í þeim reikningum skal koma fram heildar-
kostnaður vegna reksturs heimaþjónustunnar, þar með talinn eðlilegur
kostnaður við skrifstofuhald, svo og heildarendurgreiðslur vegna greiðslu-
þátttöku notenda þjónustunnar samkvsant gjaldskrá heilbrigðisráðuneytis.
Reikningum skal og fylgja listi yfir alla þá, sem notið hafa heimaþjónustu
á árinu og í hve ríkum mæli.
Sjúkrasamlag yfirfer reikninga sveitarfélagsins og krefst nánari skýringa,
ef þörf krefur. Að svo búnu skal sjúkrasamlagið standa sveitarfélaginu
skil á mismuni 35% af rekstrarhalla sbr. 5. gr. skv. reikningum og þegar
greidds framlags upp í rekstrarhallann.
Rekstrarhalli skv. reglugerð þessari telst vera heildarkostnaður vegna
reksturs heimaþjónustu að frádreginni greiðsluþátttöku notenda þjónustunnar
5. gr.
Á grundvelli endanlegra reikninga fyrra árs vegna heimaþjónustu greiðir
sjúkrasamlagið sveitarfélaginu mánaðarlega með jöfnum greiðslum hlut
ríkisins upp í rekstrarhalla vegna yfirstandandi árs.
Ef sveitarfélag telur að óvéfengjanlegar breytingar verði á rekstri heima-
þjónustu milli ára, skulu upplýsingar þar að lútandi sendar heilbrigðis-
og tryggingamálaráðuneytinu. Ráðuneytið ákveður í framhaldi af því hvor
viðmiðunin skuli lögð til grundvallar.
6. gr.
Reglugerð þessi er sett með stoð í 27. gr. laga nr. 93/1982 um málefni
aldraðra og öðlast þegar gildi.