Árbók íþróttamanna - 01.12.1948, Blaðsíða 240
íþróttasamband íslands (Í.S.Í.) 35 ára
28. janúar 1912 komu 40 áhugasamir og vaskir menn saman í Bárubúð
við Vonarstræti í Reykjavík og stofnuðu Iþróttasamband íslands, sem
jafnan hefur gengið undir nafninu Í.S.Í. Sigurjón Pétursson frá Alafossi
var helzti hvatamaður þessa fundar, en auk hans voru margir aðrir þjóð-
kunnir menn þar að verki, svo sem Axel Tulinius sýslumaður, Guðmundur
Björnson landlæknir, dr. Björn Björnsson frá Viðfirði, Matthías Einarsson
læknir, Halldór Hansen læknir, Hallgrímur Benediktsson stórkaupmaður,
Björn Jakobsson íþróttakennari, Pétur Magnússon ráðherra, Benedikt G
Waage kaupmaður, Jón Ásbjörnsson hæstaréttardómari, Magnús Kjaran
stórkaupmaður, Helgi frá Brennu og Arreboe Clausen. Þessir ungu menn
voru fulltrúar frá 12 íþrótta- og ungmennafélögum með samtals 600 félags-
menn. Þeim fannst tímabært að í íþróttamálum lyti landið allt einum lög-
um og einni stjórn, enda voru Olympíuleikar framundan og þangað stóð
hugur flestra framsækinna íþróttamanna.
Fyrsta stjórn Í.S.Í. var þannig skipuð: Axel Tulinius forseti og með-
stjórnendur þeir Guðmundur Björnson, Halldór Hansen, dr. Björn Björns-
ion og Björn Jakobsson.
Axel heitinn hélt forsetaembættinu til 1926, er hann sagði af sér störf-
um. Tók þá við Benedikt G. Waage og hefur hann verið endurkjörinn
jafnan síðan.
Hér verður hvorki gerð tilraun til að rekja sögu Í.S.Í. né lýsa einstök-
um störfum þess og háttum. Það var stofnað fyrst og fremst í þeim til-
gangi að sameina öll íþróttafélög landsins undir ein lög og eitt merki svo
að íslenzkir íþróttamenn ættu m. a. auðveldara með að koma fram á
erlendum vettvangi. Fyrsta verk þess var t. d. að sjá um hina frækilegu
Olympíuför til Stokkhólms 1912. Siðan komu leikreglurnar, íþróttakennslu-
bækurnar, íþróttanámskeiðin, læknisskoðunin, íþróttakennslan, bygging
íþróttamannvirkja o. s. frv.
Á 35 ára afmæli Í.S.Í. var framkvæmdastjórn þess þannig skipuð: Bene-
dikt G. Waage forseti, Þorgeir Sveinbjarnarson varafors., Kristján L. Gests-
son gjaldkeri, Frímann Helgason bréfritari og Erlingur Pálsson fundarritari.
238