Pósturinn - 26.11.1965, Síða 5

NR- 2 26. NÖVEMBER 198":
s
íaT Zi
y n s n n
hár eða
Sumir segja. að síða hárið sé að fara úr móð. Það hefur staðið styrr um þessa
hártízku frá fyrstu byrjun, og menn hafa flokkað sig í tvo hópa, með og á móti.
Nu virðist, sem flokkur þeirra sem eru á móti síða hárinu, sé óðum að stækka. Telja
andstæðingar hársins það þungt á metaskálunum, hve óviðurkvæmilegt sé að geta
tæplega greint á milli ungra pilta og stúlkna, þegar klæðnaður beggja er svo til
alveg eins og hárgreiðslan líka. Enn er þó flokkur hinna síðhærðu öflugur, og held-
ur fast við þá skoðun sína, að þetta séreinkenni æskunnar í dag skuli ekki leggj
ast niður. Blaðið tekur að svo komnu máli enga afstöðu í málinu, en þar sem
málið er ofarlega á baugi um þessar mundir höfum við fengið hóp af fólki til að
segja skoðun sína á síða hárinu í fáum orðum.
Séra Árelíus Níelsson, hinn kunni æskulýðsfrömuður, segir:
Fallegt hár hefur um aldaraöir þótt eitt hið fegursta
til að auka glæsimennsku bæði manna og kvenna. í
gamla testamentinu og í fornsögum okkar eru hetjurnar
alltaf hafðar með mikið hár. En tízkan segir sjálfsagt
fyrir um þetta hverju sinni, eins og svo margt fleira, og
það versta við bítlahárið svonefnda er ekki það að bítl-
arnir gætu líkst Absalon Davíðssyni eða Gunnari á Hlíð-
arenda, heldur hitt að því virðist fylgja og það stafa af
hópkennd eða hjarðarhvöt, sem ein út af fyrir sig getur
gert manninn að þýi og skríl, sem hættir að hugsa sjálf-
stætt, en apar aðeins eftir öðrum. Heill þeim, sem þora
að stefna gegn straumi tízkunnar, jafnt þótt þeir væru
með mikið hár eða algjörlega sköllóttir.

Rúnar Gunnarsson, Dátum.
Sítt hár, en þó aðeins í hófi og ef það er
nógu smart til þess.
Janis Carol, söngkona:
Mé'r finnst bara að hljómsveitarmenn ættu
að hafa sítt hár, úr því að þeir þurfa endi-
lega að apa eftir erlendum hljómsveitum,
að öðru leyti finnst mér það Ijótt — sér-
staklega ef það er illa þrifið.
Ásbjörn Ragnar Jóhannesson, nemandi í Réttarholtsskóla:
Sumum fer vel að hafa sítt hár og öðrum stutt. Samt myndi ég
mæla á móti því að karlmenn hafi sítt hár, því að karlmenn eru
nú einu sinni karlmenn og þeim ber að hafa stutt hár.
Rafn Haraldsson, Toxic:
£g er algerlega á móti síöu hári, vegna
þess að mér finnst það ekki fara karl-
mönnum.
Valdís Jónsdóttir nemandi:
Sítt hár — mér finnst það fallegra.
Erlingur Björnsson, Hljómum:
Sítt hár, ekki sízt núna í kuldanum. Það
er betra en nokkur húfa. Stelpur ættu
eingöngu að hafa sítt hár — mjög sitt.
Mér finnst strákar vera ellilegri með stutt
hár. Var ekki Jesús Kristur með hár niður
á herðar?
Rúnar Júlíusson, Hljómum:
Eindregið og tvímælalaust sítt hár, bæði á
karlmönnum og kvenfólki (nema kannski
í sambandi við fótbolta). Mér finnst mjög
stuttklipptir karlmenn alveg æðislega hall
ærislegir. Ég held að unglingar mæli yfir
leytt með síðu hári. Það eru bara skóla
stjórar og gamalt fólk, sem er á móti
þessu.
Karl Hermannsson, áður í Hljómum:
Mér finnst að flestum karlmönnum fari betur að hafa frekar mikið
hár, t. d. kann ég alltaf betur við mig með sítt hár, en þó ekki
of sítt.
Cigríður Jóhannesdóttir verksmiðjustúlka:
Sítt — mér finnst það klæða betur.
Margrét Eðvaldsdóttir afgreiðslustúlka:
Sítt — alveg örugglega. Mér finnst það mikið smartara.
Hrönn Antonsdóttir nemandi:
Ekki of stutt og alls ekki of sítt.
Hrönn Scheving nemandi:
Ekki of sítt. Mér finnst reglulega Ijótt að sjá stráka með hár
niður á herðar — sérstaklega ef það klæðir þá ekki.
Erla Indriðadóttir kvennaskólanemandi:
Það fer alveg eftir útlitinu, hvernig það klæðir þá.
Jakob Halldórsson, Toxic:
Ég vil hafa karlmenn með stutt hár. Hitt
finnst mér mjög ósmekklegt.
Hrafnhildur Pálmadóttir hárgreiðslunemi:
Mér finnst stutt hár fallegra og þrifalegra
að öllu leyti.
Öli Ben. hljómsveitarstjóri:
Siðferðislega séð eiga karlmenn að vera |
með stutt hár, en kvenfólk með sítt. Samt “
finnst mér bjánalegt af fólki að láta þá
síðhærðu ekki í friði.
Ölafur Þ. Kristjánsson, skólastjóri Flensborgarskólans í
Hafnarfirði segir:
Ég þykist hafa tekið eftir því, að þessi síði hárlubbi á
piltum er öruggt einkenni þess, að hugurinn er horfinn
frá námi og alvarlegri skólavinnu og jafnframt fylgir hár-
lubbanum furðulegt skeytingarleysi um nákvæmni og vand-
virkni í verkum, auk þess sem loðið og illa hirt hár býður
hvers kyns óþrifum heim. Annars vaxa flestir upp úr
þessu á fáum árum, og eitt dæmi veit ég þess, að dreng-
ur með loðinn haus hefur staðið sig vel í námi.