Vesturbæjarblaðið - sep. 2023, Síða 12

12 Vesturbæjarblaðið SEPTEMBER 2023
Í Samfélagshúsinu Aflagranda
er félagsstarfið að fara af stað
eftir gott sumarfrí. Við leitumst
við að bjóða upp á fjölbreytt
starf og þægilega samveru í hlýju
umhverfi. Hér geta allir fundið
eitthvað við hæfi og jafnvel farið út
fyrir þægindarammann og prófað
eitthvað alveg nýtt. Öflugt starf er
í húsinu á opnunartíma frá 8:30 -
15:45 en einnig er fjölbreytt starf
í húsinu eftir lokun þar sem yngri
kynslóðir fara með völdin.
Hér má finna fjölbreytta dagskrá
allan veturinn og má til dæmis
nefna Ukulele hóp, Myndlist,
Postulínsmálun, Tálgað í tré og
Söngfuglana sem er kór og þar er alltaf
verið að leita að góðum söngfuglum,
laus pláss í allar raddir. Við erum
með bingó alla föstudaga kl. 13:30
og flottan prjónahóp sem hittist á
þriðjudögum kl. 13:30. Það má taka
það fram að allir eru velkomnir í allt
félagsstarfið hjá okkur.
Félagasamtökin Memmm Play
sem er opinn leikskóli er í húsinu
alla þriðjudagsmorgna milli kl.
10:00-12:00 og hvetjum við alla sem
eru heima með lítil kríli að kíkja
til okkar. Þetta er frábær leið fyrir
foreldra/forráðamenn, afa og ömmur
að hitta fólk og leyfa krílunum að
leika sér við önnur börn í fallegu og
þroskandi umhverfi.
Við erum með opna vinnustofu
alla morgna þar sem fólk hittist
með handavinnuna sína og ræðir
heimsmálin yfir kaffibolla. Í
vinnustofunni getur fólk nýtt sér
mjög góða aðstöðu en þar eru
bæði venjulegar saumavélar og
overlock saumavélar.
Hið sívinsæla bókaspjall er á sínum
stað annan hvern miðvikudag sem
Katrín Kristins dóttir hefur tekið
við að stjórna. Við megum líka eiga
von á skemmtilegum gestum til
okkar í vetur.
Hingað er hægt að koma og
borða hádegismat milli 11:30-12:30,
panta/afpanta verður matinn fyrir
kl. 12:30 daginn áður og svo er
síðdegiskaffi kl. 14:30 alla daga. Nánari
upplýsingar um hádegismatinn eru
veittar í síma 411-2707.
Í samstarfi við íþróttafélag KR
bjóðum við upp á Kraft í KR tvisvar í
viku, þriðjudagsmorgna kl. 10:40 og
föstudagsmorgna kl 10:30. Tímarnir
eru fyrir 60+ og er markmiðið að
bjóða upp á fjölbreytta hreyfingu.
Íþróttafræðingur sér um tímana.
Einnig er Kraftur í KR með gönguhóp
sem hittist á mánudögum kl. 10:30
og gengur góðan hring um hverfið
og gert léttar æfingar. Í lok göngu
er sest inn í KR heimilið í kaffisopa
og spjall. Þessir tímar eru fólki að
kostnaðarlausu.
Í vetur verður viðburður hér í húsi
sem Hafdís Bjarnadóttir stendur
fyrir en þar ætlar hún að bjóða uppá
Handavinnustofu í fjögur skipti
og verður það fyrsta 24. október
kl. 20:00. Við auglýsum þennan
viðburð betur er nær dregur svo
endilega fylgist með.
Í samfélagshúsinu okkar viljum
við hafa viðburði fyrir Vesturbæinga
svo sem flóamarkaði, spilakvöld,
veislur, sýningar og allt það sem
Vesturbæingar kalla eftir. Endilega
ef þið hafið hugmyndir að starfi
eða viðburði sem ykkur langar að
sjá hér í samfélagshúsinu okkar,
hafið samband við Helgu Ösp
verkefnastjóra eða Sigríði Dögg
umsjónarmann félagsstarfs á
skrifstofunni, 411-2701 & 411-2702,
einnig má senda tölvupóst á helga.
osp.johannsdottir@reykjavik.is
Við erum opnar fyrir nýjum
hugmyndir og áskorunum.
Við hvetjum alla til að finna
facebooksíðuna okkar,
Samfélagshúsið Aflagranda 40, því þar
koma allar tilkynningar. Það er alltaf
heitt á könnunni svo endilega kíkið
við í bolla og spjall.
Fjölbreytt starf
á Aflagrandi í vetur
STUÐ
STUÐ
0
STUÐ
1
» Þarf stærri heimtaug?
» Hvaða lausn hentar best?
» Er kerfið búið álagasstýringu?
» Sjálfvirkt greiðslu- og innheimtukerfi?
Er hleðsla rafbíla
hausverkur
í húsfélaginu?
Við aðstoðum við að leysa málið með
hagsmuni húsfélagsins að leiðarljósi
Hlutlaus úttekt og ráðgjöf fyrir húsfélög um fyrirkomulag
rafbílahleðslu og framkvæmdaáætlun.
Útvegum og berum saman tilboð og aðstoðum við styrkjaumsóknir.
thjonusta@eignaumsjon.is | eignaumsjon.is
Aflagrandi 40.
Verður Norræna
húsið ríkiseign ?
Í nýútkomnu fjárlagafrumvarpi má finna heimild til að að færa
eignarhald á Norræna húsinu við Sæmundargötu yfir til ríkisins.
Heildarumfang vegna leigu gæti numið 16 milljörðum.
Í greinargerð með frumvarpinu er miðað við að eigninni verði
komið fyrir í umsýslu hjá Framkvæmdasýslu - Ríkiseignum sem
muni tryggja að viðhaldi verði sinnt og áframhaldandi starfsemi geti
verið á eigninni á vegum Norrænu ráðherranefndarinnar á grund-
velli eðlilegra leigugreiðslna.
Sólarhringsvakt: 581 3300 & 565 5892
Komum til aðstandenda og ræðum skipulag sé þess óskað
Sverrir Einarsson
S: 896 8242
Jón G. Bjarnason
S: 793 4455
Jóhanna
Eiríksdóttir
Útfararstofa Íslands
www.utforin.is w Auðbrekku 1, Kópavogi
Útfararstofa Hafnarfjarðar
www.utfararstofa.is w Dofrahellu 9b, Hafnarfirði
Ástæða er til að minnast á samstarfsverkefni
Samfélagshússins á Aflagranda 40 Kraftur í KR sem
kallast kraftur í KR.
Verkefnið snýr að hreyfingu fyrir fólk óháð aldri og
búsetu og hefur verið vel sótt í genum tíðina. Æfingarnar
eru í KR alla mánudaga og föstudaga kl. 10:30, allir
velkomnir. Æfingarnar eru án endurgjalds. Þjálfari er
Linda Björk Ólafsdóttir.
Kraftur í KR
Norrænahúsið við Sæmundargötu.
Stjórn Faxaflóahafna telur að ekki sé ástæðu til að breyta
að svo stöddu staðsetningu hvalveiðibátanna Hvals 8 og 9
sem liggja við gömlu höfnina miðsvæðis í Reykjavík. Fimm
aðrir möguleikar voru skoðaðir en enginn þeirra hentaði.
Viðlegustaðir sem skoðaðir voru ná nefna Bótarbryggju,
Austurbakka Grandabryggju, Vatnagarðabakka og
Faxabryggju á Akranesi. Á Bótarbryggju var talið að
hvalveiðiskipin myndu þrengja of mikið að umferð til og
frá Verbúðarbryggju sem og ferða björgunarbáta. Legan við
Grandarbryggju er sögð of stutt og hvalveiðiskipin myndu
rýra notagildi bryggjunnar við Austurbakka verulega.
Vatnagarðabakki er á farmsvæði á svæði Eimskips og
Faxabryggja var með of lítið dýpi og ókyrrð í suðvestan-
og vestanátt.
Borgarstjórn Reykjavíkur samþykkti á fundi sínum í maí að
fela stjórn Faxaflóahafna að skoða hvort hægt væri að skoða
annan stað en miðsvæðis í Reykjavík fyrir tvö hvalveiðiskip
Hvals ehf. Vísað var til margvíslegra umhverfisstefna
borgarinnar og stöðu hennar sem ferðamannastaðar. Eftir að
farið hafði verið yfir aðra möguleika kemur fram í minnisblaði
Gísla Jóhanns Hallssonar yfirhafnsögumanns að að Hvalur
ehf. hafi verið með sín hvalveiðiskip í gömlu höfninni síðan
1947. Skipin hafi verið tengd heitu vatni síðastliðna hálfa öld
til að halda hita á þeim ásamt því að þurfa rafmagn. Skipin
þyrftu að vera með heitt og kalt vatn og rafmagn og geta legið
utan á hvort öðru.
Hvalur 8 og 9 við bryggju í gömlu höfninni. Myndin
var tekin áður en skipin héldu til veiða á dögunum.
Hvalveiðiskipin halda bryggjuplássum að sinni