Feykir - 15.02.2023, Síða 4

Húnabyggð
www.hunabyggd.is
FASTEIGNAGJÖLD 2023
Álagning fasteignaskatts:
A-hluti fasteignaskatts (íbúðarhúsnæði) er 0,50% af hús- og lóðarmati.
A-hluti fasteignaskatts (hesthús og gripahús í þéttbýli) er 0,50% af hús- og lóðamati.
B-hluti fasteignaskatts (opinbert húsnæði) er 1,32% af hús- og lóðarmati.
C-hluti fasteignaskatts (atvinnuhúsnæði og annað en að neðan greinir) er 1,65% af hús- og lóðamati.
Vatnsgjald á A-hluta, B-hluta og C-hluta fasteigna (íbúðar-, opinbert- og atvinnuhúsnæði) er 0,275% af hús- og lóðarmati.
Holræsagjald á A-hluta, B-hluta og C-hluta fasteigna (íbúðar-, opinbert- og atvinnuhúsnæði) er 0,25% af hús- og
lóðarmati. Rotþróargjald er lagt á fasteignir sem tengjast rotþróm og fer gjaldtakan eftir stærð þeirra.
Lóðarleiga fyrir A-hluta, B-hluta og C-hluta fasteigna (íbúðar-, opinbert- og atvinnuhúsnæði) er 2% af fasteignamati
lóðar, fyrir ræktunarlóðir 7.900 kr. á hektara, að lágmarki kr. 10.550,-.
Sorpgjöld: Innheimt á hverja íbúð vegna sorphirðu með 240l tunnu: kr. 31.000,-
Innheimt á hverja íbúð vegna sorpeyðingar með 240l tunnu: kr. 31.000,-
Þar sem eru stærri tunnur en 240l þá eru gjöldin eftirfarandi:
Almennur úrgangur 660 lítra tunna kr. 124.000,-
Almennur úrgangur 1.100 lítra tunna kr. 195.000,-
Auka ílát fyrir almennan úrgang 240 lítra kr. 31.000,-
Innheimt á sumarhús, hesthús og gripahús í þéttbýli vegna sorpeyðingar: kr. 24.200,-
Reglur um afslátt af fasteignaskatti árið 2023
1. gr.
Tekjulágum elli- og örorkulífeyrisþegum sem eiga lögheimili í Húnabyggð er veittur afsláttur af fasteignaskatti,
samkvæmt ákvörðun sveitarstjórnar ár hvert og reglum þessum, sbr. heimild í 4. mgr. 5. gr. laga nr. 4/1995 um
tekjustofna sveitarfélaga.
2. gr.
Þeir aðilar sem uppfylla eftirfarandi skilyrði eiga rétt á afslætti á fasteignasköttum samkvæmt ákvörðun sveitarstjórnar:
a) Ellilífeyrisþegar 67 ára á álagningarárinu eða eldri eða örorkulífeyrisþegar sem hafa verið
úrskurðaðir 75% öryrkar.
b) Þeir sem eru úrskurðaðir 75% öryrkar á álagningarári eiga rétt á hlutfallslegri lækkun frá
því að örorkumat tók gildi.
c) Viðkomandi búi í eigin húsnæði og hafi ekki af því leigutekjur. Afsláttur nær einungis til
þeirrar íbúðar sem viðkomandi býr í. Heimilt er að víkja frá þessu ákvæði í allt að þrjú ár dvelji
viðkomandi aðili á öldrunarstofnun og að íbúð í eigu hans sé ekki leigð út eða nýtt af skyldmennum.
d) Þegar um hjón eða sambúðaraðila er að ræða nægir að annað hjóna eða sambúðaraðila fullnægi
því skilyrði að vera elli- eða örorkulífeyrisþegi.
3. gr.
Upplýsingar um tekjur vegna útreiknings fasteignaskatts eru sóttar vélrænt á vef Skattsins í gegnum álagningarkeri
Fasteignaskrár Íslands. Ekki er þörf á sérstökum umsóknum vegna afsláttar.
4. gr.
Afsláttur af fasteignaskatti er tekjutengdur og er allt að kr. 88.000 á árinu 2023. Afsláttur er reiknaður út frá álagningu
2022 vegna skatttekna ársins 2021, þ.e. samtalan af stofni til útreiknings tekjuskatts og útsvars (reitur 2.7) og
fjármagnstekjum samtals (reitur 3.10).
5. gr.
Tekjumörk eru sem hér segir:
Fyrir einstaklinga:
a) Með tekjur allt að kr. 4.525.858 – fullur afsláttur skv. 4. gr.
b) Með tekjur yfir kr. 5.883.615 – enginn afsláttur.
Fyrir hjón og samskattað sambýlisfólk:
a) Með tekjur allt að 5.657.322 – fullur afsláttur skv. 4. gr.
b) Með tekjur yfir kr. 7.354.519 – enginn afsláttur.
Ef tekjur eru á framangreindu bili er veittur hlutfallslegur afsláttur.
Reglur þessar voru samþykktar á fundi sveitarstjórnar Húnabyggðar þann 13. desember 2022.
Gjalddagar álagðra fasteignagjalda umfram kr. 25.000,- eru: 1. mars, 1. apríl, 1. maí, 1. júní, 1. júlí, 1. ágúst, 1.
september, 1. október, 1. nóvember & 1. desember. Gjalddagi álagðra fasteignagjalda undir kr. 25.000,- er 15. maí.
Hægt er að óska eftir því að greiða öll gjöld á einum gjalddaga sem er 15. maí. Sækja þarf um gjalddaga-
breytingu á bæjarskrifstofu fyrir 15. mars 2023. Eindagi gjalddaga eru 30 dagar.
Álagningarseðlar eru rafrænir og eru aðgengilegir á www.island.is. Greiðsluseðlar birtast í heimabanka
viðskiptavina. Hægt er að óska eftir útprentuðum álagningarseðli og greiðsluseðli og skal senda beiðni um
þar á netfangið hunabyggd@hunabyggd.is. Frekari upplýsingar um álagninguna er hægt að
fá á skrifstofu Húnabyggðar í síma 455 4700.
Eftirfarandi gjaldskrá var tekin fyrir og samþykkt á fundi sveitarstjórnar Húnabyggðar 15. desember 2022.
Sveitarstjórinn í Húnabyggð, 15. desember 2022
Pétur Arason
Hún barst nokkuð seint febrúarspáin frá
Veðurklúbbi Dalbæjar að þessu sinni og segir
Bergur Jónsson, ritari klúbbsins, það skrifast
að öllu leyti á hann. „En við skulum reyna af
öllum mætti að sparka ekki fast í leggina á
honum fyrir það,“ segir í skeyti spámanna til
fjölmiðla.
Mættir á fund voru, Jón Garðarsson,
Haukur Haraldsson, Bergur Þór Jónsson,
Hörður Kristgeirsson, Magnús
Guðlaugsson og Kristján Loftur Jónsson.
Þeir segja spá janúar reyndar vera alveg
fyrirmynd febrúar, með áframhaldandi
umhleypingum en ekki afgerandi miklum
snjóum. Hitastig þó eitthvað hækkandi
eins og gera mátti ráð fyrir.
„Við fórum yfir ýmsa veðurboða og
hjátrú svona til upprifjunar og möguleika á
viðbótum og rákumst á einhverja hjátrú
sem hafði ekki komið fyrir augu okkar
áður. Þá gerðum við tilraunir til að komast
í heimsókn til veðurglöggra manna í
nágrannasveitum en veður hamlaði okkur
það. Við gefumst þó ekki upp fyrr en í fulla
hnefana.“
Með kveðju Dalbæinga fylgir vísa sem
endranær.
Væta sig á veðurglögg
vildu ýmsir reyna.
Til þess þyrfti væna dögg,
þú veist hvað ég meina.
Höf. Bjór.
Vaxandi sunnanátt
Engin lognmolla er í kortum
Veðurstofunnar næstu daga því þar er spáð
suðlægri átt 8-13 og éljagang í dag en á
Veðurklúbbur Dalbæinga opinberar febrúarspána
Áframhaldandi umhleypingar með hækkandi hitastigi
Í Kelaskúr var Kristján Sveins,
kallaður Stjáni blái,
krafti búinn kjarnafleins,
kappinn dæmafái.
Annar var þar Ægis þór,
Oddur sterki af Skaga.
Hann á sjóinn fullur fór
flesta róðrardaga.
Þriðji svaðinn Sæmundur
sífulli þar reri.
Yfir höfuð aldrei þur,
ógn í hverju veri.
Ráðskonan var rösk og frjáls,
reynd úr mörgu prófi.
Lauga hét hún, létt til máls,
lausgirt fram úr hófi.
Liðið krýndi ferli frægt,
fullur sást þar dampur,
það var allt af röskri rækt
en rakadrægt sem svampur!
Rúnar Kristjánsson
Rúnar Kristjánsson
Sjómennska
fyrir austan
morgun, fimmtudag, verður vestlæg
átt 5-13 m/s, og él, en bjart norðaustan
til. Hiti um eða undir frostmarki.
Á föstudag:
Vestlæg eða breytileg átt 5-13 og víða
dálítil él en yfirleitt bjart suðaustan til.
Frost 0 til 12 stig, kaldast inn til
landsins.
Á laugardag:
Breytileg átt, 3-8, og sums staðar
lítilsháttar él. Frost um mestallt land.
Vaxandi sunnanátt með snjókomu eða
slyddu og hlýnandi veðri sunnan- og
vestanlands seinnipartinn.
Á sunnudag:
Sunnan hvassviðri eða stormur með
rigningu og hiti 5 til 11 stig en
suðvestanátt með éljum og kólnar um
kvöldið. Lengst af þurrt
norðaustanlands.
Á mánudag:
Útlit fyrir minnkandi vestlæga átt með
éljum og kólnandi veðri. /PF
Það er stundum talað um veðurglugga þegar róleg
stund skapast milli óveðursáhlaupa en hér er annars
konar veðurgluggi á ferðinni. Þessi myndar sprungur
í glerinu þegar eitthvað fýkur á hann en það var
einmitt það sem gerðist í lægðagargi helgarinnar á
Kálfsstöðum í Hjaltadal. Inni í blaðinu er að finna
fleiri myndir af veðurtjóni í Skagafirði.
MYND: ÓLAFUR SIGUR-GEIRSSON.
4 07/2023