Margt smátt : fréttabréf Hjálparstofnunar kirkjunnar - 01.11.2021, Síða 6

Skjólið er opið hús á vegum Hjálparstarfs
kirkjunnar fyrir konur sem glíma við
heimilisleysi, búa við óöruggar aðstæður
eða eru nýkomnar í búsetuúrræði eftir
heimilisleysi. Skjólinu er ætlað að vera
öruggur samastaður sem konurnar geta
sótt að deginum til áður en þær fara til
dæmis í Konukot yfir nóttina.
Frá opnun Skjólsins þann 15. febrúar síðast-
liðinn hafa 54 konur á aldrinum 20 til 60 ára
komið reglulega í athvarfið sem er opið alla
virka daga klukkan 10–15.
„Við erum bara
fólk eins og þið!“
„Skjólið hefur gefið mér kost á því að hafa öruggan
stað þar sem ég get viðhaldið sjálfsvirðingu minni.“
Margar kvennanna sem sækja Skjólið hafa þurft að nýta sér
neyðarnæturathvarfið Konukot en þar lokar klukkan 10 á
morgnana og opnar aftur kl. 17. „Áður var þetta bara glatað,“
segir ein kvennanna en áður en Skjólið kom til sögunnar áttu
konurnar erfitt með að finna sér eitthvað að gera á daginn og
reyndu þær þá oft að komast inn þar sem þær gátu eins og í
verslanir eða á söfn. Konurnar segja að hvar sem þær komu hafi
verið fylgst með þeim og að öryggisverðir hafi jafnvel elt þær á
röndum. Þær eru flestar orðnar uppgefnar á fordómum í sinn
garð og vilja að fólki viti að þær séu „bara fólk eins og þið!“.
Í Skjólinu er aðstaða til að teikna og mála, prjóna og púsla. Einn daginn skreyttu konurnar steina
með jákvæðum staðhæfingum um sjálfar sig.
Á dögunum gerði Zontaklúbburinn Embla Skjólinu fært að setja
upp fallega snyrtiaðstöðu fyrir konurnar. „Þú þarf ekki að líta út
eins og róni þótt þú sért heimilislaus,“ segir ein kvennanna en
konurnar leggja flestar mikið á sig til að falla inn í hópinn og
þær vilja líta vel út.
Á köldum degi er fátt betra en að liggja uppi í sófa, undir teppi með
góða bók. Í Skjólinu er áhersla lögð á að konurnar fái næringu og hvíld,
að þær geti farið í sturtu og þvegið af sér og síðast en ekki síst að þær
fái skjól fyrir veðri og vindum. „Það er alveg „crusial“ fyrir mig að
koma í Skjólið á daginn, hitta konurnar og fá samveruna, hlýjuna og
góðan mat,“ segir ein kvennanna sem kemur reglulega í Skjólið.
„Þegar konurnar upplifa öryggið hér eru þær betur í stakk búnar til að
vinna í sínum málum. Við höfum bókað einstaklingsfundi hér í Skjólinu
með fagaðilum eins og félagsráðgjöfum, ráðgjöfum vettvangs- og
ráðgjafateymis Reykjavíkurborgar, hjúkrunarfræðingum og starfsfólki
frú Ragnheiðar,“ segir Rósa Björg Brynjarsdóttir umsjónarkona
Skjólsins og bætir við að starfsemin skipti því miklu máli fyrir líf og
velferð kvennanna almennt.
6 – Margt smátt ...