Kristeligt Ungdomsblad for Færøerne - 01.03.1918, Blaðsíða 4

Pætur.
Y m i s t.
Hann bar á munni størstu orð
og segðist ikki svíkja.
Hann vildi eiga Harrans kor
og ei frá honum víkja.
Men Harrin mælti: »Trúgv tú mær,
fyrr hanin gelur aðru ferð,
tú svíkur triðja sinni.«
Tí Harrin kendi mansins sál,
sá, hann ið hevir treystast mál,
er veikur innast inni.
Og Pætur fall, og Pætur sveik,
og mentist væl av falli;
tí sálin, ið var rædd og veik,
tá gjordist trygg sum fjallið.
í sviki hann seg sjálvan sá
og gjordist hann hin klettur tá,
har Harrans hús kann standa.
í synd, sum týnir sálarfrið
og ikki gevur manni grið,
vann Pætur halgan anda.
Og gongur mangum manni enn
sum Pæturi á sinni.
Vit vilja sýnast rættir menn,
tó veikir innast inni;
tí ræður um at sanna tað,
vit eru eins og fúnað træ,
tó kunna okkum menna,
tí Harrin, ið vil ðllum væl,
hann letur tað, ið bert er skal,
við synd av sálum brenna.
So gerast vit, sum klettur, trygg
og væl av falli mennast.
Ei húsið títt á sandi bygg,
tann grund man ótrygg kennast!
Lít einki á tey stóru orð,
menn royn at finna Harrans spor
og gakk, hvar tey teg leiða!
Um trong er rás, um neyð er stór,
fer tú ta leið sum Harrin fór,
tá skalt tú lívið eiga!
Hans A. Djurhuus.
Sæl eru tey miskunnsomu —
Úti við ánna Seine, ið rennur gjognum
París, situr fátæk kona, ið selur blómur.
Búð hevir hon onga, bert eitt lítið tjald
í einum portri.
Fleiri ferðir om dagin fara líkskarar
— eitt syndarligt, endaleyst lið — fram
við tí portrinum, har hon situr, út til kirkju-
garðin. Tað eru Soldátar, ið verða jarð-
aðir, — ofta heilt ungir dreingir, deyðir
langt burturi fra heimbygd teirra á einum-
hvørjum sjúkahúsi i París. Eingin kennir
teir, eingin fylgir teimum, eingin minnist
til teirra. Hon kennir teir heldur ikki,
men hvorja ferð hon sær eina nakna,
ómálaða kistu fara fram við, fer hon renn-
andi út við einum neva av sínum fátæku
blómum og breiðir tær út um kistulokið,
meðan hon spakuliga mutlar fyri seg
sjálva: »Takk! tú sum strítt hevir —
eisini fyri meg!«
(Eftir A. L.)
Til
iial cLa.i*ai*nar!
Alt pappír er í hesum tíðum dýrkað
meira og meira. »Kr. ungdómsblað*, sum
í fyrstuni kostaði 20 kr. nummarið, er nú
komið upp í 30 kr. Tess vegna mega vit,
um blaðið ikki skal halda uppat, hæðka
blaðgjaldið frá 1 kr. til 1 kr. 50 oyr. um
árið. Vónandi er, at eingin haldari av
teirri grund fer at siga blaðið frá sær,
men at allir vilja styðja tað enn sum
áður.
Udgivet af Strøma.s kristelige Ungdomsforeninger ved J. Dahl, Thorshavn.
Trykt i A/S. »Fære Amtstidende«s Bogtrykkeri.