Føroya kunngerðasavn A og B - 17.10.1997, Side 2

414
Nr. 145 16. oktober
Kunngerð
um
stuðul til flutning av fiski
Við heimild í løgtingslóg nr. 67 frá 13. juni 1995 um
stuðul til flutning av fiski, sum broytt við løgtingslóg
nr. 112 frá 13.juni 1997, verður fyrisett:
§ 1. Til flutning av fiski frá uppboðssølu til virkingar
í oyggjum, har ikki er koyrandi yvir fjørð ella sund,
verður latin flutningsstuðul fyri tann partin av flutn-
ingskostnaðinum, ið er omanfyri 10 oyru/kilo, upp
til 25 oyru/kilo.
§ 2. Til flutning av fiski frá bátum og skipum úr
bygdum, har eingin fiskakeypari er, verður latin upp
til 15 oyru/kilo í flutningsstuðli til at flyta fiskin til
nærmasta avreiðingarstað. Hetta er bert galdandi fyri
bátar, ið eru heimahoyrandi á omanfyri nevndum
plássum.
§ 3. Lønjavningargrunnurin umsitur skipanina við
flutningsstuðli. Stuðulin verður útgoldin eftir um-
sókn skjalprógvað við avreiðingarseðli og avriti av
rokning frá flutningsfelag ella bilførara, sum eru
MVG-skrásett.
§ 4. Henda kunngerð kemur í gildi 5 dagar eftir, at
hon er kunngjørd. Samstundis fer úr gildi kunngerð
nr. 136 frá 20. august 1997.
Fiskimálastýrið, 16. oktober 1997
John Petersen
landsstýrismaður
/Ulla S. Wang