Helgarpósturinn - 18.08.1983, Síða 24

24
Fimmtudagur 18. ágúst 1983 pjösturinn
'elgar-
S""! Geir Hallgrímsson mun nú
f~J endanlega ákveðinn að gefa
S ekki kost á sér í formanns-
kjöri á landsfundi Sjálfstæðis-
flokksins sem haldinn verður í
haust. Munu margir hafa lagt að
Geir að gefa opinbera yfirlýsingu
hið fyrsta, en hann hefur hins vegar
þráast við og er sagt að hann óttist
að þar með gefi hann Alberts-
arminum í flokknum of mikinn
tíma til að undirbúa sig undir
formannsslaginn. Er líklegt að Geir
bíði með að tilkynna ákvörðun sina
uns kjöri fulltrúa á landsfundinn
verður að mestu lokið, í trausti þess
að þangað veljist fólk sem er hæfi-
lega hlýðið flokksforystunni...
Úlfar Þormóðsson ritstjóri
f Á og ábyrgðarmaður Spegilsins
hefur tekið ákvörðun um að
gera hlé á útkomu blaðsins þar til
dómur hefur fallið í máli því er
Þórður Björnsson ríkissaksóknari
hefur höfðað á hendur honum. Þar
sem vegir réttarkerfisins eru órann-
sakanlegir er útilokað að segja til
um hvenær ritið kemur aftur út,
það getur nefnilega tekið nokkra
mánuði eða jafnvel ár fyrir málið
að komast í gegnum réttarkerfið....

Ráðherrum í ríkisstjórninni
mun þykja nóg um þá athygli
sem Albert Guðmundsson
vekur, en Albert hefur verið mikið í
sviðsljósinu síðan hann varð ráð-
herra og óspar að gefa yfirlýsingar.
Munu framsóknarmenn hugsa
honum þegjandi þörfina og yfirlýs-
ingar Páls Péturssonar þingflokks-
formanns í sambandi við námslán-
in aðeins það fyrsta í þeim efnum.
Steingrími Hermannssyni mun hins
vegar þykja ágætt að beita Alberti
fyrir sig og stjórnina i óvinsælum
málum, þar sem Albert þykir kjark-
mikill og ófeiminn við að segja álit
sitt á mönnum og málefnum. Má
því búast við nokkurri togstreitu
innan Framsóknarflokksins um
„Albertsmálin“ þegar þing kemur
saman...
Mikill uggur er nú innan í-
f i þróttahreyfingarinnar vegna
S' skrifa Morgunblaðsins um
íþróttastyrk Sambands íslenskra
samvinnufélaga og óttast margir að
þau eigi eftir að draga alvarlegan
dilk á eftir sér tyrir iþróttatélög og
sambönd. Nú í vikunni mun t.d. -
Hans Indriðason einn af yfirmönn-
um Flugleiða hf. hafa gengið á fund
ÍSÍ og óskað eftir endurskoðun á
samningi Flugleiða við ÍSÍ. Munu
Flugleiðir óttast að fá svipaða
dembu yfir sig og Sambandið, þótt
samningur þeirra við ÍSÍ muni öðru
vísi en Sambandssamningurinn. Þá
munu handknattleiksfélög sem nú
eru sem óðast að endurnýja aug-
lýsingasamninga sina fyrir kom-
andi keppnistímabil einnig hafa
orðið vör við ótta hjá viðsemjend-
um þeirra og í a.m.k. einu tilfelli
gekk slíkur samningur til baka, þar
sem auglýsandinn kvaðst ekki vilja
eiga það á hættu að fá skammir í
Morgunblaðinu fyrir að styðja
íþróttafélag. Munu margir íþrótta-
forystumenn ekki hugsa með alltof
miklum hlýleika til Morgunblaðs-
ins um þessar mundir...
Sú ákvörðun Þórhalls
f i Tryggvasonar, bankastjóra
S Búnaðarbankans, að láta af
störfum hjá bankanum 67 ára að
aldri, veldur toppunum í Fram-
sóknarflokknum miklum erfiðleik-
um. Valið um erftirmann Þórhalls
stendur milli þriggja dyggra fram-
sóknarmanna, þeirra Stefáns
Valgeirssonar, alþingismanns og
formanns bankaráðs Búnaðar-
bankans, Stefáns Pálssonar,sem er
deildarstjóri í bankanum, og -
Hannesar Pálssonar, aðstöðar-
bankastjóra hjá bankanum. Jón
Helgason landbúnaðarráðherra
fer með málefni bankans og hann
mun alfarið hafa Iagt þetta erfiða
val á herðar flokksformannsins -
Steingríms Hermannssonar. For-
maðurinn á hins vegar ósköp bágt í
þessu máli, Stefán Valgeirsson sæk-
ir stíft að fá djobbið og nýtur þar
stuðnings kaupfélagsvaldsins fyrir
norðan, sem finnst þægilegt að
losna við þingmanninn á þennan
hátt. Flestum mun þó þykja sem
Hannes Pálsson sé nánast sjálf-
skipaður i starfann samkvæmt öll-
um etikettum og hann nýtur
óskoraðs stuðnings innan Reykja-
víkurliðsins í Framsóknarflokkn-
um, sem hótar miklum hvelli ef
gengið verður fram hjá Hannesi.
Mun Steingrímur helst hallast að
þeirri Iausn að fá Þórhall til að sitja
áfram til sjötugs....
r‘l Áfrain ísland. Allir hafa
f l hrópað þetta á landsleik á
Laugardalsvellinum. Áfram
ísland er líka heiti á leikriti sem -
Gunnar Gunnarsson hefur verið að
skrifa í sumar fyrir Leikfélag
Reykjavíkur. Verkið fjallar um
landsliðsstrákana okkar og kapp-
leik þeirra við Dani. Það á áreiðan-
lega eftir að vekja mikla athygli, að
engin kona kemur fram í verkinu,
aðeins karlmenn, fjórtán talsins.
Gunnar hefur í sumar kynnt sér
knattspyrnufræði hjá Breiðabliki
og fleiri liðum og Áfram ísland
verður, ef guð lofar, frumsýnt
næsta vor, um það leyti sem knatt-
spyrnuvertíðin fer í gang....
Hin nýja stórverslun, sem
f J Vörumarkaðurinn opnar í
S næstu viku í nýjum miðbæ
Seitjarnarness, virðist ætla að fara
mjög fyrir brjóstið á Kaupmanna-
samtökunum. Forsvarsmenn Kaup-
mannasamtakanna ganga nú á milli
manna í því skyni að fá liðsinni við
að takmarka opnunartíma Vöru-
markaðarins á þessum stað. Sem
kunnugt er gilda engin reglugerðar-
ákvæði um opnunartíma verslana á
Seltjarnarnesi. Kaupmanna-
samtökin munu m.a. hafa sent
menn á fund Verlsunarmannafélags
Reykjavíkur og boðið gylliboð í
næstu kjarasamningum ef V.R. vilji
beita mætti sínum í að stöðva Vöru-
markaðinn í opnunarmálinu. Á
öðrum vígstöðvum hafa fulltrúar
einstakra kaupmanna hótað heild-
sölum afarkostum og viðskipa-
banni ef þeir beiti sér ekki í því að
stöðva Vörumarkaðinn. Á meðan
Yngri
Eldri borgarar
Mallorkaferð
27. septr-18. okt.
Enn á ný hefur ferðaskrifstofan Atlantik í boði Mallorkaferð fyrir fullorðið fólk. Ferðin er kjörin
fyrir þá er vilja lengja sumarið og njóta veðurblíðu síðsumarsins við Miðjarðarhafsströnd.
Gist verður í hinu glæsilega íbúðarhóteli Royal Playa de Palma, en þar er öll aðstaða hin ákjós-
anlegasta til að njóta hvíldar og hressingar.
NYJUNG
Boðið verður upp á stutt fræðsluerindi og umræður um málefni aldraðra, heilsurækt o.fl.
Verð miðað við 2 í stúdíói eða 3 í íbúð eða 4 er kr. 25.800: Innifalið i verðinu er hálft fæði.
Fararstjóri verður Þórir S. Guðbergsson félagsráðgjafi.
Ferðaskrifstofa, iðnaðarhúsinu HaJlveigarstíg 1, símar 28388 og 28580.
munu Kaupmannasamtökin einnig
vera að róa í Davíð Oddssyni og
öðrum forsvarsmönnum Reykja-
víkurborgar að þeir beiti áhrifum
sínum til að þvinga Seltirninga til
hlýðni við Kaupmannasamtökin.
Davíð mun hafa tekið erindinu fá-
lega og telja erindrekstur fyrir
Kaupmannasamtökin í einokunar-
málum ekki heyra undir borgar-
stjórn. Fjöldi verslana í nágranna-
byggðum Reykjavíkur hefur óátalið
haft opið bæði um kvöld og helgar
um árabil, en einokunarsjónarmið
Kaupmannasamtakanna gagnvart
Vörumarkaðinum sérstaklega ráð-
ast e.t.v. að einhverju leyti af því að
Vörumarkaðurinn mun ekki vera
aðili að samtökunum. Vörumark-
aðurinn hefur ekki gefið út neinar
yfirlýsingar um væntanlegan opn-
unartíma verslunarinnar á Sel-
tjarnarnesi, og Kaupmannasam-
tökin gætu þannig allt eins verið að
berjast við vindmyllur...
’T'l Hér er einn örstuttur úr for-
Y J sætisráðuneytinu: í síðustu
y viku buðu húnarnir (ha,
veistu ekki hverjir húnarnir eru?
Það er synir Ingvars í Isbirninum...)
Steingrími og Jóhannesi Norðdal til
laxveiði í Kjarrá í Borgarfirði.
Steingrímur keyrði liðið á Blazer-
jeppanum sínum og reyndi víst
meira á kapp en forsjá. Svo mjög lá
honum á að renna í vatnið að þegar
að ánni kom skellti hann bæði
jeppa og ferðalöngum beint á vaðið
í ánni, með þeim afleiðingum að
allir festust og komust herramenn-
irnir við illan leik í land en Blazer-
inn sat eftir og voru þá góð ráð dýr.
Steingrímur var þó ekki í vandræð-
um með það fremur en fyrri dag-
inn, hann hringdi í bæinn og lét
senda sér Range Rover svo jeppa-
túrinn og laxveiðin mættu áfram
halda. Engar sögur fara þó af veið-
inni enda ku hafa verið mikið
grugg... Kjarninn í þessari sögu er
þó kannski sú spurning, hvað hafi
legið að baki boði húnanna, en það
er önnur saga...
PRENTUM
kimar
A
PLASTPOKA
PLASTPOKA OG PRENTUN FÆRÐU HJÁ
Plnstos lil*
BÍLDSHÖFÐA 10 ( VIÐ HLIÐ BIFREIÐAEFTIRLITSINS
SÍMI: 82655