Tíminn - 28.05.1921, Qupperneq 4

68
T í M I N N
Klæðaverksmiðjan
„Álafoss“
og
Sápuverksmiðjan
„Seros"
vilja benda mönnum á eftirfarandi heil-
ræði er hver lslendingur á að hafa hugföst:
Sparið landinu óþarfan erlendan gjald-
eyri með því að kaupa og nota íslenskar
vörur.
Sparið landinu óþörf erlend vinnulaun
með því að kaupa og nota íslenskar vörur.
Sparið landinu óþörf flutningsgjöld með
því að kaupa og nota íslenskar vörur.
Eflið og aukið vinnuna í landinu ineð
því að kaupa og nota íslenskar vörur.
Eflið sjáifstæði hins íslenska ríkis með
því að kaupa og nota íslenskar vörur.
Verslið við þá kaupmenn og þau kaup-
félög er selja íslenskar vörur.
r lii
llllll
Rafstöð tíl sölu.
Sökum þess að Rafstöð Reykjavílcur tekur til starfa innan skamms,
viljum vér selja vora ágætu og fullkomnu rafstöð. M ó t o r i n n er 12
h.a. tvígengis-hráolíumótor, mjög sparneytinn. Dynamo 110/150
volt (jafnstraums) 58/43 Amp. 6400 Watts, með mótstöðu. GLeymir-
i n n er 60 Cellur, 81 Ampertími. Geyminum fylgir tré-„stativ“ undir
Cellurnar. M a r m a, r a t a f 1 a n er með 15 slökkvururm, ásamt aðal-
slökkvurum, 2 Ampermetrum, Voltmeter, Voltmeter-skifti, hleðslu-
mæli og öð,ru er tilheyrir.
Stöðin hefir verið notuð ca. 1 ár og reynst ágætlega. — Verður
sennilega tilbúin til afhendingar eigi síða,r en í ágúst n. k. Verðið
er mjög lágt. — Lysthafendur skrifi eða sími sem fyrst til
Prentsmíðjunnar Acta,
Mjóstræti 6, Reykjavík. — Pósthólf 552. — Talsími 948.
Frá Landsbankanum.
Landsbankanum berast iðulega til innheimtu frá útlöndum víxlar
og ávísanir á einstaka menn og firmu hér á landi, án þess að greið-
endur hafi sarnið áður við bankann um greiðslurnar.
Til þess að komist verði hjá óþörfum óþægindum, tilkynnist hér.
með, að Landsbankinn mun tafarlaust endursenda slíkar innheimtur,
nema hlutaðeigendur haíi fyrirfram samið við bankann um greiðslu
þeirra.
Reykjavík, 27. maí 1921.
Landsbanki Islands.
Saltílskstollurinn
á Spáni.
Verslunarsamningurinn milli
Danmerkur — af hálfu íslands —
og Spánar gekk úr gildi 20. mars
síðastliðinn og mun hafa staðið í
fimm ár. þriggja mánaða frestur
var gefinn til þess að endumýja
samninginn og munu samningar
nú standa yfir og á að ljúka þeim
fyrir 20. júní næstkomandi.
það ræður að líkindum að það
skiftir ísland afarmiklu hvernig
þessir samningar takast, þar eð
Spánn er það land sem kaupir
langsamlega mest af fiski okkar.
þessi fimm ár sem samningur-
inn stóð var innflutningstollur á
íslenskum saltfiski til Spánar 24
pesetar á 100 kg. í krónutali er
þetta dálítið mishátt, eftir gengi
spönsku myntarinnar, en mun
láta nærri nú að sé um 30 kr. á
skippundið.
Spánverjar eru nú að endur-
skoða skattalöggjöf sína. Er því
vitanlega eins varið þar í.landi
sem annarsstaðar, að ríkið þarfn-
ast þess mjþg að auka tekjur sín-
ar. Hækkun á saltfisktollinum
hefir því mjög komið til umræðu.
Samkvæmt skeytum sem hing-
að hafa borist frá utanríkisráðu-
neytinu í Kaupmannahöfn hafa
Spánverjar nú hækkað tollinn á ís-
lenskum saltfiski um 50%, úr 24
pesetum, í 86 peseta fyrir 100 kg.
Hækkun þessi gildir til 20. júní,
þ. e. þangað til hinn nýi samning-
ur á að ganga í gildi.
Norskur saltfiskur hefir hingað
til verið tollaður eins og íslenskur.
En samkvæmt þeim fregnum sem
borist hafa, hefir tollurinn á
norska saltfiskinum verið hækkað-
ur miklu meira, þ. e. úr 24 peset-
um í 72 peseta fyrir 100 kg. Með
öðrum orðum: tollurinn sé helm-
ingi hærri á norskum en íslensk-
um saltfiski. Lítur og svo út sem
fullkomið tollstríð sé hafið milli
Noregs og Spánar.
Aðalatriðið fyrir okkur í þessu
máli er vitanleba ekki þessi bráða-
'birgðahækkun til 20. júní, heldur
hitt, hvernig fara muni um end-
anlega samninga milli Spánverja
og Norðmanna, sem eru aðalkeppi-
nautar okkar á spánska markaðin-
um, og hvernig fara muni um
hina endanlegu samninga milli
okkar og Spáverja hinn 20. júní.
Um það verður ekkert sagt með
vissu, en hitt mun óhætt að segja,
að fyrirfram er engin ástæða til
að óttast óbilgirni af hálfu Spán-
verja í okkar garð. Hafa þau orð
fallir af kunnugra manna hálfu
sem nýlega hafa verið á Spáni.
Og einkum síðari árin hefir ís-
lenskur salsfiskur vaxið mjög í á-
liti á Spáni og er nú viðurkendur
besta varan, vara sem Spánverjar
megi alls ekki án vera.
Ætti því að vera hin besta von
um það, áð þeim stjórnarvöldum
sem semja af íslands hálfu, tak-
ist að komast að heppilegum samn-
ingum fyrir báða málsaðila.
----o----
Fréttir.
Prestskosning. Halldór Kolbeins
cand. theol., sonur síra Eyjólfs
heitins Kolbeins á Melstað, hefir
verið kosinn prestur í Flatey á
Breiðafirði með 133 atkvæðum og
var kosningin lögmæt. Halldór er
einkum kunnur af ágætri starf-
semi fyrir bindindis og bannmálið.
Flutningsgjöldin. Eimskipafélag
íslands landssjóðsskipin og síð-
ast Sameinaða félagið hafa aug-
lýst lækkun flutningsgjalda um
10% milli íslands og Kaupmanna-
hafnar og 20% milli íslands og
Skotlands.
tír sáttmálasjóði hefir háskóla-
ráðið veitt þessar fjárhæðir: 2500
kr. til útgáfu 2. bindis af riti dr.
Páls E. Ólasonar: Menn og mentir
siðaskiftingaaldarinnar; 2000 kr.
til Guðm. G. Bárðarsonar til jarð-
fræðirannsókna; 1000 kr. til út-
gáfu frumnorænnar málfræði eft-
ir Alexander Jóhannesson; 1200
kr. til vísindafélagsins til útgáfu
rits eftir Guðm. G. Bárðarson um
fornar sævarmenjar; 1000 kr. til
próf. Guðm. Hannessonar til utan-
farar til þess að kynna sér aðferð-
ir við mannamælingar; 500 kr. til
Jóh. Sigfússonar skólakennara til
þess að safna til íslenskrar skóla-
sögu. — Utanfararstyrk fengu
þessir kandídatar: Láms. Jóhann-
esson cand. juris., Kjartan Ólafs-
son og Helgi Skúlason cand. med.,
Hálfdán J. Helgason og Sigurjón
Árnason cand. theol.
Látinn er á Akureyri Valdimar
Thorarensen málaflutningsmaður.
Kosningar í þinglokin fóru á
þessa leið: Framkvæmdastjóri
Söfnunarsjóðs íslands síra Vilhj.
Briem og gæslustjóri Kl. Jónsson
fyrv. landritari. Endurskoðunar-
menn landsreikninganna endur-
kosnir: síra Kristinn Daníelsson,
Jörandur Brynjólfsson og Matth.
Ólafsson. Verðlaunanefnd gjafa-
sjóðs Jóns Sigurðssonar: Jón þor-
kelsson, Sigurður Nordal og Hann-
es þorsteinsson. Yfirskoðunar-
maður Landsbankans: Guðjón
Guðlaugsson og bankaráðsmaður
íslandsbanka Bjarni Jónsson frá
Vogi, báðir endurkosnir. Forseti
þjóðvinafélagsins var kosinn Páll
E. Ólason, þar eð Benedikt Sveins-
son skoraðist undan endurkosn-
ingu.
þingstörfin. 1 þinglokin lásu for-
setar yfirlit yfir þingstörfin. 1
neðri deild voru haldnir 77 fundir
og 133 mál hafði deildin til með-
ferðar, 106 lagafrumvöi’p, 25
þingsályktunartillögur og 2 fyrir-
spurnir. í efri deild voru haldnir
79 fundir og 97 mál hafði deildin
til meðferðar, 88 frumvörp og 9
þingsályktunartillögur. f samein-
uðu alþingi voru haldnir fjórir
fundir. Alls voru lögð fyrir þing-
ið 49 stj órnarfrumvörp og 64 þing-
mannafrumvörp, alls 113 og varð
71 þeirra að lögum, 35 stjórnar-
frv. og 36 þingmannafrv. þrem
frv. var vísað frá með rökstuddri
dagskrá, en 11 stjórnfrv. og 18
þingmannafrv. urðu ekki útrædd.
Merkust hinna óútræddu mála eru
vatnamálin og mentamálin. —
þingið er næstlengsta þing sem
háð hefir verið, stóð í 96 daga.
Fjármálaráðherra sleit þinginu,
þar eð forsætisráðherra var þá
farinn utan.
þingmenn fóru flestir úr bæn-
um daginn eftir þingslit.
Sigurgeir Friðriksson bóndi á
Skógarseli í Suður-þingeyjarsýslu
kom úr utanför nýlega, stóð stutt
við í bænum og hvarf heim á leið
með þingmönnum. Hann hefir
dvalist lengst af í Kaupmanna-
höfn í vetur, stundað þar nám við
nýstofnaðan bókavarðaskóla, og
lolcið með ágætu lofi.
Embætti. ísafjarðarsýsla er aug-
lýst laus og er umsóknarfrestur til
1. júlí. — I Kálfholtsprestakalli
fór kosning á þá leið að síra
Tryggvi Kvaran á Mælifelli fékk
83 atkvæði, en 94 vildu heldur
hlíta þjónustu nágrannapresta. Er
því prestakallið auglýst á ný.
Morgunblaðið og Lögrétta, Full-
yrt er nú að það sé satt að þor-
steinn Gíslason gangi á mála hjá
Morgunblaðseigendunum og geri
við þá félagsbú um að taka Lög-
réttu með.
Inflúensan.* Á þriðja hundrað
manns lá í einu á Séýðisfirði er
veikin var útbreiddust, en nú er
hún mjög rénuð og hefir ekki
reynst skæð.
•
-----o----
Sálmabókín | Passínsálmar
Lækkað verð:
Sálmabókin gylt í sniðum .... áður kr. 22,00 nix kr. 18,00
Sama ................. — — 15,00 — — 12,00
*
Passíusálmar í skinnbandi:
gyltir í sniðum.... — — 12,00 — — 10,00
sömu í shirtingsbandi . . . . — — 7,50 — — 5,00
Verð þetta gildir frá 1. jiiní 1921.
Ódýrarí útgáfur af Sálmabók og Passíusálmum verða gefnar út
bráðlega, eða þegar um hægist.
r
Isafoldarprentsmiðja h.f.
Bóksalar.
»Sex sönglö g«:
Loftur Guðmundsson.
Fást hjá oss undirrituðum.
Ennfremur höfum vér í • næsta
mánuði
eftir sama höfund.
Vilhelm Hansen
Musik-Forlag, Gothersgade 9—11
Köbenhavn.
Reiðtýgi, erflðis- og lystivagns-
aktýgi og allt tilh.; tjöld, vagna-
og fiskyfirbreiðslur, keyrsluteppi
o. fl. Ýmsar járnvörur, s.s. ístöð,
beislisstangir, taumalásar, keyri
0g nýsilfursstangir, mjög vand-
.aðar. — Áreiðanlega stærsta,
fjölbreyttasta, besta og ódýrasta
úrval á öllu landinu. — Stærri
og smærri viðgerðir á aktýgjum og reiðtýgjum afgreiddar með mjög
stuttum fyrirvara. Fyrsta fiokks efni og vinna.
Pantanir afgreiddar hvert á íand sem er.
Söðlasmíðabúðin S1 e i p n i r.
Eggert Kristjánsson.
Ágæt fóðursíld til sölu!
Með Sterling fékk eg frá Siglufirði 2000 tunnur af ágætis síld,
þar sem meiri parturinn er sorteraður í haust s. 1. og ætlað fyrir
amerískan markað; síldin var metin að nýju, pakkað í ,,.100 kg. pr.
tunnu og talið í þær. Tunnurnar eru vel bentar og í góðu standi;
verður síldin geymd hér í Reykjavík á góðum stað, vel varin fyrir
hita. — Allar nánari upplýsingar á skrifstofunni í
»Líverpool«.
Th. Thorsteinsson.
Ritstjóri: Tryggvi Þórhallsson Laufási.
Sími 91.
Prentsmiðjan Acta.
■ ■
Onnur sex sönglög'
ic!eaer ■

Lcffm*

i