Morgunblaðið - 25.10.1983, Page 1
48 SÍÐUR MEÐ 8 SÍÐNA ÍÞRÓTTABLAÐI
244. tbl. 70. árg.
ÞRIÐJUDAGUR 25. OKTÓBER 1983
Prentsmiöja Morgunblaðsins
Bandaríkjamenn og Frakkar halda fast við sinn keip í Líbanon:
Mitterrand
Óvænt heimsókn Mitterrand til Beirut
Washington og Beirut, 24. október. AP.
„MENN okkar munu verða áfram í Líbanon þar tii friði hefur verið
komið á,“ sagði Reagan Bandaríkjaforseti um leið og hann tilkynnti
síðdegis, að engin breyting yrði á afstöðu Bandaríkjastjórnar til
mála í Líbanon þrátt fyrir morðin á bandarísku gæsluliðunum í
Beirut í gærmorgun. Þá bárust þær fregnir frá Frakklandi seint í
kvöld, að Frakkar hygðust hafa gæsluliða sína áfram í Líbanon og
jafnvel fjölga í liði sínu.
Yfirlýsing Reagans var birt
skömmu eftir að rúmlega 150
gæsluliðar voru sendir til Líbanon
til að fylla í það skarð, sem mynd-
aðist við morðin á 186 bandarísk-
um og 23 frönskum gæsluliðum í
tveimur sprengingum í gærmorg-
un. Þá hafa 75 særðir bandarískir
gæsluliðar verið fluttir á sjúkra-
hús utan Líbanons. Auk gæslulið-
anna 150, sem sendir voru til
landsins í dag, er von á fleirum á
næstunni.
Stöðugt var unnið að björgun-
arstörfum í dag, en litlar vonir
voru taldar til þess að fleiri fynd-
ust á lífi. Nokkurra tuga manna er
enn saknað. í þeim hópi eru ein-
hverjir óbreyttir líbanskir borgar-
ar.
Ekki hefur enn verið sannað
hverjir stóðu að baki sprengingun-
um, en óstaðfestar fregnir
hermdu, að hópur, sem nefndi sig
„Byltingarhreyfingu Múhameðs"
hefði lýst ábyrgð á hendur sér.
Ásakanir nærliggjandi ríkja
gengu á víxl í dag, en PLO, Sýr-
lendingar og Iranir þvoðu allir
hendur sínar af sprengingunum.
Caspar Weinberger, varnar-
málaráðherra Bandaríkjanna,
sagði á hinn bóginn í dag, að „flest
sönnunargögn bentu til þess að ír-
anir hefðu verið þarna á ferð“.
Jafnframt sagði Weinberger, að
hann gæti alls ekki útilokað, að
rekja mætti sprengingarnar til
Sovétmanna og leppríkja þeirra.
Þá sagði talsmaður bandarísku
nefndarinnar, sem rannsakar
sprengingarnar, að „áþreifanlegar
sannanir" lægju fyrir um aðild ír-
ana. íranir stóðu að baki spreng-
ingu í bandaríska sendiráðinu í
Beirut í apríl, þar sem á sjöunda
tug manna lét lífið.
Francois Mitterrand, Frakk-
landsforseti, hélt heim á leið síð-
degis eftir 7 klukkustunda óvænta
heimsókn til Beirut, þar sem hann
kynnti sér ástandið eftir spreng-
ingarnar. Varnarmálaráðherra
landsins, Charles Hernu, flaug til
landsins strax á sunnudag. Mitt-
errand vildi ekkert láta hafa eftir
sér um heimsóknina.
Sjá nánari fréttir á bls. 18—19.
Engin steftiubreyting
þrátt fyrir mannfallið
í Líbanon
Francois Mitterrand, Frakk-
landsforseti, kom í gærmorgun í
óvænta heimsókn til Líbanon.
Skoðaði hann verksummerki eftir
sprengingarnar á sunnudags-
morgun og fundaði með yfirmanni
franska friðargæsluliðsins svo og
Gemayel, forseta Líbanon.
Símamynd AP.
Fæstir
heyrðu
ræðuna
New York og víðar, 24. október.
LÖGREGLA handtók hundruð
manna í New York í dag, þar sem
efnt var til mótmæla gegn kjarn-
orkuvopnum. Mómælin voru nokk-
uð fjölmenn, en fóru að mestu leyti
friðsamlega fram.
Frá Osló bárust þær fregnir í
kvöld, að um 20.000 manns hefðu
efnt til mótmælagöngu á degi
Sameinuðu þjóðanna undir yfir-
skriftinni „Nei til atomvápen".
Gangan sjálf þótti heppnast vel,
en öðru máli gegndi um mót-
mælafundinn í göngulok. Þar
brást hátalarakerfið gersam-
lega, þannig að aðeins nokkur
hundruð manns gátu hlýtt á
boðskapinn.
Fregnir bárust af mótmælum
víða um heim í dag og fylgdu þau
í kjölfar fjölmennra aðgerða
friðarsamtaka um alla Evrópu
um helgina. Talið er að hálf önn-
ur milljón manna hafi tekið þátt
í aðgerðunum.
Dæmigerð mynd frá kjarnorkumótmælum. Mótmælandi borinn burtu af
lögreglu í Stuttgart í V-Þýskalandi. Símamynd AP.
Rússar fjölga
flaugum sínum
Moskvu, 24. október. AP.
SOVÉSKA varnarmálaráðuncytið
skýrði frá því í dag, að samkomulag
hefði náðst við hlutaðeigandi stjórn-
völd um að hefja undirbúning fyrir
staðsetningu nýrra eldflauga í
Tékkóslóvakíu og Austur-Þýska-
landi. Kom þetta fram í frétt frá
sovésku fréttastofunni Tass.
Sagði jafnframt, að þetta væri
svar Varsjárbandalagsríkjanna
við fyrirhugaðri staðsetningu 572
meðaldrægra eldflauga NATO-
ríkjanna í Vestur-Evrópu. Hins
vegar er ekki vitað hvort umrædd-
ar eldflaugar eru af gerðinni SS-20
eða SS-21. Þær fyrrnefndu eru
mun langdrægari.
Búist hefur verið við þessum
viðbrögðum Varsj árbandalagsríkj -
anna um nokkurt skeið, en frétt
Tass í dag er fyrsta staðfestingin á
því að þau muni halda fast við sinn
keip. Haft var eftir háttsettum
sovéskum embættismanni í þýska
tímaritinu Der Spiegel í gær, að
áætlanir NATO-ríkjanna um nýjar
eldflaugar myndu beina vígbúnað-
arkapphlaupinu inn á nýjar braut-
ir.
Frétt Tass kom á sama tíma og
Gustav Husak, leiðtogi tékkneska
kommúnistaflokksins, og Erich
Honecker, starfsbróðir hans í
A-Þýskalandi, hittust á fundi í
Prag. Ræddu þeir um fyrirhugaða
staðsetningu sovésku flauganna.
Afstýrðu
kosningum
Kaupmannahöfn, 24. október. AP.
Minnihlutastjórn Paul Schliiter
tókst að afstýra þingkosningum á ell-
eftu stundu í dag, er samkomulag
náðist á milli stjórnarflokkanna um
efnahagsaðgerðir.
Samkomulagið leiðir það m.a. af
sér, að í fyrsta sinn í tvo áratugi
mun halli á ríkissjóði verða minni
en árið á undan. Eftir mikið samn-
ingsþóf varð forsætisráðherrann að
gefa talsvert eftir og sætta sig við
áætlun, sem miðar að 8 milljarða
danskra króna minni halla á næsta
ári.