Morgunblaðið - 25.10.1983, Blaðsíða 45

MORGUNBLAÐIÐ, ÞRIÐJUDAGUR 25. OKTÓBER 1983
45
„Þegar öll þessi friðarsamtök kvenna flykktust saman hér í miðbæ Reykjavíkur, fannst mér þetta vera eitt
allsherjar hræðslubandalag, allri íslensku kvenþjóðinni til skammar."
Allir þessir friðarvindar
blása aðeins um vesturveldin
— þar sem þeir eru frjálsir
9132-1521 skrifar:
„Kæri Velvakandi.
Ég get nú ekki lengur orða
bundist út af öllum þessum frið-
arhreyfingum, sem spretta upp
eins og gorkúlur á fjóshaug. Meira
að segja „guðs eigin gaukar" (sum-
ir kirkjunnar þjónar) gala með af
fullum krafti og nota jafnvel (mis-
nota) til þess prédikunarstólana
sína. Reyna þeir að fela sig á bak
við boðskap kristinnar trúar og
rugla saman annars vegar heimil-
isfriði hér uppi á íslandi og trausti
milli einstaklinga og hópa, og hins
vegar geigvænlegum vígbúnaði í
heiminum. Ef þetta er ekki að
villa á sér heimildir, þá er það að
minnsta kosti algjör barnaskapur.
Manni koma í hug úlfarnir í
sauðargærunum. Á heimsþingi
Alkirkjuráðsins sungu margir
hinna vestrænu fulltrúa í sama
dúr (eða þögðu) og þeir austrænu,
sem auðvitað hefðu alls ekki feng-
ið fararleyfi, nema tryggt væri, að
þeirra söngur væri f hinum eina
hreina tón (kommúnismans).
Þá eru það öll þessi friðarsam-
tök kvenna. Ég vil spyrja þessar
blessaðar friðardúfur, hvort þær
hefðu talið heppilegra, ef þær
hefðu staðið í sporum kvennanna í
Vestmannaeyjum fyrir Tyrkja-
ránið 1627, að reyna að efla varnir
eyjanna, eða að labba með ein-
hverjar friðardulur og pappa-
spjöld fram og til baka um eyjarn-
ar. Ætli Tyrkirnir hefðu ekki
nauðgað þeim, drepið og limlest
börn og gamalmenni og rænt fólki,
jafnt þótt þeir hefðu haft spurnir
af dulunum og spjöldunum?
Staðreyndin er sú, hvort sem
flet.t er upp í sögu íslands eða ann-
arra landa, að þeir, sem vilja ráð-
ast á aðra og síðan drottna yfir
þeim og kúga þá, ráðast helst á
garðinn þar sem hann er lægstur.
Þess vegna er nauðsynlegt að
lækka hann eins og mögulegt er
fyrirfram, og helst að gera hann
svo lágan, að hægt sé að ganga
yfir hann fyrirhafnarlítið og án
þess að eyðileggja allt innangarðs.
Allt þetta friðarvæl miðar að
þvi að lækka varnargarð Vestur-
veldanna, hvort sem menn skilja
það eða ekki. Þegar öll þessi frið-
arsamtök kvenna flykktust saman
hér í miðbæ Reykjavíkur, fannst
mér þetta vera eitt allsherjar
hræðslubandalag, allri íslensku
kvenþjóðinni til skammar. (Ég er
kvenmaður). Enda áhrifin senni-
lega helst sú að gera börn og ungl-
inga, og jafnvel fleiri, að tauga-
veikluðum aumingjum. Vonandi
samt ekki stjórnmálamennina
okkar. Tilgangurinn mun þó helst
vera sá að reyna að hafa áhrif á
þá.
Allir þessir friðarvindar blása
aðeins um Vesturveldin, þar sem
þeir eru frjálsir. Austantjalds eru
þeir ófrjálsir, eins og flest annað.
Samt áttu þeir upptök sín í hug-
myndafræðihausum Ráðstjórnar-
ríkjanna fyrir nokkrum árum síð-
an, samkvæmt áreiðanlegum
heimildum."
Skrifið eða
hringið til
Velvakanda
Velvakandi hvetur les-
endur til að skrifa þætt-
inum um hvaðeina, sem
hugur þeirra stendur til
— eða hringja milli kl.
11 og 12, mánudaga til
föstudaga, ef þeir koma
því ekki við að skrifa.
Meðal efnis, sem vel er
þegið, eru ábendingar og
orðaskipti, fyrirspurnir
og frásagnir, auk pistla
og stuttra greina. Bréf
þurfa ekki að vera vélrit-
uð, en nöfn, nafnnúmer
og heimilisföng verða að
fylgja öllu efni til þátt-
arins, þó að höfundar
óski nafnleyndar.
Sérstaklega þykir
ástæða til að beina því
til lesenda blaðsins utan
höfuðborgarsvæðisins,
að þeir láti sinn hlut
ekki eftir liggja hér í
dálkunum.
Skábrautir viö kirkju Óháða safnaðarins
Á fóstudaginn var (21. okt.) birtist hér í dálkunum þakkarbréf frá Þorbjörgu
Sigurðardóttur, þar sem hún lofaði það framtak kvenfélags Óháða safnaðar-
ins að koma upp skábrautum fyrir hjólastóla að kirkju sinni, svo og úr kirkju
í veitingasal. Varð Velvakanda það hins vegar á í messunni að birta mynd af
brautum þessum hálfgerðum, en þar sem til var önnur nýrri, er ekki nema
sjálfsagt að leiðrétta mistökin.
GÆTUM TUNGUNNAR
Sagt var: Á morgun verður heldur enginn fundur.
Betra væri: Á morgun verður ekki heldur neinn fund-
ur.
Geröu þaö
sjálfur
SPOi
eik, fu
mahoj
40, 50
og 2‘.
Efni: Álafoss — Tweed
^ m . _ _