Morgunblaðið - 08.04.1994, Blaðsíða 1

88 SIÐURB/C
78. tbl. 82. árg.
FÖSTUDAGUR 8. APRÍL 1994
Prentsmiðja Morgunblaðsins
Líkur á stjórnarmyndun á Italíu aukast
Ovæntar viðræður
milli Finis og Bossis
Rómaborg. Reuter.
UMBERTO Bossi, leiðtogi Norðursambandsins á ítaliu, ræddi í gær
við Gianfranco Fini, leiðtoga nýfasista, og fundurinn er talinn auka
líkur á að hægriflokkarnir þrír geti myndað stjórn.
Reuter
„Þetta voru jákvæðar viðræður,"
sagði Fini eftir þennan óvænta fund
sem stóð í um klukkustund. Þetta
er í fyrsta sinn sem Bossi og Fini
koma saman eftir þingkosningarn-
ar þar sem bandalag þeirra og
flokks fjölmiðlajöfursins Silvios
Berlusconis fékk meirihluta í neðri
deild þingsins. Fundurinn markar
tímamót í samskiptum flokkanna,
sem hafa deilt hart að undanförnu,
og Berlusconi sagði í gær, að hann
væri viss um, að flokkarnir kæmu
sér saman um stjórn.
Fini sagði að fundurinn í gær
hefði aðallega snúist um kröfu
Bossis um að Ítalía yrði að sam-
bandsríki. Þegar hann var spurður
hvort Bossi hefði látið af andstöðu
Sprengingar í Zagreb
GÍFURLEGAR sprengingar urðu í sprengiefna- og skotfærageymslu í Zagreb, höfuðborg Króatíu, í
gær eftir að eldur hafði komið upp í henni. Lagði mikinn reykjarmökk yfir borgina og sprungnum
skothylkjum og öðru rusli rigndi yfir hana í mörg hundruð metra fjarlægð frá geymslunni.
Frönsk stjórnvöld vilja beita Sarajevo-aðferðinni annars staðar í Bosníu
Styðja loftárásir á umsát-
urslið Serba við Gorazde
París, Sarajevo. Reuter.
FRANSKA sljórnin hvatti til þess í gær, að
árásir Serba á borgina Gorazde, eitt af griða-
svæðum múslima í Bosníu, yrðu stöðvaðar
og sagði, að friðargæslulið Sameinuðu þjóð-
anna væri í fullum rétti að beita loftárásum.
Serbar héldu uppi mikilli sprengjuhríð á
borgina í allan gærdag þrátt fyrir yfirlýsing-
ar um að þeim yrði hætt, en í gær ætluðu
fulltrúar þeirra og múslima að koma saman
til að ræða allsheijarvopnahlé í Bosníu. Fund-
inum var hins vegar frestað og verður hugs-
anlega í dag.
Öryggisráð Sameinuðu þjóðanna krafðist þess
í fyrrakvöld, að Serbar hættu árásum sínum á
Gorazde og var því heitið í viðræðum, sem full-
trúar þeirra áttu við yfirmann friðargæsluliðs
SÞ í Bosníu, Sir Michael Rose. Ekkert lát varð
þó á stórskotaliðsárásum á borgina í gær og
hafa 67 fallið og á fjórða hundrað særst síðustu
10 daga.
Franska stjórnin lét fara frá sér mjög harð-
orða yfirlýsingu í gær þar sem hún krafðist
þess, að árásir Serba á Gorazde yrðu stöðvaðar
með loftárásum ef með þyrfti. Sagði talsmaður
franska utanríkisráðuneytisins, Richard Duque,
að SÞ og yfirmenn friðargæsluliðsins hefðu fulla
Svíar ákveða að skilja
sundur ríki og kirkju
Kaupmannahöfn. Frá Sigrúnu Davíðsdóttur, fréttaritara Morgnnblaðsins.
EFTIR margra ára umræður hefur verið ákveðið að aðskilja ríki
og kirkju í Svíþjóð og leggja þar með þjóðkirkjuna niður. Frum-
varp um þetta efni liggur nú fyrir þinginu. Áætlað er að aðskilnað-
urinn verði að staðreynd 1. janúar árið 2000 en hann mun meðal
annars hafa í för með sér að börn verða ekki sjálfkrafa skráð í
þjóðkirkjuna, heldur verður það á valdi foreldra. Um leið munu
allir verða skyldaðir til að greiða árlegt greftrunargjald og í
gildi ganga nýjar reglur fyrir önnur trúfélög.
Samkvæmt frumvarpi um að-
skilnað ríkis og kirkju er ekki gert
ráð fyrir að kirkjan geti innheimt
kirkjugjald eins og hefur verið
hingað til. Hins vegar verður hægt
að fela skattyfirvöldum að inn-
heimta gjald af þeim, sem látið
hafa skrá sig í kirkjuna. Breyting-
in hefur einnig í för með sér að
kirkjan mun sjálf fara með eigin
eignir. Þar sem kirkjan sér um
varðveislu og viðhald menningar-
sögulegra minja mun ríkið leggja
henni til sem samsvarar fjórum
milljörðum íslenskra króna til að
mæta þessum kostnaði.
Hingað til hefur konungsfjöl-
skyldan verið skylduð til að trúa
á Guð en með nýju skipaninni
heyrir kirkjan ekki lengur undir
konung, sem þar með þarf heldur
ekki að viðurkenna trú sína opin-
berlega eða tilheyra kirkjunni.
Sænska kirkjan verður eftir sem
áður evangelísk-lútersk kirkja.
Við aðskilnaðinn er ætlunin að
þeir, sem þegar eru í þjóðkirkj-
unni, verði skráðir í hana áfram
en nýfædd börn þarf að skrá sér-
staklega. Hingað til hafa þau ver-
ið skráð sjálfkrafa þótt hver og
einn hafi síðan getað sagt sig úr
þjóðkirkjunni.
Lego-
land í
London
KJELD Kirk
Kristansen, for-
seti Lego-fyrir-
tækisins í Dan-
mörku, er hér
með nokkur
legohús í nýju
Legolandi, sem
opnað hefur ver-
ið í London þar
sem verið hefur
ljóna- og dýra-
garður við
Windsor. Er
hann með reku
um öxl en hann
vígði staðinn
með því að koma
þar fyrir 30 feta
háu eikartré.
sinni við stjórnarsamstarf með ný-
fasistum svaraði hann: „Ég tel að
sá vandi hafi verið leystur."
Roberto Maroni, leiðtogi Norður-
sambandsins í neðri deildinni, sagði
að flokkurinn væri jafnvel reiðubú-
inn að fallast á að Berlusconi yrði
forsætisráðherra næstu stjórnar ef
eitt af höfuðmarkmiðum hennar
yrði að koma á sambandsríki á Ital-
iu.
heimild til að kalla til orrustu- og sprengjuþotur
Atlantshafsbandalagsins, NATO. Neýða ætti
Serba til að fallast á sams konar vopnahlé í
Gorazde og í Sarajevo, sem hefði því aðeins
orðið að veruleika, að NATO hótaði loftárásum.
Nokkrar vonir voru bundnar við fund, sem
átti að vera í gær með fulltrúum Serba og músl-
ima um allsherjarvopnahlé í Bosníu, en honum
var frestað. Var hugsanlegt talið, að af honum
yrði í dag og múslimar lýstu í gær einhliða yfir
sólarhringsvopnahléi til að greiða fyrir því, að
fundurinn yrði haldinn.
Hagvöxtur
í A-Evrópu
Genf. Reuter.
HORFUR eru á, að lands-
framleiðsla í Austur-Evrópu-
ríkjunum aukist um eitt pró-
sent samtals á þessu ári, sem
yrði þá fyrsta hagvaxtarárið
frá hruni kommúnismans.
Kemur þetta fram í spá efna-
hagsmálanefndar Samein-
uðu þjóðanna fyrir Evrópu.
Á síðasta ári dróst lands-
framleiðsla Austur-Evrópuríkj-
anna saman um 3%, um helm-
ingi meira 1992, en nú er gert
ráð fyrir að hún aukist. Mestur
verður hagvöxturinn í Póllandi,
um 4%, en 2,5% í Slóveníu og
Tékklandi. Talið er, að Ung-
verjaland og Rúmenía verði í
kringum núllið en samdrættin-
um er ekki lokið í Búlgaríu og
Slóvakíu. Þótt samanlagður
hagvöxtur í A-Evrópuríkjunum
verði ekki mikill á árinu er þó
um að ræða mjög mikilvæg
umskipti frá þróuninni á síð-
ustu árum en helstu vandamál-
in í efnahagslífinu þar eru verð-
bólga og, fjárlagahalli.