Morgunblaðið - 28.07.2002, Blaðsíða 30
SKOÐUN
30 SUNNUDAGUR 28. JÚLÍ 2002 MORGUNBLAÐIÐ
Á NÝLIÐNU kjörtímabili hefur
Sjálfstæðisflokki og Framsóknar-
flokki tekist að einsetja alla grunn-
skóla Hafnarfjarðar fyrir utan
Hvaleyrarskóla sem kemur til með
að hafa 5 bekki eftir hádegi næsta
vetur.
Í skilgreiningu á einsetnum
grunnskóla á grundvelli 27. gr.
grunnskólalaga segir eftirfarandi:
„Allir nemendur geta hafið nám í
skólanum á sama tíma að morgni.“
Um 20.000 fm af grunnskólahús-
næði hafa verið byggðir eða endur-
nýjaðir á kjörtímabilinu.
Ótalin er uppbygging leikskóla,
sem var sambærilegt átak á kjör-
tímabilinu.
Enginn grunnskóli
einsetinn vorið 1998
Þegar Sjálfstæðisflokkur og
Framsóknarflokkur komust í meiri-
hluta árið 1998 var enginn grunn-
skóli í Hafnarfirði einsetinn, 6
grunnskólar tvísetnir og þar af tveir
við það að vera þrísetnir. Á sama
tíma voru nágrannasveitarfélög ým-
ist búin eða langt komin að einsetja
sína grunnskóla. Hafnarfjarðarbær
kom þá næst á eftir Reykjavík hvað
nemendafjölda snerti. Fulltrúar
Sjálfstæðisflokks og Framsóknar-
flokks beittu sér fyrir byggingu var-
anlegs húsnæðis á kjörtímabilinu.
Byggt var við þrjá grunnskóla (Öl-
dutúnssk. Engidalssk. og Set-
bergssk.) og framkvæmdir við aðra
grunnskóla samtals að upphæð yfir
1.500 milljónir. Nýr skóli í Áslandi
byggður og nýr Lækjarskóli í bygg-
ingu og verður fyrsti áfangi Lækjar-
skóla (11 heimastofur) tekinn í notk-
un haustið 2002 um leið og seinni
áfangi Áslandsskóla verður afhent-
ur. Báðir nýju skólarnir voru byggð-
ir í einkaframkvæmd. Samtals 12–
13.000 fm. Einkaframkvæmd felur
það í sér að Hafnarfjarðarbær leigir
húnæðið af verktaka sem er eigandi.
Leigan fyrir þessa tvo skóla þegar
þeir eru fullbúnir er að meðaltali um
1.800 kr. á fermetra á mánuði (mið-
að við neysluverðsvísitölu ág. 2001).
Innifalið í leigunni, er húsnæðið, all-
ur laus búnaður s.s.húsgögn samkv.
ströngustu kröfum, rekstur hús-
næðis ásamt þrifum, fullbúin skóla-
lóð og viðhald til 25 ára.
Möguleiki á einsetningu
Á fundi skólanefndar hinn 18.4. sl.
var samþykkt samhljóða í skóla-
nefnd breyting á útdeilingu fjár-
magns til grunnskólanna. Þetta er
sambærilegt og kerfi fræðsluráðs
Reykjavíkur, nema ívið hagstæðara
fyrir grunnskóla Hafnarfjarðar.
Samkvæmt nýju kerfi
verður aukning á
heildarstöðugildum í
grunnskólum Hafnar-
fjarðar.
Nýtt kerfi breyttist
úr því að vera tengt
bekkjarfjölda í það að
vera nemendatengt.
Það gefur stjórnend-
um skóla möguleika á
því að hagræða í
bekkjum. Á fundi
skólanefndar hinn
16.5. segir: eftirfar-
andi: „Skólanefnd ósk-
ar eftir fyrstu áætlun
skólanna um bekkjar-
skiptingu næsta skóla-
ár eftir nýju úthlutunarkerfi fyrir 1.
júní nk. skólanefnd beinir því til
skólastjóra þeirra skóla sem ekki
eru einsetnir að þeir leitist við að
komast sem næst einsetningu við
skipulagninguna.“ Skólanefnd hafði
þegar fengið undirskriftarlista frá
foreldrum 6 ára barna í Setbergs-
hverfi þar sem því var mótmælt að
allir 6 ára bekkir yrðu eftir hádegi.
Þegar tölur um fjölda nemenda birt-
ust í lok maímánaðar, kom í ljós að
ef bætt væri við lausum kennslu-
stofum, þ.e. þremur við Setbergs-
skóla og einni við Víðistaðaskóla og
einni við Hvaleyrarskóla, næðist að
einsetja alla grunnskóla í Hafnar-
firði haustið 2002 fyrir utan Hval-
eyrarskóla eins og áður er getið.
Það er því blekking sem nýr
meirihluti heldur fram að slegið hafi
verið af gæðakröfum þó nota þurfi
lausar kennslustofur um tíma þar til
varanlegri uppbyggingu grunnskól-
anna er lokið.
Rangar áherslur
Með byggingu nýs grunnskóla í
Setbergshverfi sem síðar á að verða
leikskóli samkvæmt tillögum nýs
meirihluta er að mínu
mati peningum kastað
á glæ. Nemendafjöldi í
Setbergshverfi hefur
þegar náð hámarki en
samkvæmt fæðingar-
tölum verður fækkun
barna í hverfinu á
næstu árum.
Á umliðnu kjörtíma-
bili hefur tvívegis verið
byggt við Setbergs-
skóla, eða samtals
1.330 fm og 720 fm
breyting á eldra hús-
næði ásamt viðbót við
skólalóð og bílastæði.
Mikilvægara er að nýta
fjármagnið í að ljúka
einsetningu Hvaleyrarskóla, og
hefja fyrirhugaðar framkvæmdir
við Víðistaðaskóla.
Geta valið grunnskóla
Í skólanefnd í maí er ítrekað að
foreldarar grunnskólabarna í Hafn-
arfirði hafi frjálst val um það hvaða
grunnskóla í Hafnarfirði þeir velja
fyrir börn sín svo framarlega að
skólastjórnendur viðkomandi skóla
geti tekið við þeim. Nemendur hafa
alltaf forgang í sinn hverfisskóla. Í
dag eru um 300 börn í Hafnarfirði
sem ekki eru í sínum hverfisskóla.
Fráfarandi skólanefnd hefur lagt
áherslu á að færa valdið meira út til
stjórnenda skólanna, og næsta skref
í þeim málum var að gera þjónustu-
samninga við stjórnendur. Núver-
andi valdhafar vilja kannski sjálfir
stjórna þeim málum eins og skilja
mátti á fyrsta fundi bæjarstjórnar
þegar fulltrúar nýs meirihluta tóku
við stjórnun Bæjarfélagsins.
Helstu framkvæmdir
1998–2002
Sjálfstæðismenn og framsóknar-
menn stóðu fyrir mestu fram-
kvæmdum sem átt hafa sér stað í
Hafnarfirði frá stofnun bæjar-
félagsins í grunnskólamálum: Hér
verða nefnd nokkur atriði.
Byggðir og endurnýjaðir yfir
20.000 fm af grunnskólahúsnæði í
Hafnarfirði.
Skýrsla um skólabyggingar
unnin, um hlutverk hvers og eins er
kemur að skólabyggingum.
Ráðinn var verkefnisstjóri
allra skólabygginga.
Byggingarnefnd grunn- og
leikskóla stofnuð.
Þarfagreining var unnin í
hverju skólahverfi fyrir sig og ein-
setningaráætlun og forgangsröðun í
byggingum breytt í samræmi við
álag í hverfum.
Metnaðarfull rýmisáætlun
gerð í samræmi við nýja aðalnáms-
skrá grunnskóla sem tók gildi árið
1999. Haft í huga að grunnskólarnir
verði nýttir sem hverfamiðstöðvar í
sínum skólahverfum.
Útbúinn búnaðarlisti yfir laus-
an búnað í grunnskólunum. Það
auðveldar stjórnendum að fylgjast
með búnaði og forgangsraða endur-
nýjun búnaðar. Tilgreindur laus
búnaður sem innifalinn er í útboði.
Ákveðin stefna var mörkuð við
kaup á húsgögnum í grunnskólahús-
næði, þar sem haft er í huga þær
gæðakröfur sem tengjast vinnu-
stöðu kennara og líkamsbyggingu
nemenda.
Boðinn út kennsluþátturinn í
Áslandsskóla til að auka fjölbreytni
í skólastarfi. Samkvæmt skýrslum
frá Svíþjóð, sem er líklega komin
lengst í þessum málum, hefur það
sýnt sig að þegar um meira en eitt
skólaform er að ræða þá eru niður-
stöðurnar þær að nemendur sýna
fram á meiri árangur. Þrátt fyrir
stuttan starfstíma Áslandsskóla og
mikið áreiti utanaðkomandi, hefur
stjórnendum og starfsfólki Áslands-
skóla tekist að skapa góðan starfs-
anda og metnað hjá nemendum,
enda eru nemendur í Áslandsskóla
glaðir og ánægðir og þar fyrirfinnst
ekki einelti. Í Áslandsskóla hefur
verið bryddað upp á fjölmörgum
nýjungum. Nýlega fékk skólinn við-
urkenningu foreldraráðs Hafnar-
fjarðar fyrir starf í heilsdagsskóla
sem er boðið öllum nemendum skól-
ans og um 70% nemenda sækir. Ás-
landsskóli var eini grunnskólinn í
Hafnarfirði þar sem stjórnendur
skóla buðu upp á heitar máltíðir fyr-
ir nemendur frá byrjun skólastarfs.
Ráðinn var matsfulltrúi til
skólaskrifstofu Hafnarfjarðar til að
fylgjast með gæðamati í skólastarfi.
Þegar hefur verið gerð úttekt af
hálfu matsfulltrúa á kennslutíma-
fjölda grunnskólanna.
Nýir skólabílar með öryggis-
belti í hverju sæti voru teknir í notk-
un.
Félagsmiðstöðvar voru opnað-
ar í fimm grunnskólum.
Tölvuvæðing og tölvukostur
jafnaður milli grunnskólanna.
Samningur gerður við Skýrr vegna
háhraðatenginga fyrir grunn-
skólana.
Skólatorgi komið á fót í Öldu-
túnsskóla.
Námsráðgjafar fengu fullt
stöðugildi í grunnskólunum.
Umhverfisfulltrúar skipaðir í
hverjum grunnskóla, samstarf haft
við verkefnisstjóra Staðardagskrár
21 hjá Hafnarfjarðarbæ. Kostur
gefinn á flokkun á úrgangi með til-
komu gáma.
Leiðrétt útdeiling fjármagns
til stjórnunar í grunnskólunum.
Aukið hlutfall stjórnunar í
stærstu grunnskólunum. Í Set-
bergsskóla og Öldutúnsskóla eru
tveir aðstoðarskólastjórar.
Foreldrar geta nú valið að
senda börn sín í einkaskóla og fá
greitt fyrir nemandann eins og sam-
ræmdar greiðslur eru á milli sveit-
arfélaga innan SSH. Í Svíþjóð er
það val foreldra hvaða skólaform
(einkaskóli–almennur skóli) þau
velja fyrir börn sín. Fjárveiting af
hálfu sveitarfélagsins er sú sama á
nemenda, hvert sem skólaformið er.
Forskóli tónlistarskólans flutt-
ur út í grunnskólann. Yfir 100 fleiri
nemendum gafst kostur á að fara í
forskólanám Tónlistarskólans.
Nefnd undir forystu fagstjóra í tón-
list skilaði af sér stefnumótun í tón-
listarnámi grunnskólanema sem
samþykkt var í skólanefnd á vor-
dögum 2002.
Miðstöð símenntunar flutti í
Flensborg, og möguleiki varð á að
nemendur gátu nýtt sér tungumála-
nám sem bara var kennt þar til ein-
inga til stúdentsprófs. Stefnumótun
var unnin í námsflokkum Hafnar-
fjarðar sem fékk nafnið Miðstöð sí-
menntunar.
Meirihluti Sjálfstæðisflokks og
Framsóknarflokks lagði til að sú
starfsemi fullorðinsfræðslu flytti í
núverandi húsnæði Lækjarskóla,
þegar starfsemi grunnskólans er
flutt í nýjan Lækjarskóla. Það eyk-
ur möguleika Miðstöðvar símennt-
unar að bjóða upp á kennslu frá
morgni, eins og flest endurmennt-
unarnámskeið miðast við sam-
kvæmt kjarasamningum.
PMT (Parent Management
Training) foreldrafærni komið á
laggirnar. Samstarfsverkefni
skólaskrifstofu, heilsugæslu og
félagsþjónustu, við Oregon Social
Learning center í Oregon í USA.
Rannsóknarverkefni gegn
þunglyndi barna. Rannsókn á veg-
um Eiríks Arnar Arnarsonar sál-
fræðings. Verkefnið unnið af hálfu
skólaskrifstofu Hafnarfjarðar á
heilum árgangi nemenda.
Stefnumótun í móttöku nýbúa.
Móttökudeild tekur til starfa haust-
ið 2002. Hafnarfjarðarbær er einn af
stofnaðilum alþjóðahúss.
Stefnumótun í sérkennslu,
myndun athvarfa (smiðja) í hverjum
skóla byrjað með stöðugildi í
Setbergsskóla og Hvaleyrarskóla
haustið 2002.
Stefnumótun fyrir sérdeildir
(sem eru 4) í Hafnarfirði. Þær verða
staðsettar haustið 2003 í nýjum
Lækjarskóla (3 deildir), þar sem
íþrótta- og sundaðstaða verður
einnig fyrir hendi. Sérstaklega verði
hugað að aðgengi fatlaðara í vænt-
anlegri sundlaug. Ný sundlaug við
nýjan Lækjarskóla sem er á áætlun
árið 2004 kemur til með að sinna
sundkennslu Lækjarskóla og Set-
bergsskóla. Einnig verði skipuð
nefnd til að athuga með stofnun
verknámsdeildar.
Sundkennsla nemenda var
felld inn í stundaskrá allra grunn-
skólanema. Öllum nemendum frá 6
ára aldri var gefinn kostur á að fá
sundkennslu, en nemendur ljúka
sundnámi í 9 bekk í Hafnarfirði.
Árið 1998 greiddi Hafnarfjarð-
arbær fyrir hvern nemanda 284.000
kr. en 465.000 kr. árið 2002.
Fjármagn til grunnskólanna
hefur aukist um 70% á nýliðnu kjör-
tímabili var um 900 milljónir 1998 er
um 1.600 milljónir 2002
Ég vil taka það fram að þessi listi
er ekki tæmandi.
Að lokum vil ég þakka samstarfs-
fólki mínu í skólanefnd, sviðstjóra
fjölskyldusviðs, starfsfólki skóla-
skrifstofu, stjórnendum og starfs-
fólki grunnskóla Hafnarfjarðar,
byggingarnefnd grunn- og leik-
skóla, verkefnisstjóra skólabygg-
inga, eftirlitsaðilum, Verktökum og
öðrum sem ég hef átt samstarf við á
undanförnum 4 árum fyrir ánægju-
legt og árangursríkt samstarf.
EINSETNING GRUNNSKÓLA
HAFNARFJARÐAR
Steinunn
Guðnadóttir
Það er því blekking
sem nýr meirihluti
heldur fram, segir
Steinunn Guðnadóttir,
að slegið hafi verið af
gæðakröfum þó að nota
þurfi lausar kennslu-
stofur um tíma þar til
varanlegri uppbyggingu
grunnskólanna er lokið.
Höfundur er bæjarfulltrúi og fyrr-
verandi formaður skólanefndar.