Morgunblaðið - 10.12.2002, Blaðsíða 29
LISTIR
MORGUNBLAÐIÐ ÞRIÐJUDAGUR 10. DESEMBER 2002 29
ER ÞESSI BÓK...
...með svarið
sem þú hefur leitað að
- en aldrei fundið?!
Handbók byggð á
reynslu, þekkingu,
skilningi og umfram
allt kærleika. „Svo kom
sá dagur að áhættan
sem fylgdi því að vera
lokaður blómhnappur
varð sársaukafyllri en
áhættan sem fylgdi því
að opna sig og
blómstra.“
Er ekki kominn tími til
að gera það bara?
„Æðisleg bók sem
stelpur á öllum aldri
þurfa að eiga. Fann
strax við fyrsta lestur
ýmsar leiðbeiningar
sem ég get notfært
mér.“ Sóley Elíasdóttir,
leikkona.
Bókin er jákvæð, hnitmiðuð og vel orðuð, hvorki of stíf né of væmin.
Fjallar um flesta þætti sem konur þurfa að hyggja að til að byggja
upp jákvætt og heilsteypt líf.“ Stella Sæmundsdóttir, verslunarstjóri
Betra Líf.
„Frábær bók. Einföld og raunhæf og auðvelt að fylgja
leiðbeiningunum í henni.“ Herdís Finnbogadóttir, sálfræðinemi við
Háskóla Íslands.
„Yfirgripsmikil og góð handbók sem hentar vel þeim sem vilja breyta
um lífsstíl. Í bókinni er fjöldi gagnlegra heimilda og tilvísana. Hún
nær kjarnanum úr mörgum mjög merkum fræðum. Það er mikil þörf
fyrir þessa bók.“ Anna Katrín Ottesen, sjúkraþjálfari.
Þessi „litla“ bók getur breytt „stórum“ hlutum til góðs í lífi þínu - og
annarra.
ALLUR INNBLÁSTUR
KEMUR FRÁ ANDANUM...
... og lögmál hans eru
jafn raunveruleg og
þyngdarlögmálið!
Þetta er bók sem mun
fylgja þér svo lengi sem
þú spyrð spurninga og
vilt fá svör.
Dan Millman er
þekktur í heimalandi
sínu fyrir ótrúlegt
andlegt þrek sem hann
þurfti að nota þegar
hann varð fyrir
hræðilegu slysi. Þá
skrifaði hann
metsölubókina „Way of
The Peaceful Warrior“
sem farið hefur sigurför
um allan heim.
„Við erum í mikilli þörf fyrir bækur eins og þessa. Láttu hana ekki
fram hjá þér fara.“ John Bradshaw, höfundur bókarinnar
Heimkomunnar.
„Þessa bók er ekki hægt að leggja frá sér. Hún er full af andlegum
gullmolum.“ Gerald G. Jampolsky, höfundur bókarinnar
Fyrirgefningin - heimsins fremsti heilari.
Þú getur öðlast dýpri merkingu,
tilgang og tengingu við
sköpunarverkið með því að taka
eitt skref: opna bók sem þú munt
leita í aftur og aftur, eftir
innblæstri og leiðbeiningum á
lífsins leið.
LÖGMÁL SEM MUNU
HJÁLPA ÞÉR YFIR HVERJA
HINDRUN SEM LÍFIÐ
LEGGUR FYRIR ÞIG Á LEIÐ
TIL MEIRI ÞROSKA!
Símar 435 6810,
698 3850 og 891 6811.
GUÐNÝ Guðmundsdóttir kons-
ertmeistari leikur fjögur einleiks-
verk fyrir fiðlu á nýjum geisla-
diski, sem hún helgar minningu
kennara síns, Björns Ólafssonar
fiðluleikara og konsertmeistara
Sinfóníuhljómsveitar Íslands frá
stofnun hljómsveitarinnar 1950 og
fram á áttunda áratug nýliðinnar
aldar. Björn var lengi eini fiðlu-
kennarinn við Tónlistarskólann í
Reykjavík og kenndi kynslóðum
íslenskra fiðluleikara. Áhrif hans á
íslenskt tónlistarlíf eru því gríð-
arlega mikil á hvorum tveggja
starfsvettvangi hans. Björn var þó
ekki síst áhrifamikill sem einleik-
ari og þátttakandi í kammertónlist
á þeim árum er tónlistarlíf að vest-
rænni fyrirmynd var að skjóta rót-
um hér. Þrjú verkanna sem Guðný
leikur tengjast minningu Björns
beint, Prelúdía og tvöföld fúga yfir
nafnið B-A-C-H eftir Þórarin
Jónsson, sem Björn hvatti hana til
að æfa og spila; Sónata nr. 1 í g-
moll BWV 1001 eftir Jóhann Seb-
astian Bach, en Guðný segir í um-
fjöllun í plötupésanum að Björn
hafi leitt sig fyrstu sporin í henni,
en hún lék svo verkið á einleik-
araprófi sínu frá Tónlistarskólan-
um. Þriðja verkið tengt minningu
Björns er Sónata eftir Hallgrím
Helgason, en Guðný
segir að flutningur
Björns á verkinu á
Listahátíð 1974 sé
enn greyptur í vit-
und hennar. Fjórða
verkið á geisladisk-
inum er eftir Haf-
liða Hallgrímsson,
samið fyrir Guðnýju
og tileinkað henni:
Offerto, Til minn-
ingar um Karl
Kvaran listmálara.
Það er fljótsagt
að mikill fengur er
að þessum geisla-
diski. Verk Þórar-
ins, Prelúdía og tvöföld fúga yfir
nafnið B-A-C-H, heyrist hér í
fyrsta sinn á geisladiski, og það
eitt eykur gildi hans. Þó verður
varla sagt að verkið sé meistara-
verk, – til þess vantar það þann
neista sem skapar slík verk. Það
er þó vel frambærileg tónsmíð,
gamaldags á sinn hátt en þó fag-
mannlega gerð. Mest um vert er
að skínandi góður leikur Guðnýjar
lyftir verkinu og gefur hlustand-
anum sýn inn í viðfangsefni þeirra
tónskálda sem fyrst hófu að semja
hér tónlist eftir að hafa menntað
sig á erlendri grund á fyrri hluta
síðustu aldar. Hér var hefð í hljóð-
færatónlist lítil sem engin, – og
hvar áttu íslensk tónskáld að
byrja? Að glíma við stíl Bachs var
eflaust ekki verri byrjunarreitur
en hver annar í þeirra augum. Í
fúgunni eru tvígrip og stökk sem
augljóslega eru þrælerfið að spila
og bera þess merki að þótt kunn-
átta hans í kontrapunkti hafi verið
góð, hafi þekkingin á fiðlunni og
spilatækni á hana ekki verið jafn
góð. Það ber þó að
fagna því að þetta verk
sé nú aðgengilegt í svo
góðri hljóðritun og fínni
spilamennsku; – skrá-
setning íslenskrar tón-
listarsögu stendur og
fellur með því að þau
fáu verk sem til eru frá
þessum tíma fái að
heyrast. Sónata Hall-
gríms Helgasonar er
hins vegar samin af mun
meiri þekkingu á hljóð-
færinu og kunnáttusemi.
Þetta verk hefur þegar
náð hylli íslenskra fiðlu-
leikara og er talsvert oft
spilað. Það er einhver angurvær
einræna í því; – og lýdíska tónteg-
undin í öðrum þætti gefur því
þjóðlegt yfirbragð. Guðný leikur
þetta verk af sterkri tilfinningu,
og mótar fallega andstæðurnar
milli miðþáttarins og þeirra ytri og
hraðari. Bæði Þórarinn og Hall-
grímur eru augljóslega undir
áhrifum frá einleiksverkum Max
Regers, en þau draga aftur á móti
dám af einleiksverkum Bachs. Ein-
leikssónata Bachs passar því
einkar vel milli þessara tveggja ís-
lensku verka. Leikur Guðnýjar í
Bach er sérstaklega tær og mús-
íkalskur. Fúgan er létt og leikandi
og vefur stefjanna skýr milli
radda. Sicilianan er íhugul og ljóð-
ræn eins og upphafsþátturinn, en
lokaþátturinn, hratt prestó, er
leikinn af tæknilegu öryggi. Verk
Hafliða Hallgrímssonar sýnir okk-
ur hver óravegur er á milli ís-
lenskra tónskálda á okkar dögum
og frumherja eins og Þórarins,
sem í músíklegu tilliti stendur nær
Bach en Hafliða, þótt hann standi
mun nær Hafliða í tíma. Offerto er
samið í minningu Karls Kvaran og
í fjórum þáttum þess dregur Haf-
liði upp myndir eða minningar um
Karl. Fyrsti þátturinn, Ritað í
sand, er ljóðrænn og leitandi; ann-
ar þátturinn, Línur án orða, er
ákveðnari og kraftmeiri og línur
dregnar í bókstaflegri merkingu í
glissando, þar sem fingur fiðluleik-
arans rennir sér milli tóna líkt og
pensill á lérefti. Þriðji þátturinn,
Flug tímans, er einhvers konar
perpetuum mobile, – þar sem mús-
íkin stígur í stöðugri og jafnri
hreyfingu frá fiðlunni, – stundum
spennt, stundum afslöppuð, – en
alltaf í stefnu að ósýnilegu marki
sínu í óræðri framtíð. Lokaþátt-
urinn heitir: Allt að því sálmur, og
lýsir nafngiftin honum vel.
Þetta er heilsteypt og umfram
allt fallegt verk hjá Hafliða,
örugglega eitt áhrifamesta ein-
leiksverk fyrir fiðlu samið af ís-
lensku tónskáldi. Það þarf ekki að
fara mörgum orðum um leik Guð-
nýjar, hann er fagmannlegur, mús-
íkalskur og innblásinn af músík-
inni.
Hún finnur hverju verki sinn stíl
og nálgast þau hvert og eitt með
hliðsjón af inntaki þeirra og ólíku
tónmáli. Hvað verkin sjálf varðar
er fengur að öllum íslensku verk-
unum; – verk Hafliða rís þar hæst,
– en ekki er síður fengur að því að
eiga Sónötu Bachs í svo góðum
flutningi framúrskarandi íslensks
listamanns. Umbúnaður
geisladisksins er fallegur og til
fyrirmyndar og textar Guðnýjar í
pésanum bæði fróðlegir og upplýs-
andi um sýn Guðnýjar á verkin.
Bach meðal Íslendinga
TÓNLIST
Geislaplötur
Guðný Guðmundsdóttir leikur Prelúdíu
og tvöfalda fúgu yfir nafnið B-A-C-H eftir
Þórarin Jónsson, Sónötu nr. 1 í g-moll
BWV 1001 eftir Jóhann Sebastian Bach,
Sónötu eftir Hallgrím Helgason og Of-
ferto: Í minningu Karls Kvaran listmálara,
eftir Hafliða Hallgrímsson.
Polarfonia Classics 2002.
GUÐNÝ GUÐMUNDSDÓTTIR
Guðný Guðmundsdóttir
Bergþóra Jónsdóttir
ALÞJÓÐLEGI mannréttinda-
dagurinn er í dag, 10. desem-
ber, og efnir Íslandsdeild Amn-
esty International til
aðventutónleika í Neskirkju við
Hagatorg kl. 20. Þar koma
fram margir af kunnustu tón-
listarmönnum landsins, meðal
annars Björn Thoroddsen gít-
arleikari, Egill Ólafsson söngv-
ari, Guðrún Birgisdóttir flautu-
leikari, Guðný Guðmundsdóttir
fiðluleikari, Peter Maté píanó-
leikari, Signý Sæmundsdóttir
söngkona, Þóra Fríða Sæ-
mundsdóttir píanóleikari og
Þorsteinn Gauti Sigurðsson pí-
anóleikari.
Dagskráin er ætluð allri fjöl-
skyldunni og verða m.a. verk
eftir Wolfgang Amadeus Moz-
art, Franz Liszt, Atla Heimi
Sveinsson, Bjarna Frímann
Bjarnason, A.C. Adams, Karól-
ínu Eiríksdóttur, Maurice Ra-
vel, Sergei Rachmaninoff,
Duke Ellington og Chick
Corea.
Tónleikar Amnesty Inter-
national á mannréttindadaginn
eru orðnir fastur liður á aðvent-
unni og fólk sameinar stuðning
við mikilvægt málefni. Miða-
verð er 1.500 kr. og rennur
ágóðinn til mannréttindastarfs
Íslandsdeildar Amnesty Int-
ernational.
Aðventu-
tónleikar á
mannrétt-
indadegi
Þóra Fríða
Sæmundsdóttir
Egill
Ólafsson
KAMMERKÓR Reykjavíkur og
Kirkjukór Akraness halda tónleika í
Vinaminni á Akranesi í kvöld kl. 20.
Meðal laga sem flutt verða er nýtt
lag eftir Sigurð Bragason, stjórn-
anda Kammerkórs Reykjavíkur.
Einsöngvarar á tónleikunum eru
Sigríður Elliðadóttir, Smári Vífils-
son, Ágúst Guðmundsson, Ingvar
Kristinsson, Svanlaug Árnadóttir,
Sólveig Unnur Ragnarsdóttir, Þor-
steinn Þorsteinsson, Arndís Ólöf
Víkingsdóttir, Árni Gunnarsson,
Sigurlaug Arnardóttir, Erna H.
Guðjónsdóttir og Guðrún Lára
Pálmadóttir. Stjórnandi Kirkjukórs
Akraness er Sveinn Arnar Sæ-
mundsson.
Kammer-
og kirkju-
kór syngja í
Vinaminni
♦ ♦ ♦
Áfram Ísland er
eftir Jón Kristján
Sigurðsson. Hér
er fjallað um ís-
lenska karlalands-
liðið í handknatt-
leik og árangur
þess á síðasta
Evrópumóti. Leikir
liðsins eru hér
krufnir til mergjar, sagt frá því sem
gerðist á bak við tjöldin, meðal ann-
ars í viðtölum við Ólaf Stefánsson,
Sigfús Sigurðsson og Patrek Jóhann-
esson. Ljósmyndir Pjetur Sigurðsson.
Útgefandi er Bókaútgáfan Hólar.
Bókin er 160 bls. Verð: 3.980 kr.
Handknattleikur