Morgunblaðið - 10.12.2002, Blaðsíða 43
MINNINGAR
MORGUNBLAÐIÐ ÞRIÐJUDAGUR 10. DESEMBER 2002 43
✝ Sigríður GyðaSigurðardóttir
fæddist 13. desember
1934. Hún andaðist á
gjörgæsludeild Land-
spítalans – háskóla-
sjúkrahúss við Hring-
braut að kvöldi 29.
nóvember síðastlið-
ins. Foreldrar hennar
voru Sigurður Sig-
urðsson kaupmaður,
f. 17. júní 1891, d. 12.
júní 1951, og kona
hans Þórey Þor-
steinsdóttir, f. 6. júlí
1901, d. 29. janúar
1981, kaupkona í Þorsteinsbúð,
sem var á horni Snorrabrautar og
Flókagötu í Reykjavík. Eldri bróð-
ir Sigríðar Gyðu er Þorsteinn, f.
27. ágúst 1932, kona hans er
Helga Kristjánsdóttir. Þau eru bú-
sett í Reykjavík og eiga tvo syni.
Yngri bróðir hennar er Garðar, f.
1. mars 1937, búsettur í Reykja-
nesbæ. Kona hans var Hulda Guð-
ráðsdóttir (látin) og eiga þau þrjú
börn. Sigríður Gyða átti að auki
mörg hálfsystkini í föðurætt.
skiptafræðingur, f. 30. júlí 1967.
Börn þeirra eru: Dagur, f. 17.
febrúar 1997, dáinn sama dag,
Sara Bryndís, f. 20. maí 1998, og
Arna Björk, f. 24. apríl 2000.
Sigríður Gyða ólst upp í Norð-
urmýrinni í Reykjavík og gekk í
Ingimarsskólann. Hún stundaði
listnám í Handíða- og myndlistar-
skóla Íslands, í Myndlistarskólan-
um í Reykjavík og í Famous Art-
ist’s school. Á árunum 1971–1999
hélt hún fjölda sýninga á verkum
sínum, bæði einkasýningar og
samsýningar. Hún var fjölhæf í
list sinni og vann bæði í olíu, leir
og gler, en málaði þó aðallega
vatnslitamyndir. Hún er þekktust
fyrir Reykjavíkurmyndir sínar.
Sigríður Gyða starfaði sem
flugfreyja hjá Loftleiðum á árun-
um 1953–1956. Hún tók mikinn
þátt í félagsmálum, meðal annars
starfaði hún með Svölunum, félagi
fyrrverandi flugfreyja, og hann-
aði jólakort félagsins um nokk-
urra ára skeið.
Sigríður Gyða var einn af stofn-
endum Myndlistarklúbbs Seltjarn-
arness og Leikfélags Seltjarnar-
ness. Þá sat hún í stjórn Lista- og
menningarsjóðs Seltjarnarness
um árabil.
Útför Sigríðar Gyðu verður
gerð frá Seltjarnarneskirkju í dag
og hefst athöfnin klukkan 15.
Sigríður Gyða
giftist árið 1957 eft-
irlifandi eiginmanni
sínum, Sigurgeiri
Sigurðssyni, fyrr-
verandi bæjarstjóra
á Seltjarnarnesi, f.
14. desember 1934.
Þau eignuðust þrjú
börn: 1) Margrét
kennari, f. 30. des-
ember 1956. Eigin-
maður hennar er
Héðinn Valdimars-
son haffræðingur, f.
15. september 1955.
Dætur þeirra eru:
Hildur Þórey, nemi í Kaupmanna-
höfn, f. 17. ágúst 1981, og Sigríð-
ur Gyða grunnskólanemi, f. 15.
júní 1987. 2) Sigurður Ingi skipa-
miðlari, f. 10. október 1958. Kona
hans er Lóa S. Hjaltested gler-
listakona, f. 2. ágúst 1958. Börn
þeirra eru: Sigurgeir mennta-
skólanemi, f. 11. desember 1982,
og Gyða Björk menntaskólanemi,
f. 7. desember 1986. 3) Þór sölu-
stjóri, f. 7. apríl 1967. Kona hans
er María Björk Óskarsdóttir við-
Í dag verður tengdamóðir mín og
vinkona lögð til hinstu hvílu. Á stundu
sem þessari verða nokkrar línur held-
ur fátæklegar, því Sigga eins og hún
var alltaf kölluð átti svo ótalmarga
kosti sem aldrei er hægt að koma öll-
um á blað. Ég kynntist henni fyrir 25
árum þegar við Siggi, eldri sonur
hennar, hófum samband. Á skömm-
um tíma tókst með okkur mikil vin-
átta og við tvær áttum margar góðar
stundir saman, jafnt úti á Miðbraut
og svo seinna við Meðalfellsvatn. Við
sátum oft og spjölluðum langt fram á
nótt í bústaðnum, þegar kyrrð var
komin á og aðrir sofnaðir. Oft barst
talið að andlegum málefnum, en
Sigga hafði mikinn áhuga á þeim og
trúði því að það tæki eitthvað annað
við eftir þessa jarðvist. Stundum vild-
um við líka trúa því að við fengjum
skilaboð að handan þegar umræðurn-
ar þróuðust á þá vegu, en aðrir fjöl-
skyldumeðlimir hlógu að okkur þegar
þeim voru sagðar fréttirnar daginn
eftir.
Ég hef mikinn áhuga á listsköpun
og alltaf hvatti Sigga mig áfram og
hrósaði mér mikið, en eins og allir
vita sem þekktu hana þá var hún mik-
il listakona og er hún þekktust fyrir
Reykjavíkurmyndirnar sínar. Ég
gleymi seint sýningu hennar á Kjar-
valstöðum, hún kveið viðtökunum en
það var óþarfi því nær allar mynd-
irnar seldust upp á fyrsta degi og hún
fékk góða dóma í umfjöllun um sýn-
inguna.
Eftir að börnin okkar fæddust
reyndist hún þeim yndisleg amma,
það má segja að hún hafi talað við mig
í síma nánast hvern einasta dag og
alltaf spurði hún „hvernig hafa börnin
mín það“. Þann tíma sem við bjugg-
um erlendis var Sigga alltaf að senda
þeim kort með allskonar gríni og
glensi sem vakti mikla kátínu allra.
Sigurgeir sonur okkar fór heim ári á
undan okkur og bjó þá á Miðbraut-
inni. Það er honum ógleymanlegur
tími því alltaf var amma Sigga tilbúin
að hjálpa honum með heimaverkefnin
og síðan eftir að við fjölskyldan flutt-
um heim þá fór Sigurgeir reglulega í
aukatíma í dönsku út á Nes til ömmu
Siggu. Þegar svo leið að prófdegi, þá
veit ég ekki hvort þeirra var með
meiri prófskrekk. Hún hjálpaði líka
dóttur okkar Gyðu Björk heilmikið
með dönskuna og tók hún miklum
framförum.
En þótt Sigga væri alltaf að hugsa
um hag annarra í kringum sig, þá
vildi hún gleyma sjálfri sér því hún
hugsaði illa um mataræði sitt og
reykti mikið, en það hafði sín áhrif á
heilsu hennar. Hún þurfti að fara í
marga uppskurði í gegnum árin, en
alltaf komst þessi fallega og fínlega
kona í gegnum þá. Síðasti uppskurð-
urinn varð henni þó um megn og
dvaldi hún á sjúkrahúsi á fjórðu viku
áður en kallið kom.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því
þú laus ert úr veikinda viðjum,
þín veröld er björt á ný.
Ég þakka þau ár sem ég átti,
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfin úr heimi,
ég hitti þig ekki um hríð.
Þín minning er ljós sem lifir
og lýsir um ókomna tíð.
(Þórunn Sig.)
Elsku Sigga mín, ég kveð þig í bili,
en við vitum það báðar að við hitt-
umst aftur seinna meir.
Þín vinkona,
Lóa.
Frá fyrstu kynnum okkar Sigríðar
Gyðu tengdamóður minnar áttum við
ágætlega saman og fór hún fljótlega
að kalla mig uppáhaldstengdasoninn
sinn, enda ekki um aðra að ræða.
Er ég minnist Siggu Gyðu kemur
fyrst í hugann sú hugulsemi sem var
henni svo eiginleg og hún sýndi sínu
fólki, ungum sem öldnum. Einnig
minnist ég glettninnar og gamansem-
innar sem alltaf var stutt í hjá henni.
Margar ánægjulegar stundir áttum
við fjölskyldan saman, hvort sem var
á heimili þeirra Sigurgeirs úti á Nesi
eða í sumarbústaðnum uppi í Kjós.
Var oft glatt á hjalla og hlegið dátt að
sögum Siggu, hvort sem hún lýsti
spaugilegum atvikum við veiðar í
Meðalfellsvatni eða af ýmsum ferðum
þeirra hjóna. Hún átti þann dýrmæta
eiginleika að geta gert grín að sjálfri
sér.
Á heimili þeirra og í bústaðnum
mátti greina fínlega og listræna
þræði Siggu, en smekkvísi og næmt
auga fyrir fögrum listmunum voru
henni í blóð borin.
Þrátt fyrir erfið veikindi foreldra
sinna og hennar sjálfrar varðveitti
hún sitt glaða geð og naut þess að
vera til.
Við kveðjum Siggu með söknuði en
eftir lifir minningin um góða mann-
eskju.
Héðinn.
Elsku amma Sigga. Nú ert þú farin
til Guðs. Við vildum ekki að þú færir
til hans strax en við vitum að nú líður
þér vel og ert ekki lengur lasin.
Við söknum þín og biðjum bænirn-
ar okkar fyrir þig. Þú varst alltaf svo
góð við okkur. Alltaf að gefa okkur
nammi og hringja í okkur. Þú hringd-
ir síðast í okkur af spítalanum fyrir
þremur vikum og vonuðum við að þér
færi þá að batna.
Nú hjálpar þú Guði að passa Dag
stóra bróður okkar og ert jafn góð við
hann og þú hefur alltaf verið við okk-
ur elsku amma okkar. Við pössum afa
Sigurgeir fyrir þig og munum allaf
geyma minninguna um þig, elsku
amma Sigga okkar, í hjörtunum okk-
ar.
Sofðu rótt elsku amma Sigga.
Þínar ömmustelpur,
Sara Bryndís og Arna
Björk Þórsdætur.
SIGRÍÐUR GYÐA
SIGURÐARDÓTTIR
Fleiri minningargreinar um Sig-
ríði Gyðu Sigurðardóttur bíða birt-
ingar og munu birtast í blaðinu
næstu daga.
Elskulegur eiginmaður minn, faðir okkar,
tengdafaðir, afi og langafi,
GUÐBJÖRN BJARNASON,
Neðstaleiti 2,
Reykjavík,
verður jarðsunginn frá Grensáskirkju miðviku-
daginn 11. desember kl. 15.00.
Guðrún Sólveig Jónasdóttir,
Jóhanna Guðbjörnsdóttir, Wilhelm Norðfjörð,
Bjarni Guðbjörnsson,
Birna Guðbjörnsdóttir, Kristján Kristinsson,
Jónas Guðbjörnsson, Linda Hróarsdóttir,
Sigurður Örn Guðbjörnsson, Páll Garðarsson
og afabörn.
Innilegar þakkir fyrir auðsýnda samúð og hlý-
hug við andlát og útför ástkærrar ömmu okkar,
tengdamóður og langömmu,
GUÐLAUGAR LÖLLU ERLENDSDÓTTUR,
Stigahlíð 22,
Reykjavík.
Þórður Erlendsson, Pia Luoto,
Guðlaug Erlendsdóttir, Vilhjálmur Wiium,
María Dröfn Erlendsdóttir, Ásgeir Ingólfsson,
Una Hlín Gunnarsdóttir
og barnabarnabörn.
Innilegustu þakkir fyrir auðsýnda samúð vegna
andláts og útfarar móður okkar,
SVANHILDAR EGGERTSDÓTTUR
frá Holtseli.
Sérstakar þakkir til starfsfólks Kristnesspítala
fyrir frábæra umönnun í veikindum hennar.
Guð blessi ykkur öll.
Hildur Egilsdóttir,
Guðrún Egilsdóttir
og fjölskyldur.
Elskuleg eiginkona mín, móðir okkar, tengda-
móðir, amma og langamma,
JÓNHEIÐUR NÍELSDÓTTIR,
Njálsgötu 1,
Reykjavík,
sem andaðist á elli- og hjúkrunarheimilinu
Grund fimmtudaginn 5. desember sl., verður
jarðsungin frá Bústaðakirkju fimmtudaginn
12. desember kl. 13.30.
Blóm og kransar eru vinsamlega afþakkaðir, en þeim, sem vilja minnast
hennar, er bent á að láta Alzheimerfélagið, Austurbrún 31, Reykjavík,
njóta þess.
Hafliði Þ. Jónsson,
Hrönn I. Hafliðadóttir, Ísólfur Þ. Pálmarsson,
Erla S. Hafliðadóttir,
Jónína H. Hafliðadóttir, Jón Eiríksson,
barnabörn og barnabarnabörn.
Innilegar þakkir til allra sem sýndu samúð og
vinarhug við andlát og útför ástkærs eigin-
manns míns, föður, tengdaföður, bróður, afa
og langafa,
HAUKS GUÐMUNDSSONAR,
Æsufelli 2,
Reykjavík.
Sigurbjörg Eiríksdóttir,
Sigríður Hauksdóttir, Hafliði Albertsson,
Guðrún Hauksdóttir, María Thors,
Guðmundur Ó. Hauksson, Halldóra Sigfúsdóttir,
Gunnar E. Hauksson, Birgitta Bragadóttir,
Þór Hauksson, Magnhildur Sigurbjörnsdóttir,
Ragnar Hauksson, Esther L. Þórhallsdóttir,
Ólafur Guðmundsson,
barnabörn og barnabarnabörn.
Ástkær dóttir okkar, systir og barnabarn,
ÖSP VIÐARSDÓTTIR,
Flókagötu 63,
Reykjavík,
sem lést þriðjudaginn 3. desember, verður
jarðsungin frá Fossvogskirkju fimmtudaginn
12. desember kl. 13.30.
Anna Karen Kristjánsdóttir, Valdimar Viðar Tómasson,
Steinar Viðarsson,
Tómas Hrói Viðarsson,
Olga Guðnadóttir, Kristján Halldórsson,
Ragnheiður K. Pétursdóttir, Tómas Sveinbjörnsson
og aðrir aðstandendur.
Erfidrykkjur
Heimalöguð kaffihlaðborð
Grand Hótel Reykjavík
Sími 514 8000