Fréttablaðið - 23.11.2003, Blaðsíða 2

2 23. nóvember 2003 SUNNUDAGUR
„Ég minni á ráðgjafasímann okkar,
862 1105.“
Stefán Karl Stefánsson leikari er stofnandi Regn-
bogabarna, samtaka gegn einelti. Sigurður Einars-
son, stjórnarformaður Kaupþings Búnaðarbanka,
segir að Davíð Oddsson leggi sig og fyrirtæki sitt í
einelti.
Spurningdagsins
Stefán Karl, sýnist þér þetta vera alvar-
legt einelti sem stjórnarformaður
Kaupþings Búnaðarbanka verður fyrir?
■ Ísrael
■ Ísrael
■ Lögreglufréttir
Mýmörg dæmi um
hagsmunaárekstra
Pétur Blöndal segir áhættusækni fjárfestingarbankanna rök fyrir aðskilnaði
viðskiptabanka- og fjárfestingarbankastarfsemi. Valgerður Sverrisdóttir segir
mikilvægt að viðskiptaumhverfið á Íslandi sé svipað og í viðskiptalöndunum.
BANKAMÁL „Mér finnst meiri rök
mæla með því að aðskilja þetta
heldur en ekki,“ segir Pétur Blön-
dal, þingmaður Sjálfstæðisflokks-
ins og formaður efnahags- og við-
skiptanefndar Alþingis. „Löggjaf-
inn á samt ekki að vera í einhverri
slökkvil iðsstarf-
semi. Hann má ekki
bregðast of hratt við
einstökum atburð-
um í þjóðfélaginu.
Hann á að hugsa til
langs tíma og móta
reglur sem eru almennar og eiga að
gilda ætíð. Ekki vera í einhverjum
bráðabirgðalausnum. Ég held að
menn verði að skoða þetta mál mjög
vandlega.“
Pétur segir að það sem mæli með
því aðskilja þessa starfsemi séu
áhættusækni fjárfestingarbank-
anna.
„Þeir geta bæði hagnast mjög
mikið en þeir geta
líka tapað mjög
miklu og því
ákveðin hætta að
tengja þetta sam-
an við innlán, sem
eiga að vera gull-
tryggð. Rökin
gegn aðskilnaði er
að fjárfestingar-
bankastarfsemin
vegur upp á móti
viðskiptabanka-
starfseminni hvað
varðar áhættu. Þarna er verið að
blanda saman tveimur áhættum
sem oft á tíðum upphefja hvor aðra.
Pétur segir að banki sem eigandi
fyrirtækis geti fengið upplýsingar
um samkeppnisaðilann. Þetta eigi
líka við um það þegar hann sé að
lána til fyrirtækja sem séu sam-
keppni.
„Þá geta hagsmunirnir rekist á.
Sérstaklega þegar annað fyrirtækið
er að verða undir í samkeppninni.
Þá getur hann reynt að miðla upp-
lýsingum til að bjarga sínum útlán-
um. Það eru mýmörg dæmi um
þetta í okkar litla þjóðfélagi. Sami
bankinn er til dæmis að lána tveim-
ur skipafélögum og tveimur
kjúklingabúum.“
Valgerður Sverrisdóttir við-
skiptaráðherra er á annarri skoðun.
„Ég tel mjög mikilvægt að við
séum með svipað umhverfi hvað
þetta varðar og aðrar Evrópuþjóðir
og aðrir sem við berum okkur sam-
an við. Þar er þetta heimilt og
stundað, en undir miklu eftirliti og
ákveðnum takmörkunum. Sam-
kvæmt íslenskum lögum eru fjár-
festingar fjármálafyrirtækja í at-
vinnufyrirtækjum öðrum en fjár-
málafyrirtækjum, háðar því að þær
sé mjög tímabundnar. Ástæðurnar
þurfa að vera annaðhvort þær að
verið sé að fara í fjárhagslega end-
urskipulagningu eða þá að um um-
breytingar á starfsemi sé að ræða.
Fjármálafyrirtæki getur ekki verið
kjölfestufjárfestir í atvinnufyrir-
tækjum, öðrum en þá fjármálafyr-
irtækjum. Það er skýrt í lögunum.“
Reynt var að ná í Davíð Oddsson
forsætisráðherra vegna málsins en
hann svaraði ekki skilaboðum.
trausti@frettabladid.is
jss@frettabladid.is
Bankastjóri Landsbankans:
Væri mikil afturför og kemur ekki til greina
BANKAMÁL Halldór J. Kristjánsson,
bankastjóri Landsbankans, telur
að sérstakar reglur um aðskilnað
viðskipta- og fjárfestingarbanka-
starfsemi væri mikil afturför og
komi í raun alls ekki til greina.
Hann segir að aukin stærðar-
hagkvæmni í bankarekstri sé
mikilvæg fyrir íslenskt atvinnulíf
og að íslensku bankarnir þyrftu
að stækka.
„Bankarnir þurfa að hafa mik-
inn fjárhagslegan styrk til þess að
geta veitt stærstu fyrirtækjum
landsins þjónustu,“ segir Halldór.
Auk þessa segir hann í raun erfitt
að greina á milli þessara þátta í
rekstri bankanna þar sem í fjár-
festingarbankaverkefnum nýti
bankar alla þjónustuþætti sína,
sem bæði geta fallið undir við-
skipta- og fjárfestingarbanka-
starfsemi.
Þá segir Halldór það vera sam-
eiginlega skoðun forsvarsmanna í
bankaheiminum að ekki sé heppi-
legt að setja „séríslenskar“ reglur
um starfsemi banka. Líta þurfi til
þess sem tíðkist í löndunum í kring-
um okkur enda séu íslensku bank-
arnir í alþjóðlegri samkeppni. „Nú-
verandi fyrirkomulag kemur öllum
viðskiptavinum bankanna til góðs,
hvort sem það eru stórir viðskipta-
vinir eða einstaklingar því að bætt
stærðarhagkvæmni skilar sér í öll-
um rekstrarþáttum,“ segir hann. ■
BÍLVELTUR Tvær bílveltur urðu í
gær þegar bíll valt í hringtorginu
við Þverholt í Mosfellsbæ og í Ein-
arsnesi í Skerjafirði. Engin slys
urðu á mönnum en bílarnir voru í
báðum tilvikum fluttir með krana-
bifreið á brott.
FÉLL AF STILLANS Maður féll tvo til
þrjá metra af stillans við Maríu-
baug án teljanlegra meiðsla. Við
Ásenda var maður við vinnu á hús-
þaki og féll niður. Báðir mennirnir
leituðu aðstoðar á slysadeild og var
gert að meiðslum þeirra.
BLINDAÐIST AF SÓL Fólksbifreið ók
aftan á vörubifreið með tengivagn
við Bæjarhraun í Hafnarfirði um
miðjan dag í gær. Ökumaður gaf þá
skýringu að hann hafa blindast af
sól en ekki urðu slys á mönnum.
Forstjóri Íslandsbanka:
Takmarkanir
þegar í lögum
BANKAMÁL Bjarni Ármannsson,
forstjóri Íslandsbanka, segir
ekki hægt að tjá sig sérstaklega
um hvort slík
lög hefðu áhrif á
rekstur Íslands-
banka, enda
liggi ekki fyrir
hvernig þau lög
kæmu til með að
líta út. Hann
segir að lagaum-
hverfið á Íslandi
sé samkvæmt
t i l s k i p u n u m
E v r ó p u s a m -
bandsins og í
takt við lagaum-
hverfi í ná-
grannalöndunum.
Bjarni segir að ekki megi
heldur horfa fram hjá því að í
núgildandi lögum sé að finna
ákvæði um fjárfestingar við-
skiptabankanna. „Í lögunum í
dag eru heilmargar takmarkan-
ir á þátttöku banka í fjárfest-
ingum í hlutabréfum,“ segir
Bjarni. ■
TÍU ÁRA DRENGUR FÉLL Í SKOT-
BARDAGA Tíu ára palestínskur
drengur féll þegar ísraelskir her-
menn skutu á hóp ungmenna sem
köstuðu að þeim grjóti í borginni
Jenín á Vesturbakkanum. Herinn
heldur því fram að hópurinn hafi
kastað bensínsprengjum. Vopnað-
ir Palestínumenn svöruðu skot-
hríð hermannanna.
TVEIR ÍSRAELSKIR ÖRYGGISVERÐ-
IR DREPNIR Tveir ísraelskir ör-
yggisverðir voru skotnir til bana
í arabahverfi í útjaðri Jerúsalem.
Mennirnir voru skotnir af stuttu
færi þar sem þeir stóðu vörð um
tækjabúnað við múrinn sem Ísra-
elar eru að byggja á Vesturbakk-
anum. Árásarmaðurinn komst
undan.
Forstjóri Kaupþings:
Færum með
starfsemina
BANKAMÁL Hreiðar Már Sigurðsson,
forstjóri Kaupþings Búnaðarbanka
telur það ekki myndu hafa áhrif á
rekstur fyrirtækisins ef sett yrðu
lög á Íslandi sem
kvæðu á um að-
skilnað á viðskipta-
og fjárfestingar-
bankastarfsemi.
„Ef íslenskum
lögum verður
breytt þá einfald-
lega setjum við
þessa starfsemi
annað þar sem
bönkum er heimilt
að vera með báðar
tegundir banka-
starfsemi,“ segir
Hreiðar Már. Hann
bendir á að nú þegar hafi Kaupþing
leyfi til rekstrar fjárfestingarfyrir-
tækja í tíu löndum og leyfi til
rekstrar viðskiptabanka í fjórum.
Að mati Hreiðars Más getur Kaup-
þing Búnaðarbanki t.d. flutt rekstur
sinn til Svíþjóðar eða Lúxemborg ef
sett verða lög sem koma í veg fyrir
þess háttar rekstur á Íslandi. ■
edda.is
Einstakur þjóðarspegill
Þessi nýstárlega bók inni-
heldur tilsvör og kafla úr
ræðum þingmanna frá stofnun
lýðveldisins til okkar daga.
Stórmál hvers tíma fá sinn sess
en jafnframt er smærri málum
á borð við stafsetningu og
áfengismál gefinn gaumur.
Með leyfi forseta er í senn fróð-
legur og skemmtilegur vitnis-
burður um veröld sem var
og lykill að ýmsum
helstu umræðuefnum
samtímans.
Fljúgandi mælska,
heitar hugsjónir
og hárfínt skopskyn
LIÐSMAÐUR HAMAS SKOTINN TIL
BANA Ísraelskir hermenn skutu til
bana liðsmann Hamas-samtakanna
þegar hann var að koma fyrir
sprengju við múr Ísraela á Gaza-
ströndinni. Að sögn hersins fannst
Kalashnikov-riffill og 20 kíló-
gramma sprengja skammt frá líki
mannsins.
FRIÐARSAMKOMULAG FORDÆMT
Einn af leiðtogum Hamas-samtak-
anna hefur fordæmt óformlegt
friðarsamkomulag sem palestínskir
og ísraelskir sendifulltrúar undir-
rituð í Genf. Nizar Riayan kallar
palestínsku samningamennina svik-
ara fyrir að hafa gert málamiðlan-
ir. Genfarsáttmálinn hefur hvorki
hlotið viðurkenningu ísraelskra yf-
irvalda né palestínskra.
Vopnað rán í 10-11
Öryggisgæsla aukin
RÁN „Okkur er illa brugðið en þetta
er fyrsta skiptið sem verslun okkar
er rænd að nóttu til,“ segir Guðjón
Reynisson, framkvæmdastjóri 10-
11.
Aðfaranótt laugardags ógnaði
maður vopnaður hnífi afgreiðslu-
fólki 10-11 í Staðarbergi og komst
á brott með rétt innan við hundrað
þúsund krónur í poka. Guðjón seg-
ir starfsfólk vel þjálfað og öryggis-
vörður fari á milli verslana alla
nóttina. Hann var rétt ókominn
þegar atburðurinn átti sér stað.
„Við erum með mikla öryggis-
gæslu og leggjum áherslu á að
starfsfólk okkar sé vel þjálfað. Eft-
ir þennan atburð gerum við það
sem við getum til að auka öryggið
og skoðum hvað betur má fara,“
segir Guðjón.
Viðskiptavinir 10-11 voru róleg-
ir og kipptu sér ekki upp við ránið.
„Auðvitað finnst manni þessi óöld
skelfileg. Bankar rændir einu
sinni í viku og hér í hverfinu vopn-
aðir ræningjar á næturnar,“ segir
Kolbrún Þorleifsdóttir, íbúi í Set-
berginu. Hún telur ekki vafa á því
að þessir menn séu að leita að pen-
ingum fyrir eiturlyfjum.
Lögreglan leitar ræningjans og
þegar blaðið fór í prentun var hann
ófundinn. ■
VERSLUN 10-11 VIÐ STAÐARBERG
Í versluninni voru tvær stúlkur á vakt. Þær
brugðust hárrétt við og fá áfallahjálp.
KOLBRÚN ÞORLEIFSDÓTTIR
Auðvitað finnst manni þessi óöld skelfileg
og það virðist vera einhver alda í gangi.
BJARNI ÁR-
MANNSSON
Lagaumhverfið
samræmist tilskip-
unum Evrópusam-
bandsins.
VIÐSKIPTARÁÐ-
HERRA
Ráðherra segir
segir lögin skýr.
HREIÐAR MÁR
SIGURÐSSON
Kaupþing Búnað-
arbanki færi með
starfsemi úr landi.■
Löggjafinn á
samt ekki að
vera í einhverri
slökkviliðs-
starfsemi.
FORMAÐUR EFNAHAGS- OG VIÐSKIPTANEFNDAR
Pétur Blöndal segir löggjafann ekki mega vera í einhverri slökkviliðsstarfsemi.
HALLDÓR J. KRISTJÁNSSON
Öflugir bankar eru í þágu atvinnulífsins