Fréttablaðið - 23.11.2003, Blaðsíða 17
árangri hans. Hann hefur lagt
mikið á sig til að ná þessum ár-
angri.“
Allt í einum manni
Mike hefur unnið mikið fyrir
ýmsar auglýsingastofur. Einn af
viðskiptavinum hans er Jónas
Ólafsson, framkvæmdastjóri Ís-
lensku auglýsingastofunnar.
„Jónas fékk mig í þularstarf. Ég
fór að fikta í textanum, laga hann
til og gera athugasemdir við ýmis
efnisatriði. Jónas var mjög hrif-
inn og sagði: „Ég réð þig til að
lesa, en þú leiðréttir textann og
kemur með markaðsráðleggingar.
Þú getur þetta allt!“ Þannig hófst
samstarf okkar og síðan hef ég
unnið með honum og fjölda við-
skiptavina hans.“
Mike Handley segir miklar
breytingar hafa orðið í markaðs-
málum og íslensku viðskiptalífi
frá því hann fór fyrst að fylgjast
með því. „Fyrir áratug, ef maður
mælti sér mót við íslenskan kaup-
sýslumann var nánast öruggt að
hann kæmi of seint. Maður sendi
fax eða hringdi og mátti þakka
fyrir ef maður fékk einhvern tím-
ann svar. Ég var undrandi yfir
áhugamennskunni í íslensku við-
skiptalífi. Ég kynntist reyndar
líka fólki sem var mikið fagfólk,
en almenna tilhneigingin var
þessi. Fólk í sjónvarpinu var líf-
laust og stirðbusalegt.“ Mike
stendur upp og sýnir og leikur
stirðbusa í sjónvarpi með köntuð-
um handahreyfingum. „Það var
eins og vélmenni,“ segir hann og
hlær. „Mér fannst eins og þetta
færi að breytast um miðjan tí-
unda áratuginn. Allt í einu fór
maður að taka eftir líflegri og af-
slappaðri framkomu fólks í fjöl-
miðlum. Fólk fór að mæta á rétt-
um tíma á fundi. Ég veit ekki hvað
gerðist nákvæmlega, en ég held
að innkoma nýrrar kynslóðar hafi
haft mikið með þetta að gera.“
Mike segir að fyrirboða þessa
hafi mátt greina meðal íslensks
markaðsfólks. „Þeir sem vinna á
því sviði eru margir yngri en ann-
ars staðar í viðskiptalífinu. Þetta
er vel menntað fólk sem hefur
búið og menntað sig í útlöndum.
Það hefur nægjanlega mikla
kunnáttu í ensku til þess að geta
rökrætt við mann um enskan
texta. Það er fullt af frábærum
hugmyndum. Hæfileikaríkt og
fágað og mér finnst unun að vinna
með því. Eini vandinn er að þegar
búið er að vinna úr frábærum
hugmyndum, stoppa þær stund-
um á íhaldssömum forstjórum.
Þeir eru sprottnir úr öðrum jarð-
vegi og hafa sumir ekki tileinkað
sér nýja hugsun. Eru stundum
fastir í klisjum um framsetningu
og tungumál. Þetta er synd, því
margar góðar hugmyndir ná ekki
alla leið vegna þessa. Þeir sjá
hlutina of mikið með íslenskum
augum.“
Evrópa er sexí orð
Glöggt er gests augað og Mike
segir Íslendinga oft hrædda við að
líta út sem montnir og hrokafullir
í því sem þeir senda frá sér. Texti
sem þannig líti út í augum Íslend-
inga líti til dæmis Bandaríkja-
menn á sem sjálfsagðan talanda.
Það sem Íslendingar telji gott og
gilt þyki flatt og óspennandi og
nái engri athygli hjá þeim ensku-
mælandi. Íslensku augun eru ekki
bara að gera minna úr sér en efni
standa til. Mike segir að við eigum
líka til að ofmeta þætti sem okkur
þykja merkilegir, en hafa enga
sérstaka skírskotun annars stað-
ar. „Gott dæmi um þetta er þús-
und ára afmæli kristnitöku á Ís-
landi. Menn voru að ræða það við
mig að hér yrði mikið af erlendum
fréttamönnum vegna hátíðarinn-
ar. Ég reyndi að segja mönnum að
það yrði ekki. Fólk horfði á mig
eins og ég væri antikristur. Málið
var að umheimurinn hafði engan
áhuga á þessu, kannski Vatíkanið,
en engar erlendar fréttastofur.
Menn voru kurteisir við mig, en
maður sá að þeir hugsuðu; þessi
maður er algjör vitleysingur.“
Annað sem Mike telur mis-
skilning í kynningu á landinu er
að kynna landið sem stað miðja
vegu á milli Evrópu og Ameríku.
„Það kann að vera eitthvað já-
kvætt við þetta, en neikvæðu hlið-
arnar eru miklu fleiri. Íslendingar
missa af gullnu tækifæri með
þessu. Bandaríkjamenn taka ekki
ákvörðun um ferðalög á grund-
velli þess hvort flug tekur fjóra
eða sex klukkutíma. Evrópa er
mjög sexý orð í eyrum þeirra.
Með því að senda skilaboðin um
að landi sé á milli Evrópu og Am-
eríku erum við að segja Ísland er
ekki Evrópu. Það á að kynna land-
ið sem Evrópuland og jafnvel sem
táknmynd Skandinavíu. Það er
búið að verja miklum peningum í
sem ná ekki til stórs hóps fólks.“
Mike brosir og segir að sumir
verði hissa og slegnir þegar hann
setji fram skoðanir sínar. „Það er
af nógu að taka. Fallegt fólk, nátt-
úra og mannlíf. Mér finnst fólkið
gleymast í kynningu á Íslandi.
Hér er siðmenning á háu stigi.
Kynnum fólkið og menninguna.“
Hann segist vera búinn að halda
þessu fram lengi og finnst hann
eiga svolítinn hlut í þeirri breyt-
ingu sem sé að verða á kynningu
landsins. „Næturlífið og orkan í
mannlífinu í Reykjavík er sér-
stök. Það voru mistök að breyta
opnunartíma skemmtistaðanna.
Borgin varð mögnuð þegar allt
þetta fólk safnaðist saman í mið-
bænum klukkan þrjú að nóttu.
Maður hitti fólk og það bauð
manni í partí. Þetta var sérstakt
og við eigum að snúa aftur með
þetta.“
Mike er sannfærður um að Ís-
lendingar séu fljótir að læra og á
réttri leið í markaðsmálum. Hugs-
unarháttur framleiðandans sé yf-
irsterkari hugsun sölumannsins í
menningunni. „Breytingarnar eru
geysilega örar. Ég hef komið inni í
fyrirtæki sem ráðgjafi og menn
hafa sýnt mér það sem þeir eru að
gera og beðið um ráð. Í eitt skipti
stóð ég upp og sagði: Þið eruð að
gera þetta rétt, ég get ekkert gert
fyrir ykkur. Menn urðu svolítið
hissa. Ég hafði ekki mikið upp úr
því verkefni,“ segir Mike
Handley sem féll fyrir Íslandi og
er óþreytandi við að kynna það
öðrum.
haflidi@frettabladid.is
17SUNNUDAGUR 23. nóvember 2003
Ekki gleyma þínu fólki í útlöndum um jólin
Jólapakkar með DHL á tilboðsverði – sama verð um allan heim*
Lítill pakki: 3.950 kr. (33x31x17 sm – Hámarksþyngd 10 kg) Stór pakki: 9.950 kr. (42x35x26 sm – Hámarksþyngd 30 kg)
Síðasti dagur til að senda jólapakka til landa utan Evrópu er 15. desember.
Síðasti dagur til að senda jólapakka til landa innan Evrópu og til Bandaríkjanna er 18. desember.
Pakkamóttaka opin alla virka daga frá 8.00 til 16.30.
DHL á Íslandi, Skútuvogi 1e. Sími: 535 1100.
Hafið samband við þjónustudeild DHL í síma 535 1122 fyrir sendingar utan höfuðborgarsvæðisins.
*Verð miðast við staðgreiðslu og staðlaða stærð kassa sem DHL útvegar þér að kostnaðarlausu – Tilboðið gildir til 1. janúar 2004.
D
H
L
FÆR IR Þ ÍNUM
JÓLIN
UMALLAN
HE
IM
ENGIN LETI Í LATABÆ
Mike fann ensk heiti á margar af persónum Magnúsar Scheving í Latabæ. Þeir unnu saman í upphafi að erlendri kynningu á Latabæ.
Mike segist gleðjast innilega yfir árangri Magnúsar.