Fréttablaðið - 23.11.2003, Blaðsíða 8
8 23. nóvember 2003 SUNNUDAGUR
Draumasonur
„Hreiðar er sonur eins og alla
foreldra dreymir um að eign-
ast, á allan hátt.“
Sigurður Arnór Hreiðarsson faðir Hreiðars
Más Sigurðssonar, forstjóra Kaupþings
Búnaðarbanka, í DV 22. nóvember.
Pólitík og hjátrú
„Líkt og annað eru stjórnmál
þáttur í sálarlífinu, oft í bland
við hjátrú.“
Guðbergur Bergsson,
í Fréttablaðinu 22. nóvember.
Hækkun á húsaleigu
„Það þarf engan snilling til að
sjá að stór hluti borgarbúa
hefur ekki lengur efni á að
leigja eða kaupa sér íbúð í
Reykjavík.“
Margrét Einarsdóttir varaborgarfulltrúi,
í Morgunblaðinu 22. nóvember.
Orðrétt
Ástralskar kindur bíða í óvissu:
Skinku blandað í fóðrið
ÁSTRALÍA Heill skipsfarmur af
áströlsku sauðfé, sem ætlunin var
að flytja á fæti til Mið-Austur-
landa, bíður nú örlaga sinna í
Ástralíu eftir að dýraverndunar-
sinnar blönduðu svínaskinku í
fóður kindanna, sem af trúarleg-
um ástæðum gerir afurðir þeirra
óætar fyrir múslíma.
Að sögn talsmanns ástralska
útflutningsráðsins er ekki vitað
hve margar þeirra 50.000 kinda
sem biðu útflutnings voru fóðrað-
ar með fóðrinu, en samkvæmt
áströlskum lögum er einnig
óleyfilegt að selja afurðir dýra til
manneldis, sem fóðruð hafa verið
með kjötafurðum.
Einn karlmaður hefur verið
handtekinn vegna málsins, grunað-
ur um að hafa blandað skinkunni í
fóðrið, en hann er félagi í dýra-
verndarsamtökum sem berjast
gegn útflutningi á lifandi sauðfé.
Þetta er í annað skipti á stuttum
tíma sem áströlsk stjórnvöld lenda
í hremmingum vegna slíks útflutn-
ings, en í haust þurfti skip með
50.000 kindur innanborðs að bíða í
ellefu vikur í Mið-Austurlöndum
eftir að þarlend stjórnvöld höfðu
bannað innflutning. Að lokum sam-
þykktu stjórnvöld í Eritreu að taka
við farminum án greiðslu en ekki
fyrr en hátt í 4000 kindur höfðu
drepist. ■
Átökin í Kasmír:
1.980 fallnir á þessu ári
Stjórnarmaður Tanga:
Sakar um svik
VIÐSKIPTI Ólafur Ármannsson,
stjórnarformaður Tanga hf.
Vopnafirði, sakar fyrrum fram-
kvæmdastjóra, Friðrik Mar Guð-
mundsson, um að hafa svikið
munnlegt samkomulag sem gert
var við hann við starfslok hjá
Tanga.
Samkomulagið snýst um að við
gerð starfslokasamnings þá hafi
Friðrik Mar lofað aðstoð sinni við
að tryggja áframhaldandi við-
skipti við þau færeysku skip sem
landað höfðu afla á Vopnafirði.
Þess í stað segist stjórnarformað-
urinn hafa beitt sér fyrir vegleg-
um starfslokasamningi. Friðrik
Mar neitar að tjá sig um ummæli
stjórnarformannsins, að því er
segir í Austurglugganum. ■
Óvenjulegt dómsmál:
Farþegi
dæmdur
ÓSLÓ, AP Nítján ára gamall Norð-
maður var fundinn sekur um
ölvunarakstur þó hann hefði að-
eins verið farþegi og ekki haft í
höndum lykla til að setja bílinn
sem hann sat í, í gang.
Norðmaðurinn Oysten
Haakanes var á leið heim úr
veislu ásamt vini sínum þegar
þeir ákváðu að koma við á bens-
ínstöð.
Á meðan vinurinn fór inn að
kaupa sér mat rakst Haakanes,
að eigin sögn, í gírstöngina með
þeim afleiðingum að bíllinn
rann af stað. Honum tókst að
stöðva bílinn með því að grípa í
handbremsuna. Lögreglumaður
sem varð vitni að atvikinu hélt
því fram við dómara að Haaka-
nes hefði sjálfur tekið bílinn úr
handbremsu. ■
Þegar þig langar
frá kr.
3.800
á mann
Næturgisting með morgunmat frá aðeins 3.800 kr.* á mann.
*Tilboðið miðast við tvo í herbergi og gildir í nóvember og desember.
• Flughótel • Flúðir • Rangá • Loftleiðir •
• Nordica • Hérað • Kirkjubæjarklaustur • Selfoss •
Sími: 444 4000
www.icehotels.is
Í ÓVISSU
Um 50.000 kindur bíða nú örlaga sinna
eftir að hafa étið skinkublandað fóður.
KASMÍR, AP Yfirvöld á Indlandi segja
að 1.980 manns hafi fallið í átökum í
indverska hluta Kasmír á fyrstu tíu
mánuðum ársins. Mikill meirihluti
fórnarlambanna voru óbreyttir
borgarar. Á sama tímabili á síðasta
ári létust 2.334.
Flestir hinna látnu voru múslim-
ar sem féllu fyrir hendi uppreisnar-
manna eða indverskra öryggis-
sveita. Alls hafa 65.000 manns farist
í héraðinu síðan uppreisnarmenn
hófu herferð sína árið 1989. Á annan
tug uppreisnarhópa berst fyrir því
að indverski hluti Kasmír fái sjálf-
stæði eða sameinist Pakistan. Yfir-
völd í Pakistan segjast styðja mál-
stað þeirra en neita því alfarið að
þau leggi þeim til vopn. ■
Álþynnuverksmiðja í athugun:
Ákvörðun
innan hálfs árs
ÁLÞYNNUVERKSMIÐJA Fulltrúar jap-
anska fyrirtækisins JCC, Japan
Chemistry Capacity, hafa komið
tvisvar hingað til lands en þeir
hafa áhuga á að reisa hér álþétta-
verksmðju.
JCC rekur nokkrar slíkar verk-
smiðjur í Japan en í þeim er fram-
leitt hráefni eða uppistaðan í raf-
eindaþétta, sem eru í öllum raf-
magnstækjum. Álþynnurnar eða
vafningarnir sem eru uppistaðan í
þéttunum, yrðu framleiddar hér
og fluttar út til verksmiðju sem
smíðar svo þéttana sjálfa. Reikn-
að er með að allt að 50 störf geti
skapast í verksmiðjunni sjálfri.
Framkvæmdakostnaður er tæpir
fimm milljarðar króna.
Þrír staðir koma til greina á Ís-
landi, Helguvík á Reykjanesi,
Straumsvík við Hafnarfjörð og
Rangárvellir ofan Akureyrar. Út
frá byggðapólitísku sjónarmiði
þykir líklegast að Akureyri verði
fyrir valinu, ef verksmiðjan á
annað borð verður reist hér.
Japanska fyrirtækið er að
skoða staðsetningu í fleiri löndum
en Ísland ku þó vera efst á blaði.
Þar kemur meðal annars til ódýr
raforka og vatn en af hvoru tveg-
gja þarf töluvert. Umhverfisþætt-
ir ráða líka miklu um staðarval.
Halldór Ásgrímsson, formaður
Framsóknarflokksins, kom í ræðu
sinni á miðstjórnarfundi flokksins
á dögunum inn á álþynnuverk-
smiðjuna. Halldór sagði að ef af
yrði hefði sendiráðið í Japan sann-
að tilvist sína enn frekar.
Reiknað er með að ákvörðun
liggi fyrir í upphafi næsta árs eða
innan sex mánaða.■
Fjárfestar í píramída án eigin vitundar:
Kæra misnotkun
á nöfnum
SÖLUKEÐJA „Þetta er gróf
misnotkun á nafni mínu og
ég mun kæra það mál til lög-
reglu,“ segir Bjarni Tómas
Sigurðsson, félagi í Sprink-
leNetwork á Íslandi, sem
segist hafa fengið plögg um
að hann væri orðinn einn af
þeim sem keypt hafa hluti í
sænska píramídanum. Hann
segist aldrei hafa verið
spurður og ekki lagt neina
peninga að mörkum.
Hann segir að Birna Sig-
fúsdóttir, æðsti maður á Ís-
landi, hafi augljóslega skráð hann
sem fjárfesti til að komast til auk-
inna metorða. „Ég er búinn að ræða
við lögreglu sem ráðlagði
mér að fá mig afskráðan.
En nú mun ég kæra því
skattalegur hagnaður af
þessu reiknast sem tekjur á
mig,“ segir hann.
Oddný Pétursdóttir hús-
móðir segist hafa lent í því
sama og verið skráð fyrir
eignarhlut án eigin vitund-
ar.
Birna Sigfúsdóttir sagði
að þetta hlyti allt að vera
misskilningur. Hún ætti
ekki hlut að máli þarna.
Hún sagðist vilja sjá staðfestingu
áður en hún tjáði sig frekar um
málið. ■
RAFEINDAÞÉTTAR
Þéttana er að finna í öllum rafmagnstækjum. Uppistaða í rafeindaþéttum er álþynnur og
eru uppi hugmyndir um að reisa verksmiðju hér sem framleiðir slíkar þynnur.
HERMAÐUR Í KASMÍR
Indverskur hermaður skýlir sér á bak við
brotinn veg í skotbardaga við
uppreisnarmenn í Kasmír.
BJARNI TÓMAS
SIGURÐSSON
Fjárfestir í Sprinkle
en var aldrei spurð-
ur.