Fréttablaðið - 28.10.2005, Blaðsíða 10

10 28. október 2005 FÖSTUDAGUR
3x15
Morð á Þingvöllum
Kilja á góðu verði
1.799 kr.
Ferðamenn finna lík í Drekkingarhyl
í Öxará sem reynist vera af ungri stúlku
af kúrdískum uppruna. Strax vaknar
grunur um svokallað heiðursmorð og
faðir stúlkunnar er handtekinn.
Sem fyrr er það lögfræðingurinn
glæsilegi og eitursnjalli, Stella
Blómkvist, sem glímir við að upplýsa
snúið morðmál.
„Dásamlega óvenjuleg stjarna
í glæpasöguheiminum.“
Frankfurter Rundschau
KOMIN Í
VERSLANIR
550 5000
AUGLÝSINGASÍMI
DÓMSMÁL Hjónin Baltasar og
Kristjana Samper, sem bæði starfa
sem listamenn og hafa verið sjálf-
stætt starfandi atvinnurekendur
mestan hluta ævi sinnar, hafa
stefnt Söfnunarsjóði lífeyrisrétt-
inda fyrir ólögmæta eignatöku.
„Þau eru sjálfstæðir atvinnurek-
endur, bæði komin yfir sextugt, og
það er verið að krefja þau um iðgjöld.
En það er bara þannig að fólk á þess-
um aldri mun aldrei mynda nein
réttindi, þannig að þetta er bara
eignaupptaka,“ segir lögmaður hjón-
anna, Steingrímur Þormóðsson.
Þegar lög voru sett nýverið um
skyldubundnar greiðslur sjálf-
stæðra atvinnurekenda í lífeyris-
sjóði var ekki gert ráð fyrir fólki
sem hefur alla tíð unnið sjálfstætt
og mun lítið eða ekki njóta líf-
eyris, ef það byrjar að greiða nú,
vegna þess hve upphæðin verður
lág þegar ber að greiða hana út,
þegar viðkomandi verður sjötug-
ur, að sögn Steingríms.
Héraðsdómur Reykjaness
mun væntanlega rétta í málinu
snemma á næsta ári.
- smk
Listamenn stefna Söfnunarsjóði lífeyrisréttinda:
Saka sjóðinn um
ólögmæta eignatöku
MENNTUN „Hugmyndin kviknaði
þegar ég fór sjálfur að takast
á við föðurhlutverkið og hugs-
aði um það hvernig gera mætti
stærstu viðfangsefni tilverunnar
að raunveru-leik,“ segir Ómar
Örn Magnússon, kennari við
Hagaskóla í Reykjavík.
Hann tók í gær við verðlaunum
Norðurlandaráðs, um einni millj-
ón íslenskra króna, sem Norræna
ráðherranefndin úthlutaði fyrir
námsefni í neytendamálum.
Ómar lýsir leiknum sem gagn-
virkum hermileik. „Nemendur
geta spilað stóru viðfangsefn-
in í tilverunni frá 20 til 50 ára í
þessum leik. Nemendur kynnast
því vali sem flestir einstaklingar
standa frammi fyrir á lífsleið-
inni. Þetta er sett fram sem kepp-
ni og námsefni í senn og veitt eru
verðlaun fyrir frammistöðu. Það
örvar nemendur og heldur þeim
að efninu. Menn geta safnað stig-
um, bekkurinn getur gert það og
jafnvel skólinn allur gagnvart
öðrum skólum,“ segir Ómar.
Alls bárust 24 tillögur í
samkeppninni, þar af átta frá
Íslandi.
- jh
Verðlaun Norðurlandaráðs fyrir nýstárlegt námsefni:
Tilveran í tölvuleik
MILLJÓN Í VERÐLAUN Ómar Örn Magn-
ússon kennari og Valgerður Sverrisdóttir
iðnaðar- og viðskiptaráðherra
FÉLAGSVÍSINDI Þetta er í sjötta sinn
sem slík „uppskeruhátíð“ félags-
vísinda er haldin við Háskóla
Íslands. Alls verða haldnir 122
fyrirlestrar í 33 opnum málstof-
um. Að dagskránni standa Félags-
vísindadeild, Viðskipta- og hag-
fræðideild og Lagadeild HÍ.
Ein málstofanna 33 fjallar um
stöðu smáríkja í Evrópusamrunan-
um. Gunnhildur Lily Magnúsdóttir,
doktorsnemi í stjórnmálafræði við
HÍ og háskólann í Lundí, flytur
einn þeirra fyrirlestra sem áhuga-
sömum gefst þar færi á að hlýða á.
„Fyrirlesturinn fjallar um getu
og leiðir smáríkja almennt til áhr-
ifa í alþjóðasamstarfi með því
að þau nota úrræði sem ég kalla
hugræn úrræði,“ segir Gunn-
hildur í samtali við Fréttablaðið.
„Hugræn úrræði eru almennt
séð öðruvísi úrræði en stór ríki
nota til að hafa áhrif. Hefðbund-
in valdatæki stórra ríkja byg-
gja á tölulegum styrk svo sem
stórri stjórnsýslu, hernaðar- og
efnahagsmætti. Hugræn úrræði
byggja aftur á móti á eigindleg-
um þáttum,“ útskýrir hún. „Dæmi
um þetta er hvernig lítil ríki nýta
sérþekkingu sem leið til aukinna
áhrifa og hvernig þau eru talin
fyrirmynd annarra ríkja í ákveðn-
um málaflokkum, til dæmis í
umhverfismálum, og nýta þá
ímynd til að sannfæra önnur ríki,
stór sem smá, um að þeirra leið sé
rétta leiðin.“
Spurð hvort þá væri hugsan-
legt að Ísland nýtti sér viður-
kennda sérþekkingu sína í fisk-
veiðistjórnunarmálum til að hafa
áhrif, til dæmis á stefnu Evrópu-
sambandsins í þeim málum, segir
Gunnhildur það vissulega hugs-
anlegt. Í doktorsrannsókninni sé
hún að skoða sérstaklega hvernig
norrænu ríkin innan ESB - Finn-
land, Svíþjóð og Danmörk - beiti
sér til að hafa áhrif á stefnu ESB
í umhverfismálum og félagsmál-
um. Tilgangurinn sé ekki síst að
draga ályktanir sem heimfæran-
legar væru á stöðu Íslands í evr-
ópsku og alþjóðlegu samstarfi.
En niðurstöður rannsóknar
sinnar til þessa orðar Gunnhildur
svona: „Smáríki eru ekki dæmd
til að vera áhrifalaus í alþjóða-
samstarfi. Þau geta skipað sér í
forystu og aukið áhrif sín innan
ákveðinna málaflokka með því
að beita markvisst hugrænum
úrræðum.“ audunn@frettabladid.is
Ekki dæmd til
áhrifaleysis
Undir yfirskriftinni Þjóðarspegillinn 2005 kynna í
dag vel á annað hundrað fræðimanna rannsóknir í
félagsvísindum við Háskóla Íslands.
GUNNHILDUR LILY MAGNÚSDÓTTIR
Hugræn úrræði nýtast smáríkjum til áhrifa.
FRÉTTABLAÐIÐ/E.ÓL.