Tíminn - 05.03.1960, Blaðsíða 4
4
T f M I N N, laugardaginn 5. marz 1969.
Sextíu ára i dag:
Skúli Jóhannesson á Dönustöðum
Sextugur er í dag Skúli Jóhann-
esson bóndi á Dönustö&um í Lax-
árdal í Dalasýslu. Hann er fæddur
að Sauðhúsum í sömu svei-t, sonur
hjónanna Ingihjargar Þorkelsdótt-
ur og Jóbannesar Jóhannessonar,
er síðar bjuggu í Pálsseli og víðar
i Laxárdal. En uin tveggja ára ald
ur fluttist hann til þeirra hjóna
Viktoríu Kristjánsdóttur frá Vig-
ur í ísafjarðarsýslu og Daða bónda
Halldórssonar á Dönustöðum. Ólst
hann upp hjá þeim frá þeim tíma,
en þau voru sjálf barnlaus.
Þegar þau hættu búskap, tók
Skúli við jörðinni og hefur upp
frá því rekið þar hið mesta mynd-
arbú. Dönustaðir, hið forna óðal
Steindórs Ólafssonar pá, eru ein
af mestu og beztu jörðum í Dala-
sýslu. Túnstæði fagurt og víðlent
en beitilönd mikil til fjalla og
heiða. Er því ekki heiglum hent
að nytja hana svo vel sé. En Skúli
hefur setið hana af dugnaði og stór
hug, byggt að nýju öll hús jarðar-
innar, gripahús og heyhlöðu fyrir
fjölda fjár, auk kúa og hrossa, eru
{)ær byggingar úr timbri og járni.
Á Dönustöðum var forn torfbær,
mikill og vandaður. Það slys vildi
til, að eitt sinn er bóndi var fjar-
verandi, kviknaði í honum og
brann hann til kaldra kola ásamt
nær öllu sem í honum var af dauð-
um munum, þar á meðal allmiklu
fágætra bóka. En Skúli lét sér
ekki bregða, heldur byggði vandað
íbúðarhús úr steinsteypu í stað
bæjarins.
Túnið sléttaði hann, girti það og
jók við það geysimikilli nýrækt.
Þá virkjaði hann bæjargilið og
setti þar upp eina fyrstu heimilis-
rafstöð í Dalasýslu til Ijósa og
suðu.
Á búskaparárum Skúla hafa
sauðfjársjúkdómar herjað Dala-
sýslu tvívegis, sem kunnugt er.
j Hefur hann því, eins og fleiri
bændur þar, orðið að koma upp
fjárstofni sínum, ekki einu sinni,
I heldur þrisvar. En í öll skiptin
; hefur Skúla tekizt að komast í röð
! fjárflestu bænda sýslunnar, og er
' hann það enn, þótt mikla örðug-
! leika hafi þurft yfir að stíga.
1 Árið 1925 kvæntist Skúli heit-
mey sinni Lilju Kristjánsdóttur,
en hún er dótturdóttir hins kunna
atorku- og heiðursmanns Cýrusar
Andréssonar frá Hellissandi. Eru
þau hjón uppeldissystkin. Þau
eignuðust sex dætur og og einn
son, Daða, mikinn efnismann erj
lézt um tvítugsaldur af slysi, er|
bann var við nám og starf í Norra-i
hammar í Svíþjóð. Varð hannj
mjög harmdauði öllum er þekktu|
hann, skyldum sem óskyldum. Syst'
urnar eru allar uppkomnar, tværl
þeirra giftar og býr önnur þeirra
á nýbýli, sem byggt er úr landi
Dönustaða. ein er kennari og
i
m
1
\
!
Jón Aðalsteinn
Stefánsson,
Möðrudal
áttræðnr 22.
febrúar 1960
í Möðrudal svo hátt til heiða
heim til þín. Jón, er gott að ná.
Af villustigum langra leiða
ljós er brautingjum að sjá.
Finnst ei neinn um frónið breiða
frjálsar er menn heilsar á.
Afbragðsmanni ísland sneyða
óhöpp, loks þín hverfur brá.
Færri mun þá fákur skeiða
fram um veg og ljósa gljá.
Úr þér seint mun Elli deyða
íhugan og fræðaþrá.
Áttræður þú enn munt seyða
að þér fólk og skemmtun ljá.
Tímir stöðugt tíma að eyða
til að reyna að fræða þá.
Ég vil því allra beztu beiða
bæna og þér til handa fá,
og þakka margan góðan greiða
gerðan þínu húsi frá.
Helgi Hóseasson.
þrjár hinar yngstu dvelja enn að
nokkru leyti á æskuslóðum.
Heimili þeirra er rómað fyrir
gestrisni, góðvild og myndarskap,
þar er öllum gott að koma, enda
mikið um gestaferð bæði fyrr og
síðar, því aðalvegurinn fram hina
fjölbyggðu .sveit, Laxárdal, liggur
við bæjarvegginn. Má segja að
þau hjón hafi byggt skála sinn
yfir þjóðbraut þvera, í þess orðs
beztu merkingu. Á hans ágæta
kona sinn ríka þátt í reisn heim-
ilisins.
Þrátt fyrir umsvifamikinn bú-
skap, önn hins sístarfandi manns,
hefur Skúli Jóbannesson tekið
allmikinn þátt í öðrum störfum.
Á unga aldri starfaði hann lengi í
Ungmennafélaginu Ólafi pá, og
var formaður þess um skeið. Hef-
ur hann æ síðan verið hliðhollur
félagsskap æskumanna og talið
það hið bezta veganesti hvers ung-
lings að verða þroskuð félagsvera.
Bókasafn stofnaði hann ásamt ná-
grönnum .sínum, og hafa þau hjón
barizt mikið fyrir vexti þess og
viðgangi, haldið samkomur á heim
ili sínu til stvrktar því og léð húsa-
kynni fyrir safn, en séð um útlán.
Þá hefur hann og setið í stjórn
Laxárdalshrepps. Skúli hefur
lengst af átt sæti í stjórn Fisk-
ræktar- og veiðifélags Laxdæla og
lagt á sig mikil störf í þágu þess.
Veiðiáin Laxá í Dölum rennur rétt
við túnfótinn á býli hans og hafa
laxveiðimenn víðsvegar af land-
inu miklar sögur að segja af hjálp-
semi Skúla bónda, dugnaði hans
og drengskap í þeirra garð, er
þei.m reið mest á, gestrisni og
greiðasemi. íWb/
Skúli á Dönustöðum hafði mikið
yndi af hestum, eins og fleiri Lax-
dælingar hafa jafnan átt þátt í,
meðan hestar og reiðmenn settu
sinn skemmtilega svip á umferð-
ina í dalnum. Atti hann oft góða
hesta og var duglegur ferðamaður,
enda þess jafnan brýn þörf, þar
sem fremst úr dalnum voru við-
skipti ætíð að miklum hluta við
Borðeyri við Hrútafjörð og yfir
heiði að sækja. Nú gegnir bíll-
inn hlulverki hestsins hjá honum
sem öðrum.
En þótt við sveitungar Skúla á
Dönustöðum vitum það sem hér að
framan hefur verið sagt og viður-
kennum, verður hann okkur þó
jafnan, hugrakkur og bjartsýnn á
hverju sem gengur, höfðingi heim
að sækja, hrókur fagnaðar í vina-
hópi, hýr við skál með vinum ef
svo ber undir einstöku sinnum, en
alltaf prúður. Framsóknarmaður
hefur hann verið svo lengi sem ég
man til, en manna sanngjarnastur
í skoðunum, og samvinnumaður af
lífi og sál. Og þó hann sé lipur-
menni í samningum, getur hann
verið svo þéttur fyrir að hvergi j
fái haggazt. Hagorður er hann
þótt dult fari með.
Við, sem þekkt höfum Skúla
fyrr og síðar, þökkum honum alla
alúð og vinfestu, biðjum heimili
hans og fjölskyldu sólríkra sumar-
daga, gæfu og gengis, en honum
sjálfum hressandi átaka, glaðra
stunda og stórra sigra enn um
langt skeið, enda mun það honum
helzt að skapi.
Kveðskap fer nú hrakandi víða,
svo í Dölum vestur sem annars
staðar, þó er rauluð staka þar
sums staðar enn. Og gaman vairi
að vera kominn fram að Dönustöð-
um í kvöld.
Gamall Laxdælingur.
Auglýsið
í Tímanum
Baldvin Rúnar Gunnarsson
Fæddur 6. febrúar 1957. — Dáinn 26. febrúar 1960.
KveSja frá mömmu, pabba, systkinum, ömmu og afa.
Það deyja tiðum lítil Ijós,
sem lifa jörðu á.
Og stundum fellur fögur rós,
sem fær ei þroska ná.
í skyndi lífs þíns brustu bönd,
ó, Baddi, hér á jörð.
Nú dýrðar sæl þín dvelur önd
með drottins englahjörð.
Þau liðu fljótt þín fáu ár
en fögur minning er,
og nú þig geymir herrann hár
í himins dýrð hjá sér.
Við áttum marga yndisstund
já, ungi vin með þér.
1 skyndi hlauztu banablund
það beiskur harmur er.
Og þín var ung og óspillt sál
til yndis hverja stund
og vonum framar vit og mál
sem vina gladdi lund.
En ó, þú iitla blessað barn,
sem beiðst ið harða stríð.
Nú ert þú laus við heimsins hjarn
og hættur alla tíð.
Æ, vertu sæll, 6 vinur kær
og víst skal minnast þín.
Sá guð, sem öllu lífið ljær
þig leiðir heim til sín.
A. P.
SAMKOMUR
í Dómkirkjunni
Kristilegt Stúdentafélag heldur almenna samkomu
í Dómkirkiunni í kvöld kl. 20.30.
Ræðumenn: Frank M. Halldórsson, cand. theol., og
sr. Bjarni Jónsson vígslubiskup.
Einsöngur og kórsöngur.
Allir velkomnir. 4=^
Stjómln.
•v ‘"V »-V •V*V»V*‘V«V»V»‘V»V«V«,V »v«v«v«v»v*v«v«v«v»v«v
Síðasti dagur
útsölunnar
er
í dag