Morgunblaðið - 24.01.1965, Blaðsíða 19
Sunnudagur 24. Jan. 1985
MORCUNBLADID
19
ÞAÐ VAE einu sinni keisara-
drottning i Austurlöndum,
sem ómögulega gat, eignast
barn með keisara sínum.
Vegna þess sendi hann að
liðnum sjö árum hana í burtu
og gaf henni heitið prins-
essa.
Eftir þetta eyddi hin ógæfu-
sama kona sex árum meðal
hinna indælu pabbadrengja
Vesturlanda, en sjöunda árið
hélt hún til kvikmyndaver-
anna til þess að láta Vestur-
löndum oig Austurlöndum í
té (með 20% ágóða) hið bezta,
sem hún réð yfir og með
Allahs hjálp að gera alLt gott
á nýjan leik.
Að sjálfsögðu myndi hún
aðeins vera kyrr og leika í
næstu mynd, sem þegar hafa
Soraya ásamt mótleikara sínum Alberto Sordi í kvikmyndinni: Þrjú andlit einnar konu.
„Mesta uppgötvun þessa áratugs“.
SORAYA
áður drottning Persa
nú mikilhæf leikkona?
verið gerð drög að, að hún
væri raunverulega einhvers
megnuig, en að það mætti
ekki bara græða á henni pen-
inga, fullvissaði prinsessan
blaðamann um, meðan á stóð
eitt hinna endalausu mynda-
hléa hennar í hinu nýbyggða
kvikmyndaríki Dino de
Laurentiis í Róm. Peningarn-
ir eru ekki það, sem mestu
máli skipti fyrir hana, sagði
hún, enda þótt hún dragi
enga dul á það, að frá því að
hún yfirgaf Teheran hafi hún
ekki fengið fé þaðan framar.
Það sem máli skiptir, sagði
hún, eru hinir raunverulegu
hæfileikar, enda þótt henni
væri enn ekki fullkomlega
ljóst, hvaða mat yrði lagt á þá
að lokum.
Nú að loknum erfiðum
kvikmyndatökum, sem staðið
hafa í fimm mánuði, kalla
minnstu hrósyrði fram gleði-
svip í andliti hennar, en það
er sá efnrviður, sem Dino de
Laurentiis hefur notað til
þess að fá fram kvikmynd
sína „Þrjú andlit einnar
konu“ og löksins hafði tekizt
eftir mikla þolinmæði um síð-
ustu áramót.
Þegar Dino de Laurentiis
er spurður að því, hvort hann
trúi á sigur uppgötvunar sinn-
ar, þá setur hann sig í stell-
ingar við gamal't skrifborð
með hendurnar á hjartastað
en hefur olnbogana á borðinu
og það liggur við, að brenn-
andi baráttuhugur og sann-
færing hans kveiki í hinni
íburðarmiklu skrifstofu, sem
er um 200 ferm. að stærð.
„Herra minn, Soraya er mesta
leikstjörnuuppgötvun kvik-
myndasögunnar á þessum ára-
tug“.
í febrúar mun hann — fyrst
í kvikmyndahúsum Ítalíu —
byrja á því, að beina augum
heimsins að hinni dásamlegu
uppgötvun sinni, sem þrátt
fyrir allan auðvaldskeim,
hefur einnig vakið mikinn
áhuga kvikmyndahúsa austah
járntjalds.
„Hvað hefði nú bara skeð,
ef þér hefðuð ekki gert þessa
uppgötvun“, spurði blaðamað-
urinn — og minntist neitun-
ar þeirrar, sem Luigi Luras-
chi, einn helzti aðstoðarmaður
Dino de Laurentiis, hafði áð-
ur veitt umboðsmanni Sor-
ayu, er hann var staddur í
Hollywood, það var áður en
hinn mikli Dino tók málið að
sér sjálfur. Hinn síðarnefndi
hristi höfuðið og svaraði:
„Það hefði verið sannkallað-
ur missir fyrir kvikmynda-
heiminn".
Leikkonan, sem frásögnin
hér að framan er af, er engin
önnur en Soraya fyrrum
Persadrottning. Dino de Laur-
entii, einn hinn helzti kvik-
myndaframleiðandi Ítalíu og
kvikmyndastjóri hans Michel-
angelo Antonioni, sem stjórn-
að hefur töku margra þeirra
ítalskra kvikmynda, sem
mesta viðurkenningu hafa
hlotið hin síðustu ár, eru stað-
ráðnir í því að gera þessa
konu, sem sveipuð er dular-
fullri blæju undarlegra og
miskunnarlausra örlaga, að
mikilli leikkonu og það sem
meira er, þeir telja sig þegar
hafa gert það.
Þeir hafa þegar lokið töku
fyrstu kvikmyndar hehnar
„Þrjú andlit einnar konu“
eins og greint er frá hér að
framan, og að henni lokinni
er það einróma álit þeirra, að
Soraya hafi hæfileika til þess
að verða mikil leikkona.
Henni er lýst sem glæsi-
legri og blíðlyndri konu. í
fimm mánuði samfleytt við
erfiðar kvikmyndatökur skipti
hún varla skapi, og enn síður
kom það fyrir, að hún fengi
taugaköst, sem mjög virðast
almenn og allt að því vinsæl
meðal annarra kvikmynda-
leikara. Hreyfingarlaus stóð
hún kyrr, þrátt fyrir það, að
hún væri skelfd, þegar þús-
undir ferðamanna í Aþenu,
slepptu fram af sér beizlinu
og þyrptust að senunni, sem
hún stóð á miðri, á meðan á
kvikmyndatökú stóð.
„Gleymið því ekki, að hún
var drottning í sjö ár“, er
svarið, sem gefið er, þegar á
það er minnzt, hve auðvelt
Soraya á með að hafa taum-
hald á frámkomu sinni.
Soraya, prinsessan og Ant-
onioni, sósíalistinn höfðu al-
drei séð hvort annað, áður
en framangreind kvikmynd
var tekin. Antonioni hafði þá
sagt, jafnan þegar hann heyrði
á hana minnzt, að hún væri
ekkert annað en það, sem
fjöldi kvikmyndastjarna væri
þ.e.a.s. brúða, sem stillt væri
upp fyrir fjöldann. Þegar
hann er spurður um álit hans
nú brosir hann í kampinn ötg
segir: „Nú segi ég allt annað
með hverjum deginum sem
líður“.
Með járnkaldri athygli horf-
ir hann í hin frægu græn-
leitu augu nemanda síns,
Sorayu, á meðan hún ýmist
styður velhirtum fingrum
sínum við nef sér eða snýr
skótánum inn á við hvorum
gegn öðrum, feimin og spennt.
Antonioni lætur hana ekki
hafa neinn texta til þess að
fara eftir, því að allt slíkt er
búið til jafn óðum, og kvik-
myndunin fór fram.
„Sérhver kvikmyndastjóri
hefur önnur vinnubrögð en
aðrir starfsbræður hans“, er
svar hennar, .þegar hún er
spurð að því, hvaða kvik-
myndastjórar falli henni bezt
í geð.
Þegar fréttamaður spurði
hana, hvort ekki hefði verið
betra fyrir hana, að velja sér
starfsvið, sem væri síður í
kastljósi almennings, þar eð
hún hefði svo lengi orðið að
þola forvitni fólks og löngun
þess til þess að fylgjast með
einkalífi hennar, svaraði hún
á svipaðan hátt og kvik-
myndastjörnur myndu al-
mennt gera: „Ég hef ekkert á
móti því, að vera þekkt og
umtöluð, þegar um starf mitt
er að ræða“.
Framtíðin ein sker úr um
það, hversu mikil leikkona
Soraya á eftir að reynast.
Eitt er víst, að margir, sem
vit telja sig hafa á kvikmynd-
um, hafa látið þau orð falla,
að hún hafi margt til brunns
að bera, og er þá ekki aðeins
átt við þá, sem saigt er frá
hér að framan heldur marga
aðra. Hinn frægi leikari og
kvikmyndastjóri Orson Welles
hefur t.d. látið mjög jákvæð
orð um hana falla, og það
mun vera maður sem veit
hvað -hann segir, þegar um
kvikmyndir er að ræða.
(Lauslega þýtt og endursagt
úr Der Spiegel.)
Soraya í 2. atriði.
AUtaf...............
Soraya í 3. atriði.
. . , nýtt andliL
ÍBLD
Þriggja herbergja íbúð óskast til leigu í vor til
nokkurra ára. — Fyrirframgreiðsla eftir sam-
komulagi.
GUNNAR ARTHURSSON
Efstasundi 12 — Sími 3-4671.
Til leigu
óskast 2—3 skrifstofuherbergi við Laugaveg, Banka
stræti, Austurstræti eða næsta nágrenni. —
Upplýsingar í síma 15963 á almennum skrifstofu-
tíma.
Braudstofan
Sími 16012
Vesturgötu 25
Smurt brauð, snittur, öl, gos
og sælgæti. — Opið frá
kl. 9—23,30.
Trúlofunarhringar
HALLDÓR
Skólavörðustíg 2.
Sölumenn
Iðnfyrirtæki óskar eftir að ráða góðan sölumann.
Viðkomandi þarf að hafa reynslu og þekkingu á
sölu og me'ðferð fatnaðar og vefnaðarvöru. Tilboðum
er greini aldur og fyrri störf, sé skilað á afgr. Mbl.
fyrir mánaðamót, merkt: „Sala — 6640“.
Trésmiður óskast strax
Líkkistuvinnustofa
Eyvindar Árnasonar
Laufásvegi 52.