Morgunblaðið - 19.10.1976, Blaðsíða 14

14
MORGUNBLAÐIÐ, ÞRIÐJUDAGUR, 19. OKTÓBER 1976
Takmarkið: Engin slysaalda 1 ár
Að
eltast
við
„stúta”
og
stripl-
inga
Þessi ungfrú hafðí stolist f Sundlaugarnar f Laugardal og synt þar nakin
ásamt félaga sfnum. Af skiljanlegum ástæðum er málað yfir andlitið.
Þetta tryllitæki þurfti að athuga
nánar. Of margir voru f bflnum, en að
öðru leyti var allt f lagi með hann.
Lögreglukonurnar Arnþrúður Karls-
dðttir (t.v.) og Björg Jóhannesdóttir
voru tvær saman f bfl. Þarna stumra
þær yfir unglingi, sem er ofurölvi og
ósjálfbjarga f Lækjargötu.
„Er allt f lagi með ökuskfrteinið lagsi,“
spyr Eiður, og það reyndist vera. Ann-
ars var áberandi hve margir höfðu
gleymt ökuskfrteininu heima. Þeir
voru sektaðir um 1000 krónur.
Baldvin varstjóri yfirheyrir ffkniefna-
manninn.
Ljósm. Mbl. Friðþjófur.
Eirfkur (t.v.) og Eiður stöðva bfla á Suðurlansbrautinni. Þarna reyndist allt
vera f stakasta lagi.
Morgunblaðsmenn á ferð
með lögreglunni um helgina
FYRSTU 9 mánuði ársins tók lögreglan f Reykjavfk 840 ökumenn vegna gruns um
ölvun við akstur. Af þessum f jölda voru 750 teknir f höfuðborginni sjálfri en 90 tóku
vegalögreglumenn úr lögregluliði Reykjavfkur á þjóðvegum landsins. A sama tfma f
fyrra hafði lögreglan tekið 913 ökumenn vegna gruns um ölvun við akstur, 848 f
borginni og 65 úti á þjóðvegum. Athyglisvert er, að f jöldi grunaðra er minni f ár en f
fyrra. Það sama var upp á teningnum milli áranna 1975 og 1974, þá fækkaði
grunuðum „stútum“ all verulega. Eins og gefur að skilja er ógjörnungur að dæma út
frá þessum tölum hvort færri aka ölvaðir f umferðinni en áður. Það er frekar að
fjöldi óhappa, sem ölvaðir ökumenn eiga hlut að, geti gefið einhverja vfsbendingu.
Þar hefur einnig orðið fækkun en voru 153 á sama tfma f fyrra.
ölvaðir ökumenn eru flestir teknir um helgar, enda það sá tfmi sem mest ölvun er í
borginni. A föstudags- og laugardagskvöldum er lögreglan með langmestan viðbún-
að. Þá eru annirnar mestar og brýnust þörf á eftirliti við vínveitingahúsin og með
umferðinni. Og ekki má gleyma útköllum í heimahús. Ef lögreglan þarf að hafa
afskipti af borgurunum þessi umræddu kvöld og næturnar á eftir, er það nær
undantekningalaust vínkonungurinn Bakkus, sem þar kemur nærri.
14 LÖGREGLUBlLAR
AÞÖNUM
UM BORGINA
Morgunblaðsmenn slógust 1 hóp lögreglumanna um miðnætti s.l. föstudag til að
fylgjast með eftirliti hennar með borgurunum og þá sérstaklega með ökumönnum.
Þetta eftirlit lögreglunnar er meira en hinn almenni borgari gerir sér vafalaust
grein fyrir. Umrædda nótt voru 14 lögreglubílar á þönum um borgina, þar af 4 bflar
á vegum umferðardeildar fram til klukkan fimm á laugardagsmorgun. Baldvin
Ottósson varðstjóri var á vakt þessa nótt og áður en Morgunblaðsmenn héldu út í
umferðina fræddi Baldvin okkur um eftirlit umferðardeildar:
„A föstudags- og laugardagskvöldum er umferðardeildin með 4 bfla á ferð í
höfuðborginni og eru þeir hafðir eins lengi úti og þurfa þykir. Hlutverk þeirra er
aðallega fólgið f almennu umferðareftirliti en þó er sérstaklega fylgst með ökumönn-
um, því þetta er sá tími sem mestar lfkur eru á ölvun við akstur. Okkar markmið er á
ná strax til þessara ökumanna, áður en þeir lenda f slysum og óhöppum. Þetta eru
því slysavarnir. Vitaskuld getum við ekki athugað nema brot af þeim bílum, sem í
umferðinni eru hverju sinni, og í lang flestum tilfellum er allt í lagi með
ökumennina. En í sumum tilfellum er það ekki, og eru þeir ökumenn umsvifalaust
færðir niður á lögreglustöð og látnir blása þar í blöðru. Ef sú prófun gefur jákvæða
niðurstöðu, er ökumaðurinn fluttur á slysadeild Borgarspftalans og tekur úr honum
blóðsýni. Það er okkar reynsla að fólk tekur það ekki illa upp þótt það sé stöðvað til
að athuga hvort um ölvun sé að ræða. Eólki finnst gott að vita af svona ströngu
eftirliti. Þeir sem lenda í þvf að vera stöðvaðir, bæði ófullir og fullir, hugsa sig
eflaust tvisvar um áður en þeir setjast ölvaðir undir stýri þannig að þetta eftirlit er
einnig fyrirbyggjandi.“ A FERÐ MEÐ
LÖGREGLUBÍL NR. 21
Nú var haldið út í umferðina á lögreglubíl nr. 21 með lögreglumönnunum Eiði
Eiðssyni og Eiríki Beck. Þetta voru hressir náungar sem greinilega kunnu sitt starf
vel. Þetta var um miðnættið. Þeir félagar óku vítt og breytt um borgina og hikuðu
ekki við að stöðva bifreiðir ef þeir sáu ástæðu til. Sumir voru ljóslausir, ljós voru f
ólagi á öðrum, f sumum bflanna var of margt fólk og þannig mætti áfram telja.
Áfengisstybbu lagði út úr einstaka bíl og voru ökumenn þeirra þá látnir stíga út úr
þeim eða jafnvel látnir koma f yfirheyrslu f lögreglubílinn. 1 öllum tilfellunum
reyndist stybban vera út úr farþegum, enginn bílstjóranna sem þeir Eiður og
Eirfkur stöðvuðu hafði bragðað áfengi.
Um hálfeittleytið var farið niður í miðbæ. Þar var gífurlegur fjöldi ungmenna og
margt tryllitækið. Þeir félagar stöðvuðu eitt þeirra, gamian Oidsmobile, af þeirri
tegundinni sem þótti hvað glæstust upp úr 1960. Bíllinn reyndist í lagi og ökumaður-
inn sömuleiðis en rangt var skipað í bflinn. Var skrifaður sektar miði á það brot en
nokkrir slíkir miðar voru skrifaðir þesa nótt. Ur miðbænum lá leiðin að skemmti-
stöðum borgarinnar. Klukkan nálgaðist eitt og heyra mátti í talstöðinni að útköllum
fjölgaði jafnt og þétt. Við Glæsibæ komu Eiður og Eiríkur auga á leigubíl, sem
ástæða þótti til að athuga vegna skringilegs ökulags. Venjulega er ekki ástæða til að
athuga leigubila, en þarna var eitthvað óvenjulegt á seyði. En skýringin kom f ljós,
farþegi f bílnum var mállaus og átti því í erfiðleikum með að gera sig skiljanlegan og
bflstjórinn átti þar með í erfiðleikum með að finna réttu leiðina. Við Klúbbinn
þurftu lögreglumennirnir að greiða úr umferðarhnút. Notaði þá maður einn
tækifærið og gaf sig á tal við Eið og Efrfk. Var erindið að kæra dyraverði Klúbbsins.
Var maðurinn beðinn að koma niður á stöð morguninn eftir. Ekki var maðurinn viss
um að hann nennti því þegar hann vaknaði morguninn eftir. Bar hann fram þá
merku ósk að mega dúsa í fangelsi um nóttina, það myndi tryggja það að hann kærði
dyraverðina! Þeir félagar báðu manninn vel að lifa og héldu áfram ferðinni.
Maðurinn hefur væntanlega verið þeim þakklátur þegar hann vaknaði heima hjá sér
morguninn eftir en ekki f Hverfissteini.
STUTAR og
STRIPLINGAR
Klukkan hálf tvö var tilkynnt um bfl utan vegar á Sléttuvegi við Kringlumýrar-
braut. Ungur meður hafði tekið bilinn í leyfisleysi og var ölvaður I þokkabót. Missti
hann bilinn útaf veginum og lenti i höndum lögreglunnar. Þegar bíll 21 var staddur
á Sléttuvegi kom skyndilega kall um að striplingar væru að baða sig f leyfisleysi f
Sundlaugunum í Laugardal. Brunað var á staðinn á fullu og mikið rétt. Þar var nakið
par að synda f lauginni. Parið var drifið í fötin og keyrt niður á lögreglustöð, þar sem
það var krafið skýringa á hátterni sfnu.
Nú var klukkan orðin tvö og þeir félagar, Eiður og Eiríkur, óku að gatnamótum
Suðurlandsbrautar og Alfheima. Þar lögðu þeir bílnum, gengu út á götuna og
stöðvuðu hvern einasta bfl. Það var enginn möguleiki fyrir neinn að sleppa.
Stöðvuðu þeir tugi bfla en allt reyndist vera í stakasta lagi. Svona athuganir voru
gerðar víðar um borgina, en sama var upp á teningnum. Skömmu fyrir klukkan þrjú
var stöðvað á öskjuhlfð og beðið eftir „lfklegum" bflum.
GRIPINN MEÐ
FlKNIEFNI
Allt f einu kom fóiksbifreið á mikilli ferð. Hún var stöðvuð og bifreiðastjórinn
tekinn til yfirheyrslu. Bflstjórinn kvaðst vera þreyttur og það gat svo sem passað, því
þreytulegur var hann. En lögreglumennirnir fundu á sér að eitthvað var ekki í lagi
og þeir ákváðu að fara með manninn á stöðina. Eirfkur settist upp f fólksbflinn og ók
á eftir lögreglubflnum niður á stöð. Á leiðanni fór hann að gramsa f hillu milli
framsætanna og viti menn: Þar var allstór hassmoli og amfetamfnduft í álpappfr.
Hófust nú strangar yfirheyrslur hjá Baldvin varðstjóra, maðurinn var látinn blása f
blöðru og fulltrúi borgarlæknis var kallaður niður á stöð til að lfta á manninn. Að þvf
búnu var hann færður f fangageymsluna og um morguninn beið hans yfirheyrsla hjá
ffkniefnadeildinni.
Fremur er sjaldgæft að bflstjórar séu gripnir með fíkniefni. Algengara er að taka
drukkna ökumenn við stýrið. 4 slfkir voru teknir þessa nótt en enginn þeirra af
félögunum Eiði og Eirfki. En þrátt fyrir að bfll nr. 21 hefði engan ,,stút“ tekið þessa
nótt sannfærðust Morgunblaðsmenn um það, að lögreglan hefur geysigott eftirlit
með umferðinni um helgar þegar hættan er mest á góðglöðum ökumönnum í
umferðinni. Það er þvf vissast fyrir ölvaða ökumenn að taka ekki „sénsinn" næst
þegar þeirri hugsun skýtur upp hjá þeim að setjast undir stýri.
—SS.