Morgunblaðið - 07.04.1977, Blaðsíða 7
nema í útliti samt. Vona að Guð
gefi að þú verðir staðfastari í
áformum þinum, og njótir fylli-
lega þeirrar kennslu, sem þú nú
hefur. Þvi al|t er undir því komið
að læra sem mest á þessum árum,
því nú ertu móttækilegust fyrir
öllum utanaðkomandi áhrifum,
og þess vegna um að gjöra að taka
aðeins hið háfleyga og fagra i
þjónustu sina. Þú munt skilja það
siðar meir. Þú hefur ágæta kenn-
ara: Móður þína og svo Þórarin,
og er því um að gjöra að nota
kennsluna. Allt er undir því kom-
ið. Því nú er samkeppnin orðin
svo mikil í heiminum. Annar hver
unglingur lærir að spila á hljóð-
færi. En svo þegar út í heiminn er
komið finnur maður hve lítill
maður er innan um hundruð snill-
inga. En svo veit ég að þú ert
framúrskarandi dugleg og
myndarleg lítil stúlka. Það er nú
gaman fyrir þig að fara f skólann
og læra á bókina um veröldina frá
upphafi og svo margt og margt.
Það er víst óhætt að segja að
unglingar fá ekki betri menntun í
heiminum en i skólanum heima
og er gaman fyrir þig þegar út i
heiminn er komið að vita meira
en jafnöldrur þínar. Og ef þú æfir
þig vel að spila, þá gæti farið svo
að þú yrðir ein af snillingunum
en til þess þarf mikla æfingu og
stöðuglyndi, annars verður ekk-
ert nema kák úr því öllu saman.
Það verður enginn snillingur
nema með mikilli æfingu og föst-
um ásetningi um að komast í þá
röð listamanna. . .“ Síðan lýsir
Bjarni ýmsum snillingum tónlist-
arinnar sem hann hefur haft
tækifæri til að hlýða á í New
York, svo sem Paderevsky,
Rachmaninoff, og söngvaranum
Teodor Sjaljapin, og bætir við:
„Evrópusnillingarnir koma hing-
að flestir tii að ná í gullið, og ef
þeir eru verulega góðir þá komast
þeir hátt. En ef svo fer að
Amerika er ekki neitt sérlega
hrifin af þeim sumum, þá fara
þeir til Evrópulandanna með sárt
enni; og gera ekki annað en að
skíta Ameríku út á allan hátt sem
er ekki rétt.. .“
Heim aftur
Hrakningum Bjarna í Vestur-
heimi var þó ekki lokið. Nú kom
kreppan og atvinnuleysið og með-
al þeirra sem misstu vinnuna var
Bjarni Björnsson. „Ég vildi leggja
á flótta heim,“ segir hann í við-
tali. „En það var hægara sagt en
gert. Loks tókst mér að afla mér
fyrir fari og heim komst ég með
einu lystiskipinu 1930.“ Þegar
heim kom kvæntust þau Torfhild-
ur og Bjarni, og árið eftir eignuð-
ust þau aðra dóttur, Björgu.
íslendingar höfðu heldur ekki
gleymt'Bjarna, og fljótlega öðlað-
ist hann fyrri hylli og hann hafði
áður notið i Bárunni og á fjölum
Iðnó. Haustið 1931 var hann aftur
kominn i þjónustu Leikfélagsins
og lék aðalhlutverkið I Drauga-
lestinni. Guðni Jónsson skrifar
leikdóm í Morgunblaðið um leik-
inn og segir þar um framlag
Bjarna: „Aðalhlutverkið leikur
Bjarni Björnseon. Hann hefur
ekki leikíð hér í Reykjavik í siðast
liðin 15 ár, en var þá þegar orðinn
vinsæll leikari. Eftir það fór hann
til Hollywood og lék í kvikmynd-
um um nokkurt skeið og var kom-
inn þar vel á veg. Er hann nú
kominn heim aftur og munu allir
leikvinir bjóða hann velkominn á
íslenzka leiksviðið aftur. I hlut-
verki Teddy Deans tókst honum
ágæta vel og höfðu allir af honum
hina beztu skemmtan. Hvíldi
leikurinn mjög á honum frá upp-
hafi til enda. Veit ég satt að segja
ekki hver hefði átt að leika það
hlutverk ef Bjarna hefði ekki not-
ið við.“
Bjarni lék einnig með Leik-
félaginu öðru hverju næstu árin,
meðal annars Sherlock Holmes á
nýjan leik og hreppstjórann i
Gullna hliðinu, þegar það var
fyrst flutt. Þess á milli einbeitti
hann sér að gamanvísunum og
eftirhermum, og söng þá inn á
þær hljómplötur sem enn heyrast
f útvarpinu. Fyrstur íslenzkra
leikara hlaut hann listamanna-
styrk Alþingis árið 1936 og notaði
þá tækifærið til að fara til Óslóar
og Kaupmannahafnar, þar sem
hann söng islenzkar og danskar
gamanvísur í útvarp í báðum
löndunum. Helztu dagblöðunum í
báðum þessum borgum þótti tölu-
vert til komu Bjarna koma og áttu
við hann viðtöl um feril hans. I
viðtali í Politiken var hann spurð-
ur að því hvort hann gæti lifað af
leiklistinni einni saman, og hann
svaraði því til að hann hefði árið
áður hlotið listamannastyrk.
„Þess vegna gat ég i ár tekið mér
nokkurra mánaða frí til að kynna
mér leiklist i Noregi og Dan-
mörku. Kannski held ég smá
skemmtun hérna og syng þá um
Stauning i stað alþingismann-
anna. Þó ég hafi iðulega sungið
meinlega um þá karla, hafa þeir
ekki hefnt sin á mér heldur þvert
á móti látið mig fá listamanna-
etyrk með samhljóða atkvæðam
— ég er eini leikarinn á Islandi
sem hef fengið hann. Eins og lifið
hefur leikið við mig upp á siðkast-
ið er ég þess vegna alls ekki leið-
ur yf þvi að Barney Bronson var
eftir í Hollywood og Bjarni
Björnsson fór heim til íslands."
Bjarni Björnseon var sáttur við
hlutskipti sitt í listinni þegar
hann andaðist i Reykjavik í febrú-
ar 1942. Brýning Halldórs
Laxness til Bjarna hafði orðið að
áhrinsorðum — „þú átt að birtast
aftur heima, því það er betra að
verða ógleymanlegur hjá smárri
þjóð, en hverfa inn í þetta garg-
STORKOSTLEGT URVAL
MJÖG VÖNDUÐ GOLFTEPPIVERÐ FRÁ KR.1.800 FERM.
VINYL GOLFDUKUR
Verð frá kr. 1.400 ferm.
KORK-GÓLFFLÍSAR
Verð frá kr. 2.780 ferm.
VINYL VEGGFÓÐUR
Verð frá 600 rúllan
NÝIR LITIR
MALNING OG
MÁLNINGARVÖRUR
Frá helstu framleiðendum
STAÐGREIÐSLU
AFSLÁTTUR
HVORTSEM KEYPTER
MIKIÐ EÐA LÍTIÐ.
10%
Það munar
um minna
Vandaður CONDAKT-pappír — litaúrval mikið.
TEPPI í BÍLA — RYA OG ESCERONA — VÖNDUÐ TEPPI í SÉRFLOKKI.
Lítið við í
LITAVERI
því það
hefur
ávallt
borgað sig
m
LEÐURLIKI, BREIDD 138 CM
— Glæsilegir litir —
i
Hreyfilshúsinu, Grensásvegi 18