Morgunblaðið - 18.12.1977, Blaðsíða 25
MORGUNBLAÐIÐ, SUNNUDAGUR 18. DESEMBER 1977
25
Geirlaugur Árnason:
Söngur Kirk ju-
kórs Akraness
í Morgunblaöinu 14. des. s.l.
birtist gagnrýni, ef hægt er að
kalla það því nafni, um söng
Kirkjukórs Akraness. Greinarhöf-
undur er aðaltónlistargagnrýn-
andi Morgunblaðsins, Jón As-
geirsson. Hann byrjar greinina
með því að lýsa því yfir, að hann
hafi því miður ekki getað hlýtt á
nema hluta af efnisskránni sök-
um þess, að hann hafi þurft að
hlýða á aðra tónleika, sem fram
fóru á sama tíma. Leggur hann til
að þeir sem hyggi á hljómleika-
hald í Reykjavík hafi samráð sín á
milli, svo að ekki þurfi að koma til
slíkra árekstra eins og s.l. sunnu-
dag. Væri ekki tilvalið að Jón
Asgeirsson tæki að sér að skipu-
leggja allt ónleikahald í Reykja-
vik, svo að tryggt væri að hann
þyrfti ekki að vera svona eins og
fló á skinni og þeysast á milli
staða, fyrst að Morgunblaðið hef-
ur ekki ráð á að hafa nema einn
gagnrýnanda.
Gagnrýni getur verið nauðsyn-
lég, ef hún er byggð á réttsýni og
sanngirni. Það snerti mig illa þeg-
ar ég las þessa grein og mér
fannst vera farið illa með vini
mína úr minni gömlu heima-
byggð. Ég átti þess kost að hlýða á
þessa hljómleika frá upphafi til
enda og er ég ekki á sömu skoðun
og Jón, nema að litlu leyti.
Kirkjukór Akraness er að
leggja upp í söngferð til Israels og
mun syngja þar um jólin. Það er
vissulega mikill heiður sem kórn-
um og söngstjóranum Hauki Guð-
laugssyni er sýndur með þessu
boði. Eftir því sem ég bezt veit er
tilboðið ekki fólgið í þvi að kynna
sérstaklega islenzk tónverk. Söng-
skráin er byggð upp á allt öðrum
forsendum.
Það vakti i upphafi hljómleik-
anna mikla athygli áheyrenda,
þegar söngfólkið gekk einn á svið-
ið, að kvenfólkið var klætt skín-
andi fallegum kyrtlum í bláum lit,
sem Katrín Agústsdóttir batik-
listakona hefur gert. Karl-
mennirnir voru klæddir dökkblá-
um jökkum og ljósgráum buxum.
Setti þetta mjög fallegan svip á
hópinn. Þar sem búið er að nefna
það neikvæða við þessa hljóm-
leika, vildi ég gjarnan minnast á
það, sem mér þótti jákvætt.
Það er útaf fyrir sig mjög at-
hyglisvert að hægt skuli vera að
bjóða upp á svo góðan og fjöl-
mennan kór frá stað, sem telur
innan við 5000 íbúa. Með kórnum
eru aðeins örfáar styrktarraddir.
Hvernig er þetta framkvæman-
legt? Það ver vegna þess að kórn-
um stýrir mjög vel menntaður og
hæfur söngstjóri. Hauk Guðlaugs-
son söngmálastjóra er óþarft að
kynna, hann er óefað einn af okk-
ar beztu listamönnum. Undirleik-
ÞU AUGLYSIR UM
ALLT LAND ÞEGAR
ÞÚ AUGLÝSIR í
MORGUNBLAÐINU
\l (.LVSIN<. \
SIMIW KK:
22480
ari með kórnum er frú Fríða
Lárusdóttir. Skilaði hún hlut-
verki sinu með mikilli prýði svo
að hvergi skeikaði.
Einsöngvarar með kórnum eru:
Ágúst Guðmundson, Friðbjörn G.
Jónsson, Agústa Agústsdóttir,
Guðrún Tómasdóttir og Halldór
Vilhelmsson. Guðrún Tómasdótt-
ir söng einsöng i tveimur síðustu
lögunum á efnisskránni. Fyrra
lagið Stjarnan, eftir Pablo Casals
úr óratóríunni E1 Pessebre. Lagið
er mjög fallegt og hefur aldrei
áður verið fluttt hér á landi. Enn-
fremur skilaði hún sínu hlutverki
mjög vel. Gjarnan hefði kórinn
mátt syngja meira úr þessu fall-
ega kórverki og sleppa sumum
öðrum lögum í staðinn.
Halldór Vilhelmsson söng ein-
söng í öðru israelsku laganna,
sem ekki hafa heyrst áður hér á
landi. Einsöngshlutverkið er ekki
stórt, en Halldór skilaði því vel.
Hann hefði mátt hafa stærra hlut-
verk svo góður einsöngvari sem
hann er.
1 heild var söngur kórsins fág-
aður og taktviss. Hljómur kórsins
er ekki mikill af 60 manna kór að
vera og hefði gjarnan mátt sýna
meiri tilþrif. Það er líka að-
finnsluvert hversu langur tími
fer í að gefa kórnum tóninn, þeg-
ar sungið er án undirleiks. Það á
ekki að þurfa að slá byrjunartóna
nema einu sinni fyrir söngvant
fólk.
Ég vil að endingu þakka kórn-
um fyrir þessa hljómleika og óska
honum góðrar ferðar til Landsins
helga.
Geirlaugur Árnason
Hvað er betra
en góður ilmur?
Ilmvötn
í gífurlegu úrvali
Einnig gjafakassar og baðvörur
ALDREI MEIRA ÚRVAL
ÞARFTU AÐ KAUPA?
ÆTLARÐU AÐ SELJA?
Þl AIGLYSIR l M ALLT LAND ÞEGAR
Þl ALGLYSIR I MORGlNBLAÐINt
Nýr íslenzkur
STEINLEIR
Ný lína í
kertastjökum
Komið og sjáið
nýja
íslenzka
steinleirinn
katlar
bollar
könnur
Opið ki. io—;
Verið velkomin
í Blómaval