Morgunblaðið - 17.02.1979, Blaðsíða 3
MORGUNBLAÐIÐ, LAUGARDAGUR 17. FEBRÚAR 1979
3
Ötæk vinnubrögð
hvemig framkvæmdin
hefur farið úrskeiðis
— segir Hjörleifur Guttormsson
„ÞETTA sýnist býsna vanda-
samt mál og þarna geta verið
verulegir hagsmunir í húfi
varðandi sölu á lagmeti til
Sovétríkjanna. Ég hyggst láta
líta á málið með tilliti til þess
að það skipti allnokkru máli að
bæta það tjón, sem mér sýnist
Sölustofnun lagmetis viður-
kenna að orðið hafi,“ sagði
Hjörleifur Guttormsson iðnað-
arráðherra, er Mbl. ræddi við
hann f gær um skemmdir á
framleiðslu K. Jónssonar & Co
á Akureyri. Um eftirlitið með
framleiðslunni og fram-
kvæmdaleysi á reglugerð iðnað-
arráðuneytisins sagði ráðherr-
ann, að hann teldi það ótæk
vinnubrögð, hvernig þessi mál
hefðu farið úrskeiðis og myndi
hann leita lausnar á því að
framleiðslueftirlit sjávaraf-
urða gæti annast eftirlitið.
Iðnaðarráðherra sagði sér
hafa verið ókunnugt um að
framleiðslueftirlitið gæti ekki
annast sitt starf sökum pen-
ingaleysis og hefði honum borizt
sú vitneskja „með öðru í sam-
bandi við þetta leiðindamál".
Ráðherra sagði að það væru
fleiri mál varðandi lagmetisiðn-
aðinn, sem hann vildi láta at-
huga. Meðal annars vildi hann
láta tryggja það að ráðuneytið
gæti fylgzt betur með fram-
kvæmd mála, en raun væri á.
Einnig sagði Hjörleifur nauð-
synlegt að setja reglugerð fyrir
þróunarsjóð lagmetisiðnaðarins
og kanna hráefnisöflun, þar sem
svo virtist sem ekki væri unnt
að afla verksmiðjunum nægilegs
hráefnis. Sagði Hjörleifur að
þessi mál yrðu unnin í samvinnu
við sjávarútvegsráðuneytið.
Söltunarstöðin á Hornafirði:
„Síldin söltuð eftir
fyrirmælum verk-
smiðjunnar”
MORGUNBLAÐIÐ sneri sér í
gær til Hermanns Ilanssonar
framkvæmdastjóra Fiskimjöls-
verksmiðju Hornafjarðar hf.,
en söltunarstöð fyrirtækisins
saltaði þá síld sem verksmiðja
K. Jónssonar á Akureyri notaði
í gaffalbitana, sem seldir voru
til Sovétríkjanna og reyndust
göiluð vara að hluta.
„Málið er það,“ sagði Her-
mann, „að við söltuðum 15 þús-
und tunnur af kryddsíld fyrir K.
Jónsson haustið 1977. Sérstakur
eftirlitsmaður verksmiðjunnar
fylgdist með söltuninni enda um
það samið og fylgdist hann með
því að síldin væri söltuð eins og
verksmiðjan vildi. Síldin var
síðan flutt jafnóðum til Akur-
eyrar hálfum mánuði eftir sölt-
un eins og verksmiðjan hafði
óskað eftir. í janúar 1978 var
gerð úttekt á síldinni fyrir
norðan og var matsmaður okkar
viðstaddur. Gaf sú úttekt ekki
tilefni til neinna athugasemda.
Þar sem allt var með eðlilegum
hætti töldum við að við hefðum
staðið við okkar hlut og værum
þar með úr myndinni."
Benedikt Gröndal
á fundi með SVS
Benedikt Gröndal utanríkisráð-
herra mun flytja erindi um ísland
og Atlantshafsbandalagið á
hádegisfundi, sem Samtök um
vestræna samvinnu (SVS) halda í
dag, laugardag, én síðan mun
utanríkisráðherra svara fyrir-
spurnum. Fundurinn sem hald-
inn verður f Hótel Esju, 2. hæð,
hefst kl. 12.15 og er opin félags-
mönnum SVS og Varðbcrgs og
gestum þeirra.
Sambandið
semur um
sölu á loðnu
til Japans
SAMNINGAR voru undirritaðir í
Reykjavík í gær milli sjávaraf-
urðadeildar Sambandsins og
japanska fyrirtækisins Mitsui og
Co Ltd um sölu á allri loðnu, sem
fryst kann að verða á þessari
loðnuvertíð í frystihúsum á veg-
um deiidarinnar. Komu tveir fulí-
trúar hins japanska fyrirtækis til
Reykjavíkur þeirra erinda að
,anga frá samningum.
Ógjörningur er að að áætla
hversu mikill hluti loðnunnar verð-
ur hæfur til frystingar að þessu
sinni. I fyrra féll loðnufrysting að
mestu niður en árin 1976 og 1977
voru frystar á vegum deildarinnar
milli 800 og 900 lestir af loðnu
hvort árið um sig.
Gert er ráð fyrir að Mitsui og Co
kaupi einnig öll loðnuhrogn, sem
fryst verða á vegum deildarinnar á
þessari vertíð og hefur einnig verið
gengið frá samningi um þennan
þátt framleiðslunnar.
EF ÞAÐ ER FRÉTT-
NÆMTÞÁERÞAÐÍ
MORGUNBLAÐINU
Ljósm: Gmiiía.
Örninn á Brjánslæk sem verið hefur þar til aðhlynningar undanfarið
er á góðum batavegi, en verður þó í mannahöndum enn um skeið.
Ríkisábyrgðasjóði sleginn
Fontur fyrir 570 millj. kr.
RÍKISÁBYRGÐASJÓÐI var í gær
sleginn togarinn Fontur ÞH 255 á
570 milljónir króna. en annað og
síðasta uppboð á togaranum lór
fram á sýslumannaskrifstofunni f
Húsavík í gær.
Sigurður Briem aðalfulltrúi sagði í
samtali við Mbl. í gær, að engin ný
boð hefðu komið fram við annað
uppboð, en við fyrra uppboð bauð
fiskveiðisjóður íslands 100 milljónir
króna og ríkisábyrgðasjóður 570
milljónir króna.
Erninum á
Brjánslæk
ekki sleppt
í bráð
Örninn sem nú dvelst sem gestur
á Brjánslæk á Barðaströnd vegna
veikinda er við ágæta heilsu. og
virðist taka eðlilegum framförum
að því er heimilisfólkið á Brjánslæk
tjáði Morgunblaðinu í gær.
Ekki er þó í bígerð að sleppa
erninum á næstunni, bæði er talið að
sárið þurfi lengri tíma til að gróa, og
svo hefur dýralæknirinn einnig ráð-
lagt að það verði ekki gert fyrr en
hlýrra er orðið í veðri.
Erninum hefur nú verið komið
fyrir úti í hlöðu, og þangað er honum
færður matur; fuglar sem reynt er að
ná í fyrir hann. Fyrst voru honum
gefnar rjúpur úr frysti, en þær
kláruðust fljótlega svo nú er reynt að
veiða eitthvað af fugli handa honum
eftir þVí sem færi gefst. Ekki hefur
sést til ferða annarra hafarna í
grennd við Brjánslæk að undan-
förnu, en særði örninn var í fylgd
tveggja annarra er hann náðist.
Útsýnarkvöld
Frmk/S'pmk háB
Hótel Sögu Súlnasal
sunnudaginn 18. febrúar
Kl. 19.00. Húsiö opnaö Hressandi drykkir og lystaaukar á bai~num.
Kl. 19.U5. Veizlan hefst stundvíslega með Gigot d‘agneau a la Bretonne
frönskum kræsingum undir stjóm franska matreibslumeistarans
Francois Fon‘s. Matarverö aöeins kr. 3.500-
*Tízkusýning
Modelsamtökin sýna dömu- og
fermingafatnaö frá Verðlistanum
meöan á boröhaldi stendur.
★ Feguröarsamkeppni:
Ljósmyndafyrirsætur Útsýnar.
Stúlkur 17—22 ára valdar úr
hópi gesta. 10 Útsýnarferöir í
vinning. Forkeppni.
★ Feröadagatal
og bráðabirgðaáætlun og
verðskrá lögð fram með
ótrúlega fjölbreyttum og hag-
kvæmum Útsýnarferðum 1979.
* Skemmtiatriði:
* Myndasýning:
Forstjóri Útsýnar sýnir nýjar
litmyndir frá sólarlöndum.
* Danssýning:
★ Allar dömur fá gjafasýnishorn af frönskum
ilmvötnum frá „Nina Ricci“ og „Nitchewo
og fyrir herra Gainsborough.
* Dans til
kl. 01.00.
Hin hressilega og
bráðskemmtilega
hljómsveit
Ragnars
Bjarnasonar
ósamt söng-
konunni Þuríöi
Siguröardóttur
leika fjölbreytta
tónlist við allra
hæfi.
0
Allir velkomnir enginn aögangseyrir aöeins rúllugjald en
tryggiö borö tímanlega hjá yfirþjóni í síma 20221 frá kl.
15.00 áfimmtudag.
★ Missiö ekki af glæsilegri skemmtun og möguleik-
um á ókeypis Utsýnarferö. Boröapantanir hjá
yfirpjóni í síma 20221 frá kl. 3. e.h.
ALLIR VELKOMNIR —
GÓÐA SKEMMTUN
■ Allir gestir sem koma fyrir kl. 20:00
fá ókeypis happdrættismiöa.