Morgunblaðið - 11.08.1982, Blaðsíða 11

MORGUNBLAÐIÐ, MIÐVIKUDAGUR 11. ÁGÚST 1982
39
Snilldarleg syrpa
íslenzkra alþýðulaga
Hljóm-
plotur
Árni Johnsen
Snilli Gunnars Þórðarsonar,
hugmyndaauðgi og fagleg kunn-
átta í þágu tónlistargyðjunnar
er slík að hann hefur stækkað
ísland og búið mannlífi þessa
lands betri skilyrði en ella og
það er einmitt hin hæverska en
glæsilega reisn Gunnars Þórð-
arsonar sem gnæfir hæst á
hljómplötunni íslenzk alþýðulög,
sem Fálkinn fékk hann til þess
að setja saman og stjórna. Eru
þó engir aukvisar á ferð á plöt-
unni, rjómi íslenzkra dægurlaga-
söngvara í dag og færustu
hljóðfæraleikarar. Það er raunar
ótrúlegt að Gunnar Þórðarson,
sem hefur staðið í eldlínu ís-
lenzks tónlistarlífs í liðlega 20
ár, skuli sífellt geta komið á
óvart án þess að fipast. Slíkt er
aðeins mikilla listamanna.
Lagavalið á þessari ágætu
plötu er þannig að það gefur
góða mynd af íslenzkum alþýðu-
lögum, og miðað við það að plat-
an er ekki síður hugsuð fyrir út-
lendinga þá er þarna um að ræða
lög sem eru sígild gagnvart
hvaða tónlistarsmekk sem er.
Það er einkennandi fyrir þessi
lög hvað það er mikill skáldskap-
ur í þeim. Við sem höfum alizt
upp með lagi og ljóði höfum
ákveðnar tilfinningar til þeirra,
en ég hef margoft reynt útlend-
inga að því að skynja sterklega
tilfinninguna i islenzkum lögum,
jafnvel þótt þeir þekki ekki sög-
una í ljóðinu, en miði aðeins við
þá tilfinningu sem þeir hafa
fyrir Islandi. Oft ferðast menn
svo gott sem hugsunarlaust til
annarra landa, ákveða að
skreppa eitt eða annað, en þeir
sem ferðast til íslands gera það í
flestum tilvikum vegna áhuga á
landinu, áhuga sem hefur vakn-
að af einhverjum ástæðum, en
viðkomandi fólk hefur síðan þró-
að með sér. Fyrir þetta fólk er
plata Fálkans, íslenzk alþýðulög,
hreinasta gersemi og reyndar
ekki síður fyrir heimamenn
sjálfa, því þótt Gunnar færi
mörg lögin í nýjan búning þá
brýtur hann aldrei hefðina, brýt-
ur aldrei legginn þótt hann
sveigi hann aðeins eins og vind-
urinn.
Islenzk alþýðulög eins og
Borðsálmur Jónasar, Sumar-
kveðja Páls Ólafssonar og Inga
T. Lár., Litfríð og ljóshærð Jóns
og Emils Thoroddsen, Á sprengi-
sandi Gríms og Sigvalda, Sofðu
unga ástin mín eftir Jóhann,
Rímur Eggerts, Hótel Jörð Tóm-
asar og Heimis Sindrasonar,
Vöggukvæði Halldórs úr Silfur-
tunglingu við lag Jóns Nordals,
Suðurnesjamenn Ólínu Andrés-
dóttur og Sigvalda, ísland far-
sælda Frón og síðast en ekki sízt
Þjóðsöngur vor, sýna svo ekki
verður um villzt að þessi þjóð
hefur góðan smekk á tónlist,
þroskaðan og líkast til innbyggð-
an að verulegum hluta sem rím-
þátt við íslenzka náttúru. Öll
þessi lög eru á plötu Gunnars og
Fálkans og það er skemmtilegt
að hjá öllum söngvurum plöt-
unnar skuli textinn koma til
skila tær eins og berguppspretta.
Þá má einnig þakka Gunnari
gott val söngvara, þeirra Ólafs
Þórðarsonar, Björgvins Hall-
dórssonar, Pálma Gunnarsson-
ar, Sigrúnar Harðardóttur, Ág-
ústs Atlasonar og jafnvel hjá
bakröddunum er ekki síður vel
mannað, enda komast þær vel til
skila í meðferð Ragnhildar
Gísladóttur, Ellenar Kristjáns-
dóttur og Magnúsar Sigmunds-
sonar. Auk óaðfinnanlegrar
túlkunar hljóðfæraleikaranna á
plötunni er vert að geta Jóns
Sigurðssonar bassa, sem sá um
útsetningar á strengjum og und-
irstrikar enn einu sinni þvílíkum
hæfileikum hann býr yfir á því
sviði.
Islenzk alþýðulög Fálkans
undir stjórn Gunnars Þórðar-
sonar er plata sem er sígild bæði
heima og heiman, hún er íslenzk
fram í fingurgóma, vönduð og
rík af þeirri stemmningu og
þeim anda sem rís hæst í ís-
lenzkri tónlist og er grundvöllur-
inn fyrir öllum öðrum vanga-
veltum íslenzkra tónskálda síð-
ustu áratuga og það fer vel á því
að Kirkjukór Langholtskirkju
syngi þjóðsöng íslands sem loka-
söng á plötunni, kynngimagnað
lag með ljóð sem byggir á lífs-
anda þjóðar vorrar.
Bankastræti7
Símí 2 9122
A&alstrsti4
Sími 150 05
TILBOÐ
Bjoðum staka jakka og Ijosar
sumarbuxur á sérstöku tilboðsverði.
Stendur aðeins nokkra daga.
Sérstök leiguferö — verö frá kr. 3.614,- .
Innifalið: flug, gisting, morgunverður, akstur milli
hótela og flugvallar erlendis