Morgunblaðið - 12.07.1983, Blaðsíða 2
2
MORGUNBLAÐIÐ, ÞRIÐJUDAGUR 12. JÚLÍ 1983
Tveggja milljóna tap á tívolíinu:
Vont veður
helsta orsökin
TÍVOLÍINU á Miklatúni lauk á sunnudaginn, eftir aö hafa veriö fram-
lengt um eina viku. Halldór Guðmundsson hjá Kaupstefnunni sagöi í
samtaii við Mbl. aö slæmt veður hefði sett stórt strik í reikninginn og
u.þ.b. 2 milljónir vantaöi til þess aö endar nseðu saman.
Aðstandendur tívolísins fóru í
upphafi fram á niðurfellingu
bæði sölu- og skemmtanaskatts,
en fengu einungis felldan niður
sóluskattinn og sagði Halldór að
ef svo hefði ekki verið hefði
miðaverð orðið hærra en það var
og þess vegna komið niður á
neytandanum. Þrátt fyrir þessa
niðurfellingu söluskatts varð tap
á tívolíinu og sagði Halldór
helstu orsök þess vera sæmt veð-
ur og jafnvel peningaleysi fólks
almennt. Halldór sagði þó að
framlengingarvikan hefði bjarg-
að nokkuð, enda hafi þá einnig
verið felldur niður aðgangseyrir.
Hefði veður haldist þurrt, þó
ekki hefði verið nema helming
þess tíma sem tívolíð var starf-
hefði dæmið gengið upp að sögn
Halldörs. Um 85% af heildar-
verði tívolísins náðist inn, og
lætur því nærri að enn vanti um
2 milljónir króna en Halldór
sagði að þótt þetta væri mesti
skaði sem Kaupstefnan hefði
orðið fyrir, myndi það ekki raska
starfsemi fyrirtækisins, né setja
tilverugrundvöll þess í hættu.
Hann sagði að Kaupstefnan hefði
starfað í 25 ár og gengið hefði á
ýmsu þann tíma og því væri ekki
ástæða til að láta hugfallast.
Varðandi framhald á tívolí-
haldi hérlendis sagði Halldór að
væri of snemmt að spá um, en
ekki væri ólíklegt að það yrði
reynt einhvern tíma aftur og
vonandi yrðu þá veðurguðirnir í
betra skapi.
Ekki fóru allir tómhentir heim úr
tívolíinu og hér hafa tvö náö sér í
heila bangsafjölskyldu.
Töluvert
ber á milli
í Blöndu-
viðræðunum
Samningaviðræður verka-
lýðsfélaga og vinnuveitenda
á Blöndusvæðinu hafa fariö
fram undanfarna daga hjá
rikissáttasemjara, en tölu-
verður ágreiningur er meö
aðilum.
Að sögn Guðlaugs Þorvaldsson-
ar, ríkissáttasemjara, hafa við-
ræðunefndir undanfarna daga
unnið að því að koma saman
samningsuppkasti, en töluvert ber
á milli aðila.
„Við munum halda áfram um-
fjöllun um samningsdrög, sem
gætu verið grundvöllur að áfram-
haldandi samningaviðræðum að-
ila, á morgun, en síðan verður gert
hlé á fundum fram yfir næstu
helgi, þannig að menn geti skoðað
hlutina betur."
Samkvæmt upplýsingum Morg-
unblaðsins greinir aðila helst á
um greiðslur vegna flutninga á
starfsmönnum svæði og svo þá
kröfu verkalýðsfélaganna, að íbú-
ar á svæðinu hafi forgang um
störf vegna fyrirhugaðra virkjun-
arframkvæmda.
Ladabifreiö flaug við sjávarkamb
LADA-JEPPABIFREIÐ fór fram af sjávarbakkanum viö Marargötu á Húsa-
vík sl. sunnudag og hafnaði í fjörunni um 20—25 metrum neöar. Bifreiðin
var mannlaus en hún er mikið skemmd eftir fallið eöa jafnvel ónýt. Bifreiöin
var mannlaus þegar hún fór fram af, en henni hafði verið lagt við Marargöt-
una sem hallar aö sjó. Bifreiðin valt ekki á leiöinni niður kambinn, en
síöustu 7 metrana flaug hún fram af moldarbarði í bakkanum og stakkst
síðan niöur í fjörusandinn. Klukkustundu síðar var jeppabifreiðin tekin á
vörubíl. Ljósmynd Mbl. - á.j.
Verðlagsráð samþykkir hækkanir á bilinu 2,4—21%:
V ísitölubrauðin
hækka um 10-19%
VERÐLAGSRÁÐ samþykkti á fundi sínum í gærdag aö heimila 2,4% hækkun
á gasolíu, sem hefur í for með sér að hver lítri hækkar úr 8,40 krónum í 8,60
krónur. Hver lítri frá bensínstöð hækkar því úr 9,00 krónum í 9,20 krónur. í
frétt Verðlagsstofnunar segir, aö 0,20 króna verðhækkun sé vegna hækkunar á
innkaupsverði.
Þá samþykkti Verðlagsráð á
fundi sínum að heimila 0,7% hækk-
un á svartolíu, sem hefur það í för
með sér að hvert tonn hækkar úr
6.950 krónum í 7.000 krónur. Orsök
hækkunarinnar samkvæmt frétt
Verðlagsstofnunar er aukið fram-
lag til innkaupajöfnunarreiknings.
Verðlagsráð samþykkti á fundi
sínum að heimila 10—19% hækkun
á brauðum. Sem dæmi má nefna,
að 500 gramma franskbrauð kost-
aði 11,95 krónur, en kostar nú 14,15
krónur, eða hækkar um 18,4%. Þá
hækkar normalbrauð úr 11,25
krónum í 12,35 krónur, eða um
tæplega 10%. í frétt Verðlagsstofn-
unar segir, að orsakir hækkunar-
innar séu hráefnishækkanir í kjöl-
far gengisfellingarinnar 27. maí sl.
Verðlagsráð samþykkti að heim-
ila liðlega 5% hækkun á borð-
smjörlíki og jurtasmjörlíki. Hækk-
unin sé heimiluð vegna breytinga á
hráefnisverði eftir áðurnefnda
gengisbreytingu.
Þá samþykkti Verðlagsráð að
heimila 21% hækkun á þjónustu-
gjöldum skipafélaga, þ.e. upp-
skipunargjöldum, útskipunargjöld-
um og geymslugjöldum. Þessi gjöld
hækkuðu síðast 28. apríl sl., en síð-
an hafa orðið hækkanir á rekstrar-
kostnaði vinnuvéla, rekstri fast-
eigna og launum. Eru framan-
greindir liðir meginorsök hækkun-
arinnar samkvæmt frétt Verðlags-
stofnunar.
í lok fréttar Verðlagsstofnunar
segir: „Verðhækkanir á brauðum,
smjörlíki og þjónustugjöldum
vegna gengisbreytingarinnar 27.
maí hafa ekki áður komið fram í
verði. Telur Verðlagsstofnun að
áhrif gengisfellingarinnar séu nú
að mestu komin fram í vöruverði."
Seðlabanka-
stjóri Banda-
ríkjanna
hér á landi
SEÐLABANKASTJÓRI Bandaríkj-
anna, Paul Volcker, var hér á landi í
síðustu viku á vegum Seðlabanka ís-
lands og ræddi hann við bankastjóra
íslenska Seðlabankans, en einnig fór
hann til laxveiða í Vatnsdalsá, í boði
bankans, samkvæmt upplýsingum
sem Mbl. fékk hjá Sigurði Einars-
syni, skrifstofustjóra Seðlabankans í
gær.
Volcker kom hingað til lands sl.
miðvikudag, en hélt utan á sunnu-
dag. Sigurður sagði að talsvert
væri um samstarf við erlenda
Seðlabanka og komur manna á
þeirra vegum hingað til lands.
Nefndi hann m.a. að nýlega hafi
verið hér staddir seðlabankastjórar
allra Norðurlandanna og hafi þeir
setið fund í Borgarnesi með ís-
lenskum starfsbræðrum sínum þar
sem málin voru rædd.
Þess má geta, að samkvæmt
heimildum Mbl., hélt Paul Volker
utan á sunnudag með einkaflugvél
frá Arnarflugi, en hann var sóttur
á flugvöllinn við Blönduós. Hafði
hann varið boðaður á fund í Lond-
on á mánudagsmorgun og fór hann
því frá landinu með fyrrgreindum
hætti.
Morgunblaðið/ Reynir Ragnarsson
Vísitasían hafin í Skaftafellsprófastsdæmi
BISKUP íslands, herra Pétur
Sigurgeirsson, sem nú vísiterar
vesturhluta Skaftafellsprófasts-
dæmis, hóf vísitasíuna á sunnu-
dag, 10. júlí, í Vík í Mýrdal, þar
sem þessi mynd var tekin. Til
vinstri á myndinni við biskups-
hjónin, herra Pétur Sigurgeirs-
son og frú Sólveigu Ásgeirsdótt-
ur, eru sr. Fjalarr Sigurjónsson,
prófastur Skaftafellsprófasts-
dæmis, og Beta Einarsdóttir,
kona hans, og hægra megin við
biskup eru sr. Gísli Jónasson í
Vík og Árný Albertsdóttir kona
hans.
í dag, þriðjudag, vísiterar
biskup Þvkkvabæjarklausturs-
kirkju í Álftaveri og Grafar-
kirkju í Skaftártungu og á morg-
un vísiterar hann Langholts-
kirkju í Meðallandi.
Sjávarútvegs-
ráðherra Sov-
étríkjanna í
opinbera
heimsókn
V.M. KAMENTSEV, sjávarút-
vegsráðherra Sovétríkjanna,
kemur hingað til lands í opin-
bera heimsókn næstkomandi
miðvikudag. Sjávarútvegsráð-
herrann dvelur hér á landi í
nokkra daga, ferðast um og ræð-
ir við Halldór Ásgrímsson, sjáv-
arútvegsráðherra íslands, og ís-
lenska embættismenn. Ráðherr-
ann er að endurgjalda heimsókn
Steingríms Hermannssonar,
fyrrverandi sjávarútvegsráð-
herra íslands, til Sovétríkjanna.