Morgunblaðið - 19.07.1984, Blaðsíða 1
48 SÍÐUR
STOFNAÐ 1913
163. tbl. 71. árg.
FIMMTUDAGUR 19. JÚLÍ 1984
Prentsmiðja Morgunblaðsins
Réttarhöldum yfir
fjórum Samstöðu-
mönnum frestað
Varsjá, 18. júlí. AP. >
HERDÓMSTÓLL í Varsjá frestaði í dag um óákveðinn tíma réttarhöldum
yfír fjórum kunnum forystumönnum Samstöðu, samtökum hinna frjálsu
verkalýðsfélaga í Póllandi. Þykir þetta benda til þess, að stjórn landsins
hyggist náða þá í sakaruppgjöf þeirri fyrir pólitíska fanga, sem stjórnin hefur
boðað á laugardag.
Lech Walesa, leiðtogi Samstöðu,
sagði í dag, að sakaruppgjöf þessi
væri vissulega skref í átt til mála-
miðlunar, en samt „aðeins skref og
við skulum ekki skilja það sem
sættir".
Forseti herdómstólsins, Julian
Przyducki hershöfðingi, sagði í
dag, að ekki væri enn vitað, hve
víðtæk fyrirhuguð sakaruppgjöf
Alvarlegt
mútumál
Moskvu, 18. júlí. AP.
SJÖ embættismenn við „Ros-
kontsert“, sem er stofnun sú í Sov-
étríkjunum er skipuleggur hljóm-
leikahald þar, hafa verið settir í
fangelsi. Afplána þeir nú 3—13 ára
langa dóma fyrír að þiggja mútur.
Skýrði blaðið Sovietskaya Rossiya
frá því í gær, að embættismenn þess-
ir hefðu verið dregnir fyrir rétt eftir
að yfírvöld létu rannsaka málefni 59
hljómsveita.
Aðstoðarforstjóri „Roskont-
sert“, Ivanenko að nafni, var
dæmdur í 10 ára fangelsi fyrir
mútuþægni. Þar að auki var hann
fundinn sekur um að hafa neytt
tónlistarmenn til þess að greiða
sér hluta af launum þeirra gegn
loforðum hans um að þeir fengju
að koma fram á eftirsóknarverð-
um hljómleikum.
yrði og svo gæti farið, að hún yrði
látin ná til fjórmenninganna. Því
væri það eðlilegt að svo komnu, að
réttarhöldunum yfir þeim væri
frestað.
Mennirnir fjórir hafa allir verið
ákærðir fyrir tilraunir til þess að
kollvarpa kommúnistastjórninni í
Póllandi. Á meðal þeirra eru
kunnir forystumenn Samstöðu
eins og Jacek Kuron og Adam
Michnik, sem áttu mikinn þátt í
því að koma á fót svonefndri varn-
arnefnd verkamanna, sem þekkt
hefur verið undir heitinu KOR.
Frakkland:
Pierre Mauroy, fráfarandi forsætisráðherra Frakklands (til vinstri á mynd-
inni), heilsar eftirmanni sínum, Laurent Fabius, er þeir komu saman til
fundar í París í gærmorgun.
Mondale
spáð sigri
Smn Fruciseo, 18. júli. AP.
WALTER Mondale var spáð sigri
á flokksþingi Demókrataflokksins
■ San Francisco, en vali um for-
setaefni fíokksins átti að Ijúka þar
seint í kvöld. Síðasta degi kosn-
ingabaráttunnar varði Mondale til
þess að hvetja fulltrúa blökku-
manna og manna af spönskumæl-
andi uppruna til þess að halda
tryggð við sig, en andstæðingar
hans, þeir Gary Hart og Jesse
Jackson, höfðu báðir lagt hart að
þeim í kosningabaráttunni aö
snúa baki við Mondale.
í kvöld hafði Mondale tryggt
sér fylgi 2.100 kjörmanna, en at-
kvæði 1.967 kjörmanna þurfti til
þess að hljóta útnefningu í
fyrstu umferð. Var talið, að fátt
gæti komið í veg fyrir sigur
hans og þá aðeins, ef mikill
fjöldi kjörmanna blökkumanna
og manna af spænskumælandi
uppruna hætti á síðustu stundu
við að styðja hann.
Skipan stjórnarinnar
verður kunngerð í dag
Pmrís, 18. júlf. AP. J ^ ^
Pmris, 18. júlí. AP.
LAURENT Fabius, hinn nýi for-
sætisráðherra Frakklands, hófst í
dag handa um myndun nýrrar
ríkisstjórnar. Hann er 37 ára að
aldri og yngsti forsætisráðherra
Frakklands á þessari öld. Hann
komst svo að orði í ávarpi til
frönsku þjóðarinnar, eftir að hon-
um hafði verið falin stjórnar-
myndun: „Það, sem við þörfn-
umst nú, er kyrrð innanlands,
einbeitni, nývæðing og samheldni
þjóðarinnar.“
Þess er beðið með talsverðri
eftirvæntingu, hvort kommún-
istar verða aðilar að stjórn
Fabiusar eða standa utan henn-
ar. Georges Marchais, leiðtogi
franska kommúnistaflokksins,
batt í dag enda á sumarleyfi
sitt í Rúmeníu og hélt heim til
Parísar. 1 síðustu viku lýsti for-
ysta flokksins yfir þeim ásetn-
ingi að eiga áfram aðild að rík-
Ingólfur Jónsson látinn
Ingólfur Jónsson, fyrrum ráö-
herra og alþingismaður, lézt í
gærkvöldi 75 ára að aldri. Með
Ingólfí er genginn einn af fremstu
forustumönnum Sjálfstæðisflokks-
ins um áratugaskeið og einn
svipmesti talsmaður bændastéttar-
innar allan sinn stjórnmálaferil.
Hann átti sæti á Alþingi samfleytt
í 36 ár og var ráðherra í fjórum
ráðuneytum, sem Sjálfstæðisflokk-
urinn myndaði, og gegndi ráð-
herrastörfum í einn og hálfan ára-
tug. Eftirlifandi eiginkona Ingólfs
Jónssonar er Eva Jónsdóttir.
Ingólfur fæddist í Bóluhjá-
leigu í Holtum 15. maí 1909, son-
ur hjónana Jóns Jónssonar,
bónda þar, og konu hans, önnu
Guðmundsdóttur.
Ingólfur Jónsson varð fyrst
landkjörinn alþingismaður á
sumarþingi 1942, en var síðan
þingmaður Rangæinga 1942—59
og þingmaður Sunnlendinga frá
1959 til 1978, er hann lét af þing-
störfum. Hann varð ráðherra
viðskipta- og iðnaðarmála 11.
september 1953 og fékk lausn 27.
mars 1956, en gegndi störfum til
24. júní sama ár. Varð að nýju
ráðherra 20. nóvember 1959 í
viðreisnarstjórninni, í það sinn
landbúnaðar- og samgöngumála-
ráðherra. Fékk lausn 15. júní
1971, en gegndi störfum til 14.
júli sama ár.
Ingólfur var við nám í Hvít-
árbakkaskóla 1927—29. Hann
stundaði síðan ýmis störf, var
meðal annars við búnaðarstörf í
Noregi um skeið og stundaði sjó-
mennsku á tveimur vertíðum í
Vestmannaeyjum. Fékkst við
barnakennslu í tvo vetur, en
gerðist framkvæmdastjóri kaup-
félagsins Þórs á Hellu á Rang-
árvöllum 1935 og var í því starfi
til 1953.
Ingólfur Jónsson gegndi fjöl-
mörgum öðrum trúnaðarstörfum
í þágu Sjálfstæðisflokksins og
íslenzku þjóðarinnar. Ingólfur
Jónsson átti mikil og góð sam-
skipti við Morgunblaðið alla tíð.
Morgunblaðið sendir Evu
Jónsdóttur, börnum þeirra og
fjölskyldu innilegar samúðar-
kveðjur.
isstjórninni. Búizt er við, að
Fabius herði tökin á kommún-
istum og geri það að skilyrði
fyrir þátttöku þeirra í stjórn-
inni, að þeir hætti að gagnrýna
sparnaðaráform hennar.
Kommúnistaflokkurinn, sem
að jafnaði hefur notið stuðn-
ings um fjórðungs franskra
kjósenda, hefur tapað miklu
fylgi að undanförnu og hefur
nú aðeins 10% kjósenda að baki
sér. „Spurningin, sem kommún-
istaflokkurinn stendur frammi
fyrir, er hvort hann hefur efni
á að glata síðustu leifum þess
trausts, sem hann hefur notið,"
sagði Parísarblaðið Le Monde í
dag.
Skoðanakannanir að undan-
förnu benda einnig til þess, að
jafnaðarmenn hafi tapað miklu
fylgi og veldur því fyrst og
fremst mikið atvinnuleysi í
landinu, sem jafnaðarmenn
höfðu heitið að ráða bót á.
Hægri blöðin túlkuðu al-
mennt stjórnarskiptin sem
skipbrot fyrir stefnu vinstri
flokkanna. Þannig komst Le
Figaro svo að orði: „Völd
vinstri flokkanna í heild eru að
gliðna í sundur."
Ekki er gert ráð fyrir, að
stefna nýju stjórnarinnar verði
frábrugðin stefnu fyrri stjórn-
ar. Talið er víst, að Fabius, sem
var iðnaðar- og tæknimála-
ráðherra í fyrri stjórn, muni
halda fast við sparnaðarstefnu
hennar. Þá er ekki heldur gert
ráð fyrir neinum breytingum á
stefnu Frakklands í utanríkis-
og varnarmálum.