Morgunblaðið - 09.03.1985, Qupperneq 25

MORGUNBLAÐIÐ, LAUGARDAGUR 9. MARZ 1985
25
Afganistan:
Sovétmenn reyna að
loka landamærunum
Genf, 8. mara. AP.
MIKILL fjöldi sovéskra her-
manna er nú kominn að landa-
mærum Afganistans og Pakistans
og virðist sem þeir eigi að reyna
að loka aðflutningsleiðum skæru-
liða.
Fréttir eru um mikla bardaga
milli skæruliða og sovéskra her-
manna skammt frá landamær-
unum við Pakistan og þykir
ljóst, að Sovétmenn ætla að
reyna að loka landamærunum.
Hafa þeir sett upp margar
varðstöðvar á þessum slóðum en
verða þó stöðugt fyrir árásum
skæruliða.
Fulltrúi Kabúlstjórnarinnar
hjá Sameinuðu þjóðunum sagði í
dag, að skýrsla mannréttinda-
nefndar SÞ væri „lygaþvætting-
ur runninn undan rótum CIA“,
loftbóla og liður í herferð
bandarískra heimsvaldasinna
og leppa þeirra gegn Afganist-
an“. Hafði hann mörg lík orð um
skýrsluna en í henni segir frá
mannréttindabrotum í Afgan-
istan, pyntingum, aftökum og
morðum á óbreyttum borgurum.
Tillögur frá NATO
á Stokkhólms-fundi
Stokkhóimi, 8.marz. AP.
BANDARÍKIN og samherjar
þeirra lögðu í dag fram tillögur,
sem eru „tilbúnar til undirritunar",
um ráðstafanir sem eiga að draga
úr stríðshættu í Evrópu.
Aðalfulltrúi Bandaríkjanna,
James W. Goodby, sagði á blaða-
mannafundi að þetta væri „heild-
arskjal, tilbúið til undirritunar
og gagnlegt innlegg í samninga-
viðræður um heimsmálin.“
Ráðstefnan hófst fyrir 14 mán-
uðum og þátttakendur auk
Bandaríkjanna og Sovétríkjanna
eru öll ríki Evrópu, nema Al-
banía, og Kanada.
Sextán aðildarríki NATO
standa að tillögunni, sem skýrt
var frá í dag, og hún var lögð
fram á fundi, þar sem fulltrúar
allra þátttökuþjóðanna mættu.
Skjalið er samantekt á sex
vinnuskjölum, sem voru lögð
fram í vinnuhópum fyrr á þess-
um ári, og bætt hefur verið við
fleiri atriðum.
I skjalinu eru m.a. ítarlegar
tillögur um skipti á hermála-
upplýsingum, fyrirfram tilkynn-
ingar um heræfingar, nærveru
hermálafulltrúa á heræfingum
og eftirlit með því að staðið sé
við ráðstafanirnar.
AP/Sfmunjiid
NÝTT EFNI GEGN
KRABBAMEINI
Dr. Charles Todd, yfirmaður ónæmisfræðideildar Beckman-
rannsóknastöðvarinnar í Duarte í Kaliforníu, bregður hér upp diski
með bakteríum þannig að þær framleiða efnið TNF. Eru bundnar
miklar vonir við, að það geti komið að góðu haldi í baráttunni við
krabbameinið og er efnið nú framieitt í Kaliforníu og Japan.
Bflasýninq á Akureyri
á bifreiöaverkstæöi
Jóhannesar Kristjánssonar
Gránufélagsgötu 47, Akureyri, sími 23630.
Laugardagur kl. 10—16|Sunnudagur kl. 13—16
ser um sma
skilar þér öruggum á áfangastaö
í gegnum frost og snjó eða sumar og sól
EKKI SPILLIR
VERÐIÐ FYRIR
FREKARI KYNNUM
Lada 1200 kr. 198.500
Lada sport kr. 408.000
Lada safír kr. 219.600
Lada station kr. 216.000
Lada Lux kr. 248.000
Bifreiðar og Landbúnaðarvélar hf
Suðurlandsbraut 14 - Simi 38600 Söludeild 31236
Bílasöludeildin í Reykjavík er opin í dag kl. 13-16.