Morgunblaðið - 06.06.1985, Blaðsíða 47
MORGUNBLAÐIÐ, FIMMTUDAGUR 6. JÚNÍ 1985
47
Sviffluga á Sandskeiöi.
Svifflugmenn
komnir á loft
SUMARSTARF Svifflugfélags ís-
lands er hafið fyrir nokkru. Þetta
er 49. starfsár féiagsins. Starfsemi
félagsins fer að venju fram á
Sandskeiði, en þar hefur aðal-
bækistöð félagsins verið frá upp-
hafi. „Flugvertíðin" hefst yfirleitt
í byrjun maí og stendur til sept-
emberloka. Eftir 1. júní er flogið
bæði á kvöldin og um helgar. Fé-
iagið heldur uppi kennslu i svif-
flugi og geta þeir sem áhuga hafa
snúið sér til kennara félagsins á
Sandskeiði og brugðið sér í
reynsluflug.
Öll aðstaða á Sandskeiði er
mjög góð frá náttúrunnar hendi
og á seinni árum hefur flugvöilur-
inn og önnur aðstaða verið bætt
verulega. Gott uppstreymi er við
hlíðar Vífilfells og þar hafa flestir
sunnlenskir svifflugmenn lært
listina.
Verkamannabústaðir:
Fyrstu íbúðirnar í
Ártúnsholti afhentar
FYRSTU tvær íbúðirnar í 4.
áfanga Verkamannabústaða í
Reykjavík voru afhentar föstu-
daginn 31. maí sl. I þessum
áfanga, sem rís í Ártúnsholti,
verða alls 137 íbúðir í raðhúsum
og fjöibýlishúsum. Framkvæmdir
hófust sumarið 1983 og er áætlað
að allar íbúðirnar verði tilbúnar
til afhendingar á þessu ári. Ibúð-
irnar, sem eru tveggja, þriggja og
fjögurra herbergja eru afhentar
fullfrágengnar að innan og einnig
eru lóð og bílastæði frágengin.
Öilum íbúðunum hefur verið ráð-
stafað.
Það var Guðjón Jónsson, for-
maður stjórnar Verkamannabú-
staða í Reykjavík, sem afhenti
hjónunum Jakobi Ævari Hilmars-
syni og Kristínu Þorsteinsdóttur
og Gísla Karel Eggertssyni og
Steinunni Ásgeirsdóttur íbúðirnar
við hátíðlega athöfn. Meðal við-
staddra var Davíð Oddsson borg-
arstjóri.
Frá afhendingunni á fostudag. F.v. Jakob Ævar Hilmarsson, Steinunn Ás-
geirsdóttir, Gísli Karel Eggertsson, Guðjón Jónsson, Krístín Þorsteinsdóttir
og Davíð Oddsson.
Flug og skip. Flug út, skipheim, skipút ogflugheim,
eba eins og þú vilt.
Ferðaskrifstofa ríkisins og Flugleiðir bjóða nú enn
einn ferðamöguleikann, - flug og skip.
Við bjóðum þér að fljúga með Flugleiðum og sigla
með Norrænu, hvort heldur þú vilt heiman eða heim.
Þú gætir t.d. flogið innanlands, siglt út og flogið heim,
eða flogið út og siglt heim.
Möguleikarnir eru margir. Hafðu alla þína hentisemi.
Flugið er fljótlegra, en skemmtisigling með Norrænu
er óneitanlega freistandi.
Dæmi um verð: Flogið frá Reykjavík til Osló
Siglt frá Bergen til Seyðisfjarðar
Flogið frá Egilsstöðum til Reykjavíkur kr. 13.316.-
Flug og skip,
ánægjuleg tilbreyting á ferðamáta landsmanna.
*
beitið upplýsinga hjá Ferðaskrifstofu Ríkisins, Flugleiðum og ferðaskrifstofum.
FRI Ferðaskrifstofa Ríkisins
FLUGLEIÐIR