Morgunblaðið - 13.06.1985, Blaðsíða 45

MORGUNBLAÐID, FIMMTUDAGUR 13. JÚNÍ 1985
45
Morgunblaðid/Þorkell
Áslaug Haraldsdóttir: „Það sem ég er að gera geti nýst í sambandi við
flugvélar, þyrlur og vélmenni."
„Fáar stelpur
hafa farið í
vélayerkfræði“
spjallað við Áslaugu Haraldsdóttur
sem senn lýkur doktorsnámi
Áslaug Haraldsdóttir er 28 ára
gömul og ein af þeim fáu konum
hérlendis sem hafa menntað sig í
vélaverkfræði. Hún útskrifaðist úr
Háskóla íslands 1980 og fór þá í
framhaldsnám í Bandaríkjunum,
lauk mastersgráðu 1982 frá Okla-
homa State University og hóf dokt-
orsnám þá um haustið í University
of Michigan.
Áslaugu var nú veittur styrk-
ur til þessa náms af Zonta Int-
ernational, alþjóðlegum samtök-
um vinnandi kvenna, annað árið
í röð. Styrkurinn er kenndur við
flugkonuna Amelie Erhart og er
veittur til kvenna sem eru í námi
sem tengist flugi og geimvísind-
um í bandarískum háskólum og
fellur verkfræði meðal annars
þar undir.
„Ég er að sérhæfa mig í stýri-
tækni og fjallar doktorsverkefni
mitt um hönnun ónæmra línu-
legra stýrikerfa," sagði Áslaug í
spjalli við blaðamann. „Doktors-
verkefnið mitt er komið sæmi-
lega á veg og vonast ég jafnvel
til að klára næsta sumar.
Stýritækni er hægt að nota á
öll breytileg kerfi allt frá sjálf-
stýringum flugvéla til hita-
temprunar í húsum. En það sem
ég er að gera gæti nýst í sam-
bandi við flugvélar, þyrlur og
vélmenni. Er ég að vinna að því
að gera stýrikerfið ónæmt fyrir
breytingum sem ekki var gert
ráð fyrir við hönnun. Ef við tök-
um flugið sem dæmi þá breytast
hönnunarforsendurnar við hita-
stigsbreytingar og loftþrýst-
ingsbreytingar en stýrikerfið
þarf að ráða við verkefnið þrátt
fyrir það.
Upphaflega var ég að spá í að
breyta stýrikerfi bíla, breyta
stýringu á bíl svo ekki þyrfti að
hreyfa stýrið eins mikið og
minni áreynslu þyrfti til. Var ég
þá að hugsa þetta útfrá hreyfi-
hömluðu fólki og þörfum þess.
Styrkur til þessa verkefnis var
frá Bandaríkjastjórn en fékkst
ekki til að klára þetta verkefni.
Markmiðið að loknu námi er
að koma heim og vinna. Ég hef
þó lítið athugað hverskonar
rannsóknir eru hér í gangi og
kannski finn ég ekkert sem er í
beinu framhaldi af því sem ég
hef verið að vinna að en af því
hef ég engar áhyggjur."
Neytendasamtökin:
Óánægja með bú-
vörufrumvarpið
MORGUNBLAÐINU hefur borist
eftirfarandi ályktun, sem samþykkt
var á stjórnarfundi Neytendasam-
takanna 30. maí sl.:
„Stjórn Neytendasamtakanna
hefur í bréfum til landbúnaðar-
ráðherra og neðri deildar Alþingis
varað við samþykkt ýmissa atriða
í frumvarpi til laga um fram-
leiðslu, verðlagningu og sölu á bú-
vörum, sem lagt hefur verið fram
á Alþingi. Stjórnin ítrekar fyrri
sjónarmið sín í máli þess, en þau
eru m.a.:
1) Andstaða við útvíkkun búvöru-
hugtaksins frá því sem nú gildir,
þ.e.a.s. að undir framleiðslustjórn
verði teknar afurðir svína, ali-
fugla, nytjajurta, loðdýra og
hlunninda.
2) Verðmiðlun milli búgreina,
m.a. í formi fóðurgjalds.
Einnig mótmælir stjórn Neyt-
endasamtakanna málsmeðferð-
inni á frumvarpinu, en Neytenda-
samtökunum var fyrst kynnt
frumvarpið þegar það var fullbúið
til flutnings á Alþingi. Neytenda-
samtökin skora því á Alþingi að
samþykkja ekki frumvarpið í nú-
verandi mynd. Eðlilegt er að
frumvarpið verði til frekari at-
hugunar í nefnd hagsmunaaðila
fyrir næsta Alþingi. Neytenda-
samtokin lýsa sig reiðubúin til
þátttöku í slíkri nefnd."
"Svo segistu
aldrei haía
komið nákegt
þessu tæld!
Nótulaus viðskipti geta virst hagstæð við fyrstu sýn.
En þau geta komið þér í koll því sá sem býður þér slíkt
er um leið að firra sig ábyrgð á unnu verki.
Taktu nótu - það borgar sig
Auk fjölmargra breytinga og
leiðréttinga sem skattstjórar
landsins gera á skattframtölum,
tekur skattrannsóknarstjóri fjölda
félaga og einstaklinga til sér-
stakrar rannsóknar á ári hverju.
Árið 1984 voru 360 mál í athugun.
Dæmi eru um að skattaðilar hafi
verið rannsakaðir sex ár aftur í
tímann og fengið skattahækkanir
svo milljónum skiptir.
Loftnetsviðgerða r-
maðurinn var svo
almennilegur að ég
kunni ekhi við að
biðja hann um nótu.
F|ÁRM Al ARÁÐUNHYTIÐ

JllwjpiiiMjiMfr
Metsölublað á hverjum degi!