Morgunblaðið - 25.09.1985, Blaðsíða 5
MORGUNBLAÐID, MIÐVIKUDAGUR 25. SEPTEMBER1985
5
Gríma opnar
afmælis-
sýningu á
laugardag
ÓLÖF Grímea Þorláksdóttir (Gríma),
sem er 90 ára í dag, opnar sýningu á 18
olíumálverkum í húsakynnum Alþýðu-
sambands íslands nk. laugardag, þann
28. september.
ólöf Grímea hefur málað í tómstund-
um sl. 20 ár og spanna myndirnar á sýn-
ingunni yfir það tímabil. Síðast var Olöf
Grímea með einkasýningu í Klausturhól-
um, sem nú heitir Listmunahúsið við
Lækjargötu, árið 1974, en hún hefur tek-
ið þátt í nokkrum samsýningum síðan.
Kippur kominn
í loðnuveiðarnar
TALSVERÐUR kippur er nú kominn
í loðnuveiöarnar norður af landinu
jafnframt því, sem loðnan gengur nsr
landi. Aðeins þrjú skip voru með afla
á mánudag en síðdegis á þriðjudag
höfðu 13 skip tilkynnt afla, samtals
8.100 lestir. Loðnunni er nú landað á
svæðinu frá Bolungarvík austur um
til Vestmannaeyja.
Á mánudag tilkynnti Hilmir II
SU um 560 lesta afla, Gígja RE, 750
og Hákon ÞH 100 lestir. Síðdegis á
þriðjudag höfðu eftirtalin skip til-
kynnt afla: Svanur RE, 700, Örn
KE, 580, Albert GK, 600, Hrafn GK,
640, Rauðsey AK, 570, Súlan EA,
800, Magnús NK, 540, Bergur VE,
530, Sighvatur Bjarnason VE, 710,
Skarðsvík SH 640, Kap II VE, 700,
Gísli Árni RE, 640 og Erling KE
450 lestir.
Ólíklegt að
sala aukist
á bandarísk-
um bifreiðum
— segir Bílgreinasambandið
JÓNAS Þór Steinarsson, fram-
kvæmdastjóri Bílgreinasambands-
ins, telur ólíklegt, að lækkun Banda-
ríkjadollars muni verða til þess að
auka hlutdeild nýrra bandarískra
bifreiða á markaðnum hér. Sala á
nýjum bandarískum bifreiðum hefur
stöðugt dregist saman á undanförn-
um árum og á fyrstu sex mánuðum
þessa árs var hlutfall þeirra af heild-
arsölu bifreiða hér á landi 0,5% og
hefur aldrei verið lægra.
„Lækkun dollars um 5—10%
breytir ákaflega litlu um bifreiða-
söluna," sagði Jónas. Munur á verði
bandarískra bifreiða og þeirra, sem
fluttar væru inn frá Evrópulöndum
og Japan, væri enn það mikill.
Hann sagði, að sala nýrra banda-
rískra bifreiða hefði dregist veru-
lega saman undanfarin ár. Árið
1974 var hlutfall þeirra á íslensk-
um bifreiðamarkaði 20%, en árið
1981 var það komið niður í 6,2%.
Ári síðar var það 1,7%, síðan 1,6%
og í fyrra var það 0,8%.
Jónas Þór kvaðst ekki vilja spá
um það hvort lækkun bifreiðatolls
úr 90% í 70%7 sem leiðir til um
10% lækkunar á útsöluverði bif-
reiða, mundi verða til þess að auka
bifreiðasölu verulega.
Svar til
Þorgeirs
Þorgeirs-
sonar
VEGNA ummæla í grein
Þorgeirs Þorgeirssonar í
Morgunblaðinu 29. sept. sl. þar
sem hann gefur í skyn, að Árni
Sigurjónsson hafi hindrað að
framvæmdastjórn Norrænu
ljóðlistarhátíðarinnar beitti
sér fyrir stuðningi þátttak-
enda við Þorgeir i málastappi
ríkissaksóknara gegn honum,
viljum við taka fram að þessi
ásökun er algjörlega úr lausu
lofti gripin. Erum við furðu
lostnir yfir svo ómaklegri árás
á góðan dreng sem ekkert hef-
ur gert á hluta Þorgeirs og er í
hvívetna vandur að virðingu
sinni.
Framkvæmdastjórn var
ekki annað verkefni ætlað en
sjá um framkvæmd hátíðar-
innar og hélt sig innan verk-
sviðs síns.
Stuðningsyfirlýsing skáld-
anna við Tarkovskí var til-
komin að frumkvæði einstakl-
inga og auðsótt vegna kunn-
ugleika aðila á málinu.
Thor Vilhjálmsson
Einar Kárason
Einar Bragi
Örnólfur Thorsson
HLJOÐLAT
„OG AFKASTAMIKIL
HORKUTOL FRA PHILCO
Philco 421 þurrkarinn.
Philco þurrkarinn tekur 5 kg af þurrþvotti
sama magn og þvottavélin. Hann er
einfaldur í notkun; þú velur á milli 3
sjálfvirkra þurrkkerfa sem henta öllum
tegundum þvotts. Þurrktími getur
varaö allt að tveimur klst. auk átta
mínútna kælingar í lok þurrkunar.
Philco w 393 þvottavélin.
Ytri belgurinn sem er úr ryðfríu stáli gerir
Philco að enn betri og öruggari
þvotttavél en áður. Vélin vindur með
allt að 1000 snúninga hraða á mínútu.
Hún hefur stóran þvottabelg og tekur
inn á sig bæði heitt og kalt vatn.
Þannig sparast umtalsverð orka.
Hægt er að láta þurrkarann standa ofan á þvottavélinni
- það sparar þér dýrmætt rými og eykur vinnuhagræði.
Á vélunum er öryggisbúnaður sem tryggir þér betri endingu og lægri viðhaldskostnað.
Að síðustu má ekki gleyma að vélarnar heita Philco
og eru frá Heimilistækjum. Það talar sínu máli: Traust nöfn, sanngjarnt verð og örugg þjónusta.
Láttu Philco skila þér þvottinum hreinum og þurrum - engar snúrur, engar áhyggjur.
Við erum sveigjanlegir í samningum.